|
|
|
 |
 |
|||||||||
|
||||||||||
 |
 |
|||||||||
 |
|
|
أدوات الموضوع | انواع عرض الموضوع |
11-18-2024, 09:35 PM
|
#11 |
|
Senior Member
تاريخ التسجيل: Apr 2015
المشاركات: 7,282
|
السبت 09-11-2024
12:28 النيابة تطالب بتوقيع أقصى عقوبة على المتهمين بقتل ابن سفير مصري سابق في الشيخ زايد (تفاصيل وصور) | كتب: محمد القماش | طالبت النيابة العامة، بتوقيع أقصى عقوبة على المتهمين بقتل عمرو علي، ابن سفير مصري سابق بإحدى الدول، خلال تلاوتها أمر الإحالة، بأولى جلسات محاكمتهم أمام محكمة جنايات الجيزة، برئاسة المستشار شريف محمد رشدي. |
|
|
|
11-18-2024, 10:28 PM
|
#12 |
|
Senior Member
تاريخ التسجيل: Apr 2015
المشاركات: 7,282
|
السبت 09-11-2024
17:17 جدة ابن السفير ضحية جريمة الشيخ زايد: «الخنجر اللي ضربوه بيه لسه في صدورنا» (خاص) الجدة تكشف اللحظات الأخيرة في حياة الحفيد | كتب: محمد القماش | ترافعت جدة عمرو علي، ابن سفير مصر سابقًا بإحدى الدول، اليوم السبت، أمام محكمة جنايات الجيزة، برئاسة المستشار شريف محمد رشدي، خلال نظر أولى جلسات محاكمة 3 متهمين بقتل حفيدها وسرقته. نص مرافعة جدة ابن السفير ضحية 3 أشخاص في الشيخ زايد المحامون بالحق المدني طلبوا من القاضى السماح بكلمة لجدة المجني عليه، والتي ترافعت أمام المحكمة: «عمري 82 سنة، لا أزال أعمل في المحاماة، وأصررت على الحضور والترافع رغم كبر سني، وشاء القدر أن أترافع في أصعب قضية وهي قتل حفيدى اللي عمره 38 سنة، كان بيجرى ويسعى لبلده، عمل على الزراعة في أراض صحراوية رغم أننا نتملك أراضى، لكنه كان يقول إنها مليئة بالحشرات، ولا يجوز تصدير منتجاتها خارج البلاد، فالشركات العالمية عرفته كلها، لأنه بيحافظ على اسم بلده وكان بيروي الأراضي بالتنقيط علشان توفير المياه، وبنفسه اشترى المواسير المخصصة لذلك». الجدة تُطالب بالإعدام للمتهمين بقتل حفيدها وقدمت لهيئة المحكمة حافظة مستندات قالت إنها تضم السيرة الذاتية لحفيدها وما فعله لإعلاء سمعة بلاده، حتى ذاع صيته في العالم، مرددة في انهيار: «الخنجر بتاعه اللى لاقاه المتهمون في شقته، وطعنوه بيه وسابوه لحد تانى يوم في قلبه، لسه آثاره في قلوبنا إحنا»، مسترجعة تفاصيل يوم الواقعة، بقولها: «أم المجنى عليه قلقت عليه، لعدم الاتصال عليها يوم كامل على غير العادة، فوصل والده إلى شقته في الشيخ زايد واستعان بنجار، وبكسر الباب اكتشف جثمان الابن ملفوفًا في سجادة فكانت الصاعقة التي أصابته، زي اللى أصابتنا لما عرفنا باعترافات مرتكبي الجريمة اللى قالوا فيها إنهم كانوا ناويين ياخدوه في الصحراء ويحرقوا جثته ليتخلصوا منها، ده الفُجر بعينه، دول يا أفندم قتلوا حفيدى وكسرونا كلنا والخنجر اللي بيتوه في قلبه موجود عندنا لحد دلوقتى في صدرنا». واختتمت مرافعتها: «أطالب بتوقيع أقصى عقوبة على المتهمين، الإعدام شنقًا». |
|
|
|
|
11-18-2024, 10:31 PM
|
#13 |
|
Senior Member
تاريخ التسجيل: Apr 2015
المشاركات: 7,282
|
السبت 09-11-2024
18:58 دفاع متهمين بقتل ابن السفير أمام المحكمة: «مرضى عندهم مس شيطاني ومش مدركين لتصرفاتهم» (خاص) تأجيل القضية إلى جلسة 7 ديسمبر المقبل | كتب: محمد القماش | طالب دفاع متهمين بقضية قتل ابن السفير في مدينة الشيخ زايد، اليوم السبت، أمام محكمة جنايات الجيزة، برئاسة المستشار شريف محمد رشدي، بإيداعهما إحدى مستشفيات الأمراض النفسية والعقلية، كونهما غير مدركين لتصرفاتهما، بسبب «مس شيطاني»، على حد زعمه. اضطراب وجداني القضية تضم 3 متهمين، هم: «يوسف»، و«مارك»، طالبان، جارا المجني عليه، و«إبراهيم»، سايس، إذ وجهت نيابة الشيخ زايد، برئاسة المستشار إيهاب العوضي، للأول والثاني ارتكاب جريمة القتل العمد المقترن بالسرقة بالإكراه، فيما نسبت للثالث معاونة الطالبين في التصرف في المسروقات التي استوليا عليها من مسكن المجني عليه. دفاع «مارك»، المتهم الأول، طلب بإيداع موكله بأحد مستشفيات الأمراض العقلية المتخصصة لملاحظة مدى قواه العقلية من عدمه، قائلًا إن المتهم مٌصاب بآفة عقلية تعدمه الشعور والإدراك في فترة المرض، وهى طبيًا تُسمى «الاضطراب الوجدانى ثنائي القطب»، والذى يؤثر على قدرته العقلية بما يؤدى لاندفاعات سلوكية غير محسوبة المخاطر. خداع وتحكم وقدم المحامى، حافظة مستندات تضم تقريرًا طبيًا لأحد الأطباء، هو إخصائى الأمراض النفسية والعصبية بجامعة عين شمس، والذى أثبت فيه أن موكله حضر إلى عيادته بتاريخ 9 يونيو 2022 -قبل عامين من الجريمة-، لافتًا إلى أن المتهم انتابته أعراض دهانية تتمثل في إصابته بـ«مس شيطاني»، وانتهى تقرير الطبيب وفق الدفاع إلى إصابة موكله بذلك المرض الذي يؤدى لعدم قدرته على اتخاذ القرارات وقت معاناته، ومعه يسهل خداعه والتحكم فيه، مطالبًا بإيداعه بأحد مستشفيات. وطالب دفاع «يوسف»، المتهم الثانى، بإيداع موكله إحدى دور الرعاية الطبية والنفسية والعقلية، للوقوف على سلامة قواه العقلية، إلى جانب الاستعلام من شركات المحمول عن الموقع الجغرافى لتواجد موكله بداية من 3 سبتمبر حتى 7 سبتمبر الماضى -وقت الجريمة-، فضلًا عن التصريح بالحصول على صورة رسمية من الملف الطبى الخاص لموكله من أحد المستشفيات بالمعادي. ولم يتقدم دفاع المتهم الثالث، بثمة طلبات، وقال: إنه مستعد للمرافعة، وبدورها أصدرت المحكمة، قرارها المتقدم بتأجيل نظر القضية إلى جلسة 7 ديسمبر المقبل، لحضور شهود الإثبات ومناقشتهم. |
|
|
|
|
11-18-2024, 10:36 PM
|
#14 |
|
Senior Member
تاريخ التسجيل: Apr 2015
المشاركات: 7,282
|
السبت 09-11-2024
21:11 «إنتوا مين؟».. متهم بـ قتل ابن السفير في الشيخ زايد أمام النيابة: «دخلنا عليه وهو نايم» (خاص) «يوسف»: «مارك دخل من الشبّاك وأنا دخلت وراه» | كتب: محمد القماش | تنفرد «المصري اليوم»، بنشر الجزء الثالث من اعترافات «يوسف. م» المتهم الأول، أمام النيابة العامة في قضية قتل ابن السفير في الشيخ زايد، إذ قرر كيف دبر مع المتهم الثاني «مارك» لجريمتهما بدافع سرقة مسكن المجني عليه عمرو علي بسيوني بمدينة الشيخ زايد. وكان «إبراهيم» المتهم الثالث بالقضية اشترك مع المتهمين «الأول» و«الثاني» في التصرف بالمسروقات. نص اعترافات المتهم الأول بقتل ابن السفير في الشيخ زايد استكمل المتهم الأول في قضية مقتل ابن السفير في الشيخ زايد اعترافاته أمام النيابة: «وعرفت بردو إن (عمرو) بيسافر كتير وغالبًا مش بيقعد في شقته اللي في الكمبوند وعنده عربية شاريها بفلوسه مرسيدس، ففكرت أديله فلوسي يشغلهالي في الأون لاين، والفلوس كنت محوشها وكانت 15 ألف جنيه والاتفاق كان عبارة عن أديله الفلوس هو يشغلهالي ويجبلي مبلغ 25 ألف جنيه خلال شهر، خلال الخلاف بيني وبين عمرو بسيوني بدأ لما مدة الشهر اللي وعدني بيها عدت ومدانيش الفلوس لدرجة إني فضلت أطالبه بالفلوس وبيهرب مني من شهر 6 لشهر 8، ومفيش نتيجة، والحلول كلها اتقفلت في وشي فروحت قابلت صاحبي الوحيد (مارك) في الجنينة بتاعة حدائق المهندسين وحكيت له الحوار». «خرجت معاه camping في صحراء طريق الفيوم».. اعترافات متهم بقتل ابن السفير في الشيخ زايد: «ثري جدًا» (خاص) https://www.almasryalyoum.com/news/details/3302490 «أمه خانت أبوه فتحولت حياته».. مفاجآت في اعترافات المتهم الأول بقتل ابن السفير (خاص) https://www.almasryalyoum.com/news/details/3302470 |
|
|
|
|
12-11-2024, 08:13 AM
|
#15 |
|
Senior Member
تاريخ التسجيل: Apr 2015
المشاركات: 7,282
|
الأربعاء 13-11-2024
21:49 مقتل ابن السفير في الشيخ زايد.. كيف تحولت الجريمة إلى لحظات من الرعب والندم؟ (خاص) المتهم الثاني يكشف تفاصيل صادمة | كتب: محمد القماش | وسط لحظات من الرعب والندم، قتل طالبين جارهما عمرو جلال بسيوني، ابن سفير مصري سابق بإحدى الدول، داخل مسكنه بكمبوند شهير، إذ حكى «مارك»- المتهم الثاني بالقضية، في اعترافاته الكاملة أمام النيابة العامة عن الآثار النفسية العميقة التي تركتها الواقعة على مرتكبيها. نص اعترافات المتهم الثاني بقضية قتل ابن السفير في الشيخ زايد «مارك»، شرح أمام النيابة، أنه بالاشتراك مع «يوسف»- طالب المتهم الأول- قتلا «عمرو»، إذ بدأ بتنفيذ جريمتهما في مشهد شابته لحظات من الاضطراب، وفقًا لما ذكره المتهم الثاني في اعترافاته، إذ بدأ المشهد الإجرامي بالبحث في مكتبة شقة الضحية عن أداة للقتل، ليعثرا على خنجر أسود، وبعد عدة لحظات من التردد، قررا دخول غرفة الضحية الذي كان ينام على سريره وشللا حركته حتى سقط ميتًا بعد عدة طعنات في القلب وفي مناطق مختلفة من جسده، وفي مشهد يتسم بالجنون، اعترف المتهم الأول بترديده «أنا قتلت، أنا قتلت». المتهم الثاني «مارك»، قال في الجزء الثالث من اعترافاته التي تنفرد «المصري اليوم» بنشر تفاصيلها: «ملقتش حد لما دخلنا الشقة، (يوسف) لقى في المكتبة خنجر في جراب لونه أسود وفتح الخنجر، وأنا بصيت على سنّ الخنجر اللي كان حامي ومسنون، وقولتله حلو ده خليه معايا وبدأت أنا و(يوسف) نمشي في الطرقة نفتح باب کل أوضة وأول أوضة كانت على الشمال لقيت فيها كتب وكراكيب والأرضية التانية لقيت فيها كراكيب جنبها على الشمال ووقفنا ثوانى قدام الباب الأخير، علشان (يوسف) كان خايف وقولتله اهدي مش هنيجي بعد كل ده نقف هنا وفضل ساكت وإيده بتترعش وأنا هديته، وقولتله خلاص هفتح الباب وقلعنا الجزم قبل ما ندخل الأوضة وفتحت الباب بالراحة علشان نشوف (عمرو) نايم ولا لا فسمعته بيشخر فاطمنت ودخلت الأوضة». اعترافات صادمة وأضاف أمام النيابة: «وأنا روحت ناحية البلكونة و(يوسف) راح من ناحية الدولاب وعمرو بسيوني كان نايم، فأنا حطيت الصاعق الكهربائي في رقبته على أساس إن أنا أهديه أو يغم عليه فنقلته بهدوء بس تقريبًا الصاعق كان ضعيف لقيت (عمرو) لسة بيقوم بجسمه وبيبرألي وبيقوم بجسمه». تابع قائلًا: «أنا بقيت الوش بالخنجر وبعمل صوت بالصاعق وبقول ليوسف يلا يلا يلا عشان عاوز يوسف يخلص منه، فيوسف ضربه بالسكينة في ضهره ماعرفش كام ضربة، و(عمرو) قام من على على السرير ووقع في الطرقة ورايح ناحية الباب ومدروخ وكان هيفتح الباب، فأنا حطيت إيدي على الباب وقولت له اهدى اهدی اهدى وبخوفه بالخنجر والصاعق، وهو بقى خلاص كله رعب وأنا بقيت خايف و(عمرو) جه يقع عند الكنبة فأنا حطيت الخنجر في قلبه من تحت لفوق». تدخين سيجارتين استطرد المتهم الثاني في قتل ابن السفير: «ومرة واحدة إيدي ارتخت وبقى جسم (عمرو) اتقل من إن أنا أفضل اضغط عليه فبدء يميل على وشه وهيقع على ضهره فيوسف إداله بالسكينة في ضهره، فوقع (عمرو) على الترابيزة اتخبط في دماغه ولقيت (عمرو) بيبصلي وبيطلع في الروح وأسنانه باين فيها دم وبعدها بصلي بصة أخيرة عينه اتجاهي ووشه في الأرض وتوفى». اختتم أقواله: «بيطلع أصوات رغاوي إشهاقات وفضلت قاعد ساكت أنا و(يوسف) لحد ما اتأكدنا إنه مات لحد ما (يوسف) قعد يقول أنا قتلت أنا قتلت وبصيت له في عينه وبقوله اهدي علشان نعرف نفكر نتصرف إزاي، علشان نهدي ونفكر علشان اعرف نكمل و(يوسف) قالي إنه هيلف سيجارتين تبغ علشان يهدي وقولتله أنا هطلع من باب الشقة على السطح علشان أجيب الشنطة الزيتي بتاعتي علشان كنت سايب فيها تليفوني ورجعت تاني ويوسف فتحلي باب الشقة وجاب زجاجتين بيرة من التلاجة، ودخلنا أول أوضة على الشمال علشان مفيهاش دم وبعدين شربنا بيرة وبعد ما خلصنا السيجارة ومكملناش البيرة دخلنا أوضة المقتول، علشان أنا كنت بدور على الخزنة وملقتهاش وكان فيه شنطة سوداء صغيرة لقيت فيزا وخليتها معايا، وأنا كان هدومي عليها دم فقلعت التيشرت بتاعي واخدت تيشرت من أوضة المقتول». |
|
|
|
|
|
|
|
 |
 |
العرض العادي
