بھديك بيتين شعر وانت تستاھل

[نجد2]

وعليكم السلام ورحمة الله وبركاته
انا زينه انت شلونك والحمدلله على السلامة مشعل مسموح بس طمني عليك امانه

[سواها قلبي]

المشاركة الأصلية كتبت بواسطة نجد2

وعليكم السلام ورحمة الله وبركاته
انا زينه انت شلونك والحمدلله على السلامة مشعل مسموح بس طمني عليك امانه

الحمدلله انج زينه وهذا اهم شي والله يسلمج لا تخافين انا ابخير ونعمة من رب العباد بدش بالموضوع على طول


​الربع متواعدين بيروحون لجبد وهذي منطقة فيها جواخير وبعض الناس كاتب لافته استراحة افلان ههههههه مستحتي وان دشيتي عنده فاحت ريحة الغنم واذا مو عنده بتفوح من جيرانه ماكو فايدة حتى في واحد انعرفه مرينا على جاخوره وشفنا كاتب استراحة افلان رحنا لخطاط وقلنا له اكتب جاخور افلان وخذينا اللافته مالته وحطينا لافتتنا وبعد جم يوم شال اللافته وكتب استراحة افلان وهم غيرناها لجاخور افلان واهو مايدري منو اللي يغيرها وقعدنا على الحالة 8 شهور مل الريال شنو سووا حط اللافته استراحة افلان وربط الجلب ابعمود اللافته عاد جلبه اقشر احنا انراقبه من ابعيد كل يوم وبكل وقت ومرة من المرات فكه ابيعطيه اكله وبغسله ويوم طلع بربطه ولا مكتوب جاخور افلان هههههههههههههه بعدها اب جم يوم غير اللافته وربط الجلب وقام يغسله ويعطيه اكله تحتها ومرت الايام مرينا على جاخوره ومعانا جلبه نثيه انثول الجلب ماله لما شافها نزل واحد من الربع واخذ الجلب وربط ابمكانه حمار وغير اللافته وكتب عالحمار كنت جلب
ادري اني طلعت عن السالفة بس هذي مقدمة عشان اذا قلت لج عذري بقوله بدون شرح ههههه يالله عاد صبري هذي الحلقة الاولى

[سواها قلبي]

خنقولج السالفة كنت بفاجئهم وبروح قبلهم لجبد قلت للسواق روح خذ السيارة وفولها بانزين ويوم طلعت لقيت التاي امبنجر قلت للسواق حط السبير خنروح ويصير خير بعدين ورحت فوق بعد نص ساعة نزلت والسيارة اوكي ركبت واول مرة اسوق بعد الحادث حاشتني نفاظة وقمت ارجف وخايف جني اول مرة اسوق ريلي اليمين وصلت للسكان وبعدين زادت الرجفة وصلت ريلي للمنظرة اللي يشوف فيها السايق وعلى طول صكيت الدريشة وقفلت السيارة خفت انها تطلع برا واقعد بالسيارة بدون ريل انا عبالي مستانسة وقامت اتناقز وبيني وبين نفسي اشغل لها اغنية اخيلها تستانس لا حرام الاغاني قمت اهديها واقولها يابنت الحلال خلاص انتي اول مرة اتروحين لجبد خلينا نسوق المهم قمت افر بالمنطقة هههههههه لما راح الخوف مني ومسكت الخط وقلبي قام يرقع خط سريع قمت اشجع نفسي وصار الشي طبيعي وانا بالطريج اسمع صوت كلشوي يزيد ولما زاد حيل هديت السرعة ورحت على طول لبنجرجي قلت الصوت اهنه وصار معاي بنجر وغيره السواق تمقل بالتاير3 دقايق انا قلت الحين بقطله الرقم جان يلتف علي وقالي احمد ربك ما انقلبت قلتله ليش شسالفة قال كل البراغي مفتوحه الا واحد بس اهو اللي مضبوط شوف هالبرغي فره بصابعه والثاني والثالث والرابع قلت الحمدلله ومسكت البرغي بيدي حتى الياهل اللي توه مولود عمره شهر يقدر يفكه بيده لا هذا ما يقدر يغير حفاظته اشلون يفكه لا عمره ست سنوات يقدر يفكه بعدين حركت ورحت لبجد ودشيت الجاخور وقلت للربع تراني بالجاخور لحد يمرني البيت

هذي الحلقة الثانية هههههههه

ترا الحين بروح لجبد وبقيب يمكن الاحد ان شاء الله برد دعواتكم لي وليس علي هههههه

[نجد2]

لا اله الا الله
شهالسالفه مشعل انت شفيك ماتبي تترقع اصبر لين تتعافى بشكل كامل تالي روح وتعال..
الحمدلله انها عدت ع خير وانتبه لروحك
ووين خالك غريبه عديت من يدينه هالمره اهو والافريقي اللي تقول دايم..

[سواها قلبي]

المشاركة الأصلية كتبت بواسطة نجد2

لا اله الا الله
شهالسالفه مشعل انت شفيك ماتبي تترقع اصبر لين تتعافى بشكل كامل تالي روح وتعال..
الحمدلله انها عدت ع خير وانتبه لروحك
..

انا ماعرف وربي لازم اتحرك حتى لو اطيح مريض اول يوم اقعد وبعدين خلاص احاول اقوم واطلع لازم اطلع ما احب القعدة بالبيت

ووين خالك غريبه عديت من يدينه هالمره اهو والافريقي اللي تقول دايم

هههههههههه الافريقي نايم وبعدين الخال خلاص اول الامر مراقبة قوية وبعدين خلاص صرت ولله الحمد احس من اول اب وايد كاني توني واصل من جبد وسايق السيارة ابروحي

الحمدلله انها عدت ع خير وانتبه لروحك

الله يسلمج بنت عمي وما قصرتي

المهم خنكملج السالفة سالفة العذر كان عندي موعد مراجعة وانا عبالي السفرة بعد اسبوع نسيت وكنت ناوي اكتبلج تراني بسافر يعني قبلها ابيوم وكنت نايم ابجبد ودق علي حضرة جنابه ها جاهز قلتله شالسالفة قالي بنروح المطار سفرتنا اليوم قلت من صجك انت عاد انا عندي صورة التذكرة شفتها وانصدمت عاد انا الزين فيني كله اجهز اغراضي قبل السفرة ابشهر قلتله اغراضي جاهزة وجوازي بالجنطة هاتهم معاك للمطار وانا ابجبد بركب تكسي وسيده للمطار والحمدلله معاي جنطة وفيها كلشي تسبحت وتعطرت وكشخت والربع نايمين اتصلت على التكسي وياني وطرت للمطار وما قدرت ادش المنتدى وصلنا ولله الحمد ولقيت الدكتورة سبجاووووو والنتايج كلبوها ولله الحمد زينة وهذا عذري ويارب مقبول وتعيدين لي الامتحان

مقدم العذر مشعلاني

[نجد2]

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري







الحمدلله على سلامتك وعساها عافيه دايمه

[سواها قلبي]

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري







الحمدلله على سلامتك وعساها عافيه دايمه

اللهم جميعا ومشكورة بنت عمي وعساج عالقوة والله يسهل دربج ويسعدج فالدينا والآخرة واهم شي عندي مابي اكون امضايقج ابشيئ