|
|
|
|
|
08-12-2023, 01:52 PM
|
#1 |
|
Senior Member
تاريخ التسجيل: Apr 2015
المشاركات: 7,497
|
الجمعة 11/أغسطس/2023
- 06:33 م اعترافات مثيرة للمحامية المتهمة في قتل طبيب الساحل: المتهم عاشرني معاشرة الأزواج منذ 2017 | بث مباشر أدلت المحامية إيمان المتهمة باستدراج طبيب الساحل الدكتور أسامة صبور للعيادة بحجة مرض والدها حتى يستطيع المتهمون الآخرون في القضية وهم الطبيب أحمد شحتة وشخص آخر، من إنهاء حياة المجني عليه، باعترافات مثيرة أمام جهات التحقيق على خلفية اتهامها بقتل الضحية. اعترافات المتهمة بإنهاء حياة طبيب الساحل وقالت المحامية المتهمة، إنها تعرفت على الطبيب المتهم أحمد شحتة في عام 2014، عندما كانت تعمل موظفة استقبال في معمل التقوى والإيمان بالجعافرة، حيث كان يعمل في ذلك الوقت طبيب طوارئ. وأضافت: في الوقت ده حسينا ناحية بعض بالقبول وابتدينا نقرب من بعض أكتر لغاية ما ارتطبنا.. وفضلنا على الوضع ده لغاية سنة 2017 على أساس إني لما أتخرج يتجوزني لأنه واعدني من ساعة ما ارتبطنا إننا نتجوز.. عشان كان بيتحجج إنه في بداية حياته وبيكون نفسه. وأوضحت المحامية المتهمة أنه في نهاية عام 2017 كان يعمل الطبيب أحمد شحتة في حضانات بمنطقة شبرا الخيمة في الشارع الجديد، وكان يطلب منها أن تأتي له هناك حتى يتقابلا سويًا. واستكملت: أول ما روحت قالي إحنا عاوزين نتجوز قدام ربنا يعني زي العرفي، فـ أنا وقتها قولتله مش فاهمة قصدك إيه.. فـ قالي إنه طالما بنحب بعض يبقى مافيش حاجة تمنعنا عن بعض.. فـ طاوعته. وأشارت المحامية المتهمة إلى أنها اعتادت أن تذهب للطبيب أحمد شحتة العيادة لمدة عامين، مختتمة: قالي انتي مراتي قدام ربنا وبقيت متعودة أروحله العيادة ويعمل معايا علاقة جنسية كاملة. التعديل الأخير تم بواسطة سواها قلبي ; 08-12-2023 الساعة 01:56 PM |
|
|
|
08-12-2023, 01:59 PM
|
#2 |
|
Senior Member
تاريخ التسجيل: Apr 2015
المشاركات: 7,497
|
السبت 12/أغسطس/2023
- 11:22 ص كان بيتاجر في الأدوية بالسوق السوداء.. التحقيقات تكشف مفاجأة بشأن المتهم الرئيسي بقتل طبيب الساحل حددت محكمة الاستئناف بالقاهرة يوم 2 سبتمبر المقبل، أولي جلسات محاكمة، أحمد شحتة طبيب بشري، والمحامية إيمان، والمساعد أحمد فراج، في قضية مقتل طبيب الساحل أمام جنايات الدائرة الأولى برئاسة المستشار عبد الغفار جاد الله. قضية مقتل طبيب الساحل وكانت أمرت أمرت جهات التحقيق بإحالة أحمد شحتة طبيب بشري وامرأة تربطه بها علاقة زواج عرفي تدعى إيمان وأحمد فرج مشرف إداري يعمل بعيادته، إلى محكمة الجنايات بعدما انتهت تحقيقاتها معهم إلى ثبوت اتهامهم بجناية قتل طبيب بشري عمدًا مع سبق الإصرار المقترنة بجنايات خطفه بالتحايل، وسرقته بالإكراه، واحتجازه دون وجه حق، وتعذيبه بدنيًّا قبل القتل؛ لرغبتهم في الاستيلاء على أمواله، بعدما أوعز إليهم الطبيب المتهم بذلك لمعرفته بالمجني عليه وعلمه بثرائه. واعترف المتهم أحمد شحته أمام جهات التحقيق بالأقوال التفصيلية في ارتكابه الجريمة، وسبب إعداده الحفرة داخل العيادة الخاصة التي استخدمها في دفن الطبيب أسامة المجني عليه قائلا: أنا في رمضان اللي فات فكرت أحفر صندوق خشب تحت الأرض عشان أخزن فيه أدوية أنا عارف إن هي هتغلى مع ارتفاع الدولار، ولما تغلى هبيعها وأكسب فيها، وكنت بشتري الأدوية دي من شركة كبيرة وهي عبارة عن أقراص مسكنات وحقن كورتيزون طويلة المفعول مش فاكر اسمها. وأوضح الطبيب المتهم الرئيسي في واقعة مقتل طبيب الساحل: فعلا كلمت اللي اسمه أحمد فرج وقولتله يجيلي على عيادة الخلفاوي وقولته احنا هنعمل حفرة طولها 1،70 سم × عرض 80 سم وعمق 50 سم في أوضة في العيادة عشان هنخزن فيها أدوية، وفعلا ابتدينا نكسر البلاط اللي في أوضة وكسرنا البلاط بمسطرين وحفرنا بالمسطرين برضوا وطلعنا الردش بتاع الحفر والبلاط اللي متكسر بالمسطرين، واشترينا أشولة وعبينا فيها الردش والبلاط وحطيناها في البلكونة واشترينا شيكارة أسمنت، ومحرنا المستطيل ده داير مايدور بالأسمنت، وكان في باب في الشقة قديم بالحلق بتاعه وقصيت القايم بتاعه بصفيحة منشار عشان يبقى عرضه على قد نفس عرض الحفرة، والحتة اللي قصيتها قسمتها لـ 3 أجزاء وحطيتها في أول المستطيل وفى آخره وفي منتصف الجهة المقابلة للمفصلات، وثبت الحلق بتاع الباب بمسامير وأصبحت الحفرة جاهزة، والكلام ده عملته في ليلة واحدة بس وده بسبب إن أحمد اشتغل قبل كده في المقاولات وبيفهم في الحاجات دى كويس وهو كان معايا خطوة بخطوة. وأكمل الطبيب المتهم في قضية قتل طبيب الساحل: وفعلا ابتديت أجيب ادوية زي Epizolon حوالي عشرين كرتونة من مندوب مش فاكر اسمه في رمضان اللي فات، بعد ما خلصت الحفرة على طول وخزنته في الحفرة وبعتهم بعديها بشهر بحوالي 12 ألف جنيه، وجبت حوالي ألف جهاز وريد من القصر العيني بألفين جنيه وبعدها بشهر بعتهم بحوالي أربعة آلاف جنيه، وفي منتصف شهر مايو 2023 أحمد فرج أجر شقة في منطقة أبو وافية عشان كان فيه حد قريبه هيتعالج في معهد ناصر، واللي كان هييجي مع الحالة كان هيقعد في الشقة دي فعلا، أجرها بس مش متذكر هو أجرها لمدة قد ايه. س: وما ظروف إعدادك لتلك الحفرة؟ ج: أول ما استلمت العيادة عملت فيها شوية تشطيبات، عرفت منها إن أرض الشقة بتاعة العيادة هشة جدا وممكن تتحفر بسهولة وبعد كده جاتلي فكرة اني أعمل صندوق تحت الأرض، أخزن فيه أدوية فحفرت في الأوضة اللي على اليمين وعملت فيها صندوق تحت الأرض. س: كيف جرى حفرها؟ ج: أنا كسرت البلاط بمسطرين وحفرت وطلعت الردش بتاع الحفر، والبلاط اللي كسرته عبيته في أشولة وحطيتها في بلكونة العيادة. س: متى كان ذلك؟ ج: في رمضان اللي فات في غضون شهر مايو 2023 تقريبا. س: من عاونك في حفرها؟ ج أحمد فرج بسبب أنه اشتغل قبل كده في المقاولات وبيفهم في الحاجات دي كويس. س: وما الغرض من حفرها؟ ج: عشان أخزن فيها ادوية أنا عارف أنها هتغلى مع ارتفاع الدولار، ولما تغلى هبيعها واكسب فيها وكنت بشتري أقراص مسكنات Diclophin، congestal Epizolon وحقن كورتيزون طويلة المفعول مش فاكر اسمها. م ومن اتصل علمه بإنشائك لها؟ ج: أحمد فرج فقط. س: ومن أین تحصلت على الأدوات المستخدمة في تمام تهيئة ذلك الصندوق؟ ج: في أدوات كان العمال اللي بيشطبوا العيادة تأمينها عندي في العيادة، واشتريت أسمنت ورمل من الموان اللي جنب العيادة. |
|
|
|
|
08-14-2023, 01:53 PM
|
#3 |
|
Senior Member
تاريخ التسجيل: Apr 2015
المشاركات: 7,497
|
السبت 12/أغسطس/2023
- 06:54 م ننشر أقوال استشاري العظام بمعهد ناصر في قضية طبيب الساحل | خاص حددت محكمة الاستئناف بالقاهرة يوم 2 سبتمبر المقبل؛ لنظر أولى جلسات محاكمة المتهمين في قضية مقتل طبيب الساحل أمام جنايات الدائرة الأولى برئاسة المستشار عبد الغفار جاد الله. تحقيقات قضية مقتل طبيب الساحل وأمرت النيابة العامة بإحالة أحمد شحتة طبيب بشري، وامرأة تربطه بها علاقة زواج عرفي تدعى إيمان، وأحمد فرج مشرف إداري يعمل بعيادته، إلى محكمة الجنايات بعدما انتهت تحقيقاتها معهم إلى ثبوت اتهامهم بجناية قتل طبيب بشري عمدا مع سبق الإصرار المقترنة بجنايات خطفه بالتحايل، وسرقته بالإكراه، واحتجازه دون وجه حق، وتعذيبه بدنيا قبل القتل؛ لرغبتهم في الاستيلاء على أمواله، بعدما أوعز إليهم الطبيب المتهم بذلك لمعرفته بالمجني عليه وعلمه بثرائه. وجاءت أقوال استشاري العظام كالتالي: اسمي رائد عبد المنعم 42 سنة، وأعمل طبيبا استشاريا لجراحة العظام بمستشفى معهد ناصر من شهر يونيو 2022، وكان من ضمن طاقم العمل بتاعي في المعهد الطبيب المقيم أسامة صبور طبيب الساحل، اللي اتقتل وكان من ضمن الطاقم بتاعي برضو في فترة من الفترات الطبيب المقيم أحمد شحتة، المتهم الأول في قضية مقتل طبيب الساحل. وأردف: يوم 3 يونيو 2023، روحت معهد ناصر عشان أباشر شغلي ولستة العمليات اللي عندى، وكان معايا الطاقم الطبي بتاعي اللي من ضمنهم أسامة صبور، وفي اليوم ده جالي مكالمة على تليفوني من واحدة ست عرفتني بنفسها على إن اسمها مارينا غطاس على ما افتكر، وقالتلي إن والدتها عملت عملية شرايح ومسامير عندي من حوالي سنة، وإن والدتها وقعت على رجليها ومحتاجة حد يبص عليها في البيت لإن سنها كبير ووزنها تقيل، ومش هتقدر تتنقل المعهد وعايزة كشف منزلي فرديت عليها وقولتلها أنا مش بطلع كشوفات منزلية، بس هشوفلها حد من النواب لو فاضي يطلع، وقولتلها إن عامة لستت العمليات النهاردة طويلة ومش هينفع حد يطلع الكشف النهاردة وقولتلها أبقى اتصلي بيا على آخر اليوم عشان أقولك على النايب اللي هيطلع، وفي آخر اليوم فعلا على الساعة واحدة صباحا الست ده رجعت اتصلت بيا فرديت عليها وكان جنبى في الوقت ده الطبيب المقيم أسامة صبور، وقولتلها خدي الدكتور أسامة معاكي على التليفون عشان هو اللي متاح يجيلك البيت. بعدها دكتور أسامة صبور طبيب الساحل، كلمها من خلال تليفوني وتواصل معاها عشان يرتب الزيارة المنزلية لوالدتها في مساء اليوم التالي، ومن بعدها أنا معرفتش أي حاجة من دكتور أسامة لحد ما روحت يوم 10 يونيو 2023، وسمعت من زمايله إنه متغيب من يوم 4 في الشهر، ويوم 14 عرفت من الصفحة الرسمية لمعهد ناصر إن أسامة اتقتل ويوم 18 عرفت من الصفحة الرسمية للنيابة العامة إن اللي قتل أسامة زميله أحمد شحتة الطبيب المقيم في قسم العظام بمعهد ناصر عشان يسرقه وبعد كده دفنه في عيادته وردم عليه التراب وكان مشترك معاه واحدة محامية وواحد تاني. |
|
|
|
|
08-19-2023, 01:08 PM
|
#4 |
|
Senior Member
تاريخ التسجيل: Apr 2015
المشاركات: 7,497
|
الخميس 17/أغسطس/2023
- 04:17 م شقيق طبيب الساحل في التحقيقات: كان متفوق وجايب 101% في الثانوية العامة.. وخطوبته كانت قريب مصطفى درغام حددت محكمة الاستئناف بالقاهرة يوم 2 سبتمبر المقبل؛ لنظر أولى جلسات محاكمة المتهمين في قضية مقتل طبيب الساحل أمام جنايات الدائرة الأولى، برئاسة المستشار عبد الغفار جاد الله. تحقيقات قضية مقتل طبيب الساحل وأمرت النيابة العامة بإحالة أحمد شحتة طبيب بشري وامرأة تربطه بها علاقة زواج عرفي تدعى إيمان، وأحمد فرج مشرف إداري يعمل بعيادته، إلى محكمة الجنايات بعدما انتهت تحقيقاتها معهم إلى ثبوت اتهامهم بجناية قتل الطبيب عمدًا مع سبق الإصرار المقترنة بجنايات خطفه بالتحايل، وسرقته بالإكراه، واحتجازه دون وجه حق، وتعذيبه بدنيا قبل القتل؛ لرغبتهم في الاستيلاء على أمواله، بعدما أوعز إليهم الطبيب المتهم بذلك لمعرفته بالمجني عليه وعلمه بثرائه. واستدعت جهات التحقيق، أشرف صبور شقيق المجني عليه أسامة صبور طبيب الساحل، وجاءت أقواله في التحقيقات كالتالي: اسمي أشرف توفيق السيد صبور 31 سنة أعمل مهندس مدني بالمملكة العربية السعودية، ومقيم حاليًا بمركز هيهيا بمحافظة الشرقية، وأنا اخو أسامة الكبير والوحيد، واتولدنا واتربينا مع في مركز هيهيا بمحافظة الشرقية، ووالدنا كان مدير المعهد الديني في مركز هيهيا، واتوفى سنة 2011 الله يرحمه، ووالدتي حاليًا على المعاش، وكانت كبير معلمين بمدرسة الايمان الإعدادية، وأسرتنا كانت مهتمة بتعليمنا وتربيتنا جدًا وبالنسبة ليا انا حصلت على بكالوريوس هندسة من المعهد العالي للهندسة والتكنولوجيا بمدينة المنصورة سنة 2014، وفضلت سنة من غير شغل بعد التخرج لحد ما ربنا كرمني وجالي عقد عمل وسافرت السعودية في شهر يناير سنة 2016، واشتغلت في السعودية مهندس مدني، وبنزل أجازة لمدة شهر في السنة وبيكون دايما آخر شهر ديسمبر، وبرجع السعودية في آخر يناير أو أول شهر فبراير. وأضاف شقيق طبيب الساحل في التحقيقات: في بداية سنة 2022، اتجوزت هنا في مصر وخدت مراتي معايا السعودية عشان تعيش معايا، وبالنسبة لوالدتي جاتلي السعودية زيارتين قبل كدة وآخر زيارة كان غرضها العمرة. وأكمل: وبالنسبة لأسامة من صغره كان متفوق في دراسته سواء في المراحل الإعدادية أو الابتدائية أو الثانوية، وكان حلمه من وهو صغير إنه يطلع جراح عمود فقري، وربنا كرمه في الثانوية العامة وجاب 101%% ودخل كلية الطب جامعة الزقازيق واتخرج من الكلية بتقدير عام امتیاز دفعة 2018، وجاله التكليف الخاص بالطب أول لما اتخرج في مرسى علم وخلص سنة التكليف وبعدها دخل الجيش، وخلص الجيش وبدأ بعدها حياته العملية واتعين وفي سنة 2020 طبيب مقيم في قسم العظام في مستشفى معهد ناصر، والمفروض إنه كان ناوي يفتح عيادة خاصة بيه بعد ما ياخد الماجستير ويخطب ويتجوز قريب بعد لما يستقر في شغله. |
|
|
|
|
08-19-2023, 01:10 PM
|
#5 |
|
Senior Member
تاريخ التسجيل: Apr 2015
المشاركات: 7,497
|
الخميس 17/أغسطس/2023
- 05:03 م شقيق طبيب الساحل في التحقيقات: لبسوا أخويا جلابية سودة ودفنوه في حفرة | خاص مصطفى درغام قررت النيابة العامة إحالة المتهمين الثلاثة الطبيب أحمد شحتة، والمحامية إيمان وثالث، بتهمة قتل طبيب الساحل الدكتور أسامة صبور عمدًا، لسرقة مبالغ مالية بحوزته، بعد دفنه حيًا داخل حفرة بعيادة المتهم الأول، وتحددت لهم جلسة 2 سبتمبر كأولى الجلسات. طبيب الساحل واستدعت جهات التحقيق، أشرف صبور شقيق المجني عليه أسامة صبور طبيب الساحل، وجاءت أقواله في التحقيقات كالتالي: بالنسبة لواقعة خطف أسامة علشان سرقته، اللي حصل إني يوم 5 يونيو 2023، عرفت من صاحبه أحمد عبد الفتاح إن أسامة كان طالب منه يجيبله بدلة كلاسيك عشان عنده فرح حد بلدياته في نادي الفروسية في مدينة نصر، وعايز يحضره وإن أحمد عبد الفتاح راحله الشغل في مستشفى معهد ناصر ومالقهوش هناك في المعهد وفضل يرن على تليفونه مبيجمعش وبيديله مغلق، ولما سأل زمايله الدكاترة اللى شغالين معاه في المستشفى قالوا له إن أسامة آخر مرة شافوه كان يوم 4 يونيو حوالي الساعة 7 أو 8 بليل واستأذن بعدها وقال هيروح مشوار وييجي ومرجعش من ساعتها ولما حاولو يكلموه ويتواصلوا معاه كان تليفونه مقفول. وأضاف شقيق طبيب الساحل في التحقيقات: لما عرفت الكلام ده تواصلت مع خالي السيد وقلت له على اللي حصل، فراح مع أحمد عبد الفتاح صاحب أسامة على قسم ههيا وعملوا محضر تغيب لأسامة وابتدوا يعملوا تحريات بالاشتراك مع قطاع شمال القاهرة، ومباحث قسم الساحل التابع ليه معهد ناصر لحد ما قدروا يوصلوا إن أسامة آخر مكان لتليفونه كان في حتة اسمها أبو وافية، ولقوا إن المكان ده تليفون زميله أحمد شحتة اللي معاه في المعهد كان موجود فيه برضو، وإن أسامة آخر مكالمة تليفون جاتله كانت من واحدة ست وصلوا بعد كدة وعرفوا إنها محامية وعلى علاقة بأحمد شحتة. وتابع شقيق طبيب الساحل في التحقيقات: لما فحصوا الكاميرات اللي حوالين المكان ده شافوا أحمد شحتة ومعاه شاب تاني ماشيين في الشارع بكرسي متحرك وحاطين عليه أخويا، وهما ملبسينه جلابية ونضارة شمس ومغمى عليه، وماشيين بيه رايحين عيادة أحمد شحتة اللي في منطقة اسمها الخلفاوي، ولما المباحث راحت عيادة أحمد شحتة خدوا بالهم إن فيه رتش مرمي في البلكونة وإن فيه ريحة جثة متعفنة في العيادة وبعدها بلغوا النيابة، والنيابة نزلت وحفرت في العيادة وطلعوا جثة أسامة والمباحث بعتوا للنيابة العامة وضبطوا احمد شحتة والشاب اللي كان معاه والمحامية، واعترفوا بكل حاجة وإنهم كانوا مخططين يخطفوا أسامة ويسرقوه بالعافية ويقتلوه بعد كده، عشان محدش يعرف أي حاجة عن اللي عملوه وهي دي كل معلوماتي عن الواقعة. |
|
|
|
|
08-19-2023, 01:13 PM
|
#6 |
|
Senior Member
تاريخ التسجيل: Apr 2015
المشاركات: 7,497
|
الجمعة 18/أغسطس/2023
- 03:35 م ممرضة في قضية طبيب الساحل: أحمد شحتة بعد ما قتل أسامة خدني السوق واشترى ترنج أحمر | خاص مصطفى درغام قررت النيابة العامة إحالة المتهمين الثلاثة الطبيب أحمد شحتة، والمحامية إيمان ومتهم ثالث للمحاكمة الجنائية، بتهمة قتل طبيب الساحل الدكتور أسامة صبور عمدًا، لسرقة مبالغ مالية بحوزته، بعد دفنه حيًا داخل حفرة بعيادة المتهم الأول. تحقيقات قضية مقتل طبيب الساحل وحصل القاهرة 24 على نص التحقيقات في قضية طبيب الساحل، حيث استمعت جهات التحقيق لشهادة نورا علي إحدى ممرضات الطبيب أحمد شحتة، والتي عملت معه في عيادة الخلفاوي وعيادة الوراق، وكانت شاهدة على كثير من الأحداث وجاءت شهادتها كالتالي: اسمي نورا على، 38 سنة، حاصلة على دبلوم تجارة، وأنا أرملة، واتولدت في وراق العرب محافظة الجيزة، وفي آخر شهر مايو اللي فات في أساتذة طب نفسي جهم أجروا أوضة مكتب في العيادة، عشان يشتغلوا فيها مكان الدكتور النفسي اللي كان مأجرها من أحمد شحتة، والمفروض كانوا يبدأو شغلهم علطول، بس عرفت من آية إن أحمد شحتة قالها تقفل العيادة ومتنزلش بحجة إن العلاج الحر هينزل تفتيش علي عيادة الخلفاوي لكن بالنسبة ليا أنا فكنت ماسكة من أول شهر يونيو اللي فات عيادة أحمد شحتة اللى كان لسه فاتحها في الوراق، والأمور كانت ماشية طبيعي وبقت آية هي المسئولة عن عيادة الخلفاوي، بعد ما اتعلمت وبطلت أروح عيادة الخلفاوي. وأضافت الممرضة الخاصة بالطبيب أحمد شحتة المتهم الأول في واقعة قتل الطبيب أسامة صبور، المعروف إعلاميًا بطبيب الساحل: لحد ما أحمد شحتة كلمني يوم 9 يونيو اللي فات وقالي انزلي افتحي عيادة الخلفاوي عشان الأساتذة النفسيين اللي أجروا جديد هيشتغلوا من النهاردة، وآية السكرتيرة عندها ظرف ومش هتعرف تيجي، وبعدها روحت على العيادة على طول ولقيت أستاذ عيد موجود، ومعاه أهلية ولد بيعمله جلسة تخاطب، وبعد ما خلص الجلسة الحالة خرجت وهو خرج وراهم وأنا قفلت العيادة ومشيت ومن ساعتها مروحتش على عيادة الخلفاوي تاني، وبعدها بيومين بالضبط لقيت أستاذ عيد بيكلمني في التليفون وبيقولي إنه عنده كشف النهاردة وجاي العيادة، ومحتاج حد يستقبل الحالة فاعتذرتله وقولتله إني في عيادة الوراق من الصبح، ومش هعرف أجي الخلفاوي عشان عندي مشاوير بليل بخلصها بعد العيادة وعلى آذان المغرب أحمد شحتة جه عيادة الوراق، بالرغم أنه مكنش في أي حالات تبعه في اليوم ده، وطلب مني خط تليفوني فقولتله معييش غيره وخط تاني عامله عليه باقة نت، فقالي هاتي الخط بتاع النت فطلعت فلاشة النت من الشنطة وسحبت منها الخط وادتهوله، وبعدها قالي تعالي انزلي معايا عشان توديني على السوق اللي في الوراق عشان عايز اشتري هدوم. وواصلت: أخدته وروحنا على السوق ولقيته بيشتري ترنج كان تقريبا فيه لون أحمر وتيشيرت وبعدها سألته أنت بتعمل كل ده ليه فقالي إنه هيقفل خط تليفونه، ومش عايز حد يوصله، بسبب إن دكتور أسامة صاحبه الشرطة خدته عشان بيتاجر في العملة، وبيقبضوا علي أي حد عارفه، وبعدها سابني ومشي وتاني يوم العصر، وأنا في البيت لقيت الحكومة جت وأخدتني على قسم الوراق، ومن هناك أخدوني على قطاع مباحث شمال القاهرة، وسألوني أعرف إيه عن أحمد شحتة، ومكتبه، وكل حاجة أعرفها عنه، وبعدها مشوني وفهمت إن أحمد شحتة كان حافر حفرة في أوضة المعمل ومغطيها بمشمع ومتفق مع إيمان المحامية وأحمد فرج إنهم يخطفوا دكتور أسامة، عشان يخدروه ويسرقوه وإنهم حطوه في الحفرة وردموها عليه بعد ما مات وهو ده كل اللي أنا أعرفه. |
|
|
|
|
08-25-2023, 05:13 PM
|
#7 |
|
Senior Member
تاريخ التسجيل: Apr 2015
المشاركات: 7,497
|
الأحد 20/أغسطس/2023
- 10:17 ص لحظة بلحظة من مسرح الجريمة.. ننشر المعاينة التصويرية في جريمة طبيب الساحل | صور مصطفى درغام حصل القاهرة 24 على صور معاينة جهات التحقيق لمسرح الجريمة الخاص بواقعة طبيب الساحل الدكتور أسامة صبور، بعد مقتله على يد 3 أشخاص وهم المتهم الأول الطبيب أحمد شحته، والمتهم الثاني المشرف الإداري أحمد فرج، والمتهمة الثالثة المحامية إيمان. قضية طبيب الساحل أجريت معاينة جهات التحقيق في واقعة طبيب الساحل، بتفريغ كاميرات المراقبة بدءًا من مغادرة الدكتور أسامة صبور مستشفى معهد ناصر محل عمله، إلى انتقاله إلى منطقة أبو وافية بحجة علاج والدة المتهمة الثالثة المحامية إيمان، ثم حمله على كرسي متحرك بواسطة المتهمين الأول أحمد شحته، والثاني أحمد فرج. كما أجرت جهات التحقيق المعاينة التصويرية على شقة أبو وافية محل استدراج طبيب الساحل والتعدي عليه وتخديره، وكذلك عيادة الساحل والتي تم دفن طبيب الساحل داخلها، وتكميمه وتخديره حتى وفاته، وأيضًا معاينة عيادات المتهم الأول أحمد شحته في مناطق البساتين والوراق. وحددت محكمة الاستئناف بالقاهرة يوم 2 سبتمبر المقبل ليكون أولى جلسات محاكمة المتهمين في قضية مقتل طبيب الساحل أمام الجنايات الدائرة الأولى برئاسة المستشار عبدالغفار جادالله. محاكمة المتهمين بقتل طبيب الساحل وأمرت النيابة العامة بإحالة طبيب بشري ومشرف إداري يعمل بعيادته وامرأة تربطه بها علاقة زواج عرفي، إلى محكمة الجنايات بعدما انتهت تحقيقاتها معهم إلى ثبوت اتهامهم بجناية قتل طبيب بشري عمدًا مع سبق الإصرار المقترنة بجنايات خطفه بالتحايل، وسرقته بالإكراه، واحتجازه دون وجه حق، وتعذيبه بدنيًّا قبل القتل؛ لرغبتهم في الاستيلاء على أمواله، بعدما أوعز إليهم الطبيب المتهم بذلك لمعرفته بالمجني عليه وعلمه بثرائه. |
|
|
|
|
09-01-2023, 05:46 AM
|
#8 |
|
Senior Member
تاريخ التسجيل: Apr 2015
المشاركات: 7,497
|
الخميس 31/أغسطس/2023
- 05:03 م مفاجأة.. أشرف نبيل يتولى الدفاع عن المتهم الرئيسي في قضية طبيب الساحل الخميس 31/أغسطس/2023 - 05:03 م في مفاجأة شهدتها قضية طبيب الساحل، أصدرت مصلحة الشهر العقاري والتوثيق توكيلا رسميا يتعلق بتولي المحامي أشرف نبيل الدفاع عن المتهم الرئيسي “أحمد شحتة” والأساسي في القضية رقم 7299 لسنة 2023 جناية الساحل رقم 21 لسنة 2023 حصر تحقيق شمال القاهرة الكلي. قضية طبيب الساحل وكشف مصدر مقرب لـ القاهرة 24 من أسرة المتهم عن قبول أشرف نبيل الدفاع في القضية بعد وضع شروط معينة للقبول، من ضمنها أن النتيجة المرغوب الحصول عليها قد تتحقق فى الجولة الثانية من الدفاع أي أمام محكمة النقض، خاصة وأن القضية بها بعض الصعوبة بسبب أحداثها واعترافات المتهمين التفصيلية ودفن جثة المجنى عليه فى عيادة المتهم. وأضاف المصدر المقرب من أسرة المتهم أن أتعاب نبيل بلغت 5 ملايين جنيه، وأنه لا يسمح بأي تفاوض في الأتعاب، ويشترط دائما أن يحصل عليها مقدما دون التزام بنتيجة بما يجعله الأعلى بين المحامين أجرا. الدفاع عن المتهم الرئيسي بقتل طبيب الساحل وأضاف المصدر أن الدكتور أحمد شحتة المتهم الرئيسي في القضية هو الذي طلب المحامي أشرف نبيل تحديدا ليتولى منفردا الدفاع عنه، وانقاذه من حبل المشنقة، وبذلك يكون المشهد قد عاد إلى التوتر من جديد في قضية مقتل طبيب الساحل خاصة مع دخول المحامي أشرف نبيل بشكل مفاجئ قبل الجلسة المحددة بيومين. كانت جهات التحقيق المختصة، أمرت بإحالة المتهمين في واقعة قتل "طبيب الساحل" إلى المحاكمة الجنائية العاجلة، وذلك بتهمة القتل العمد مع سبق الإصرار والترصد ودفنه داخل عيادة خاصة بقصد سرقته. وجاء في الأمر الإحالة أن المتهم الأول أحمد. ش32 سنة محبوس طبيب بشري بمعهد ناصر – مقيم بأبو حماد شرقية، المتهم الثاني أحمد. ف 27 سنة محبوس، والمتهمة الثالثة إيمان. م 28 سنة محامية في غضون شهر مايو من العام الجاري، وحتى يوم 15 يونيه 2023 بدائرة قسم شرطة الساحل بمحافظة القاهرة، حيث إن المتهمين الأول والثاني قتلا المجني عليه أسامة توفيق صبورا عمدا مع سبق الإصرار، بأن بيتا النية وعقدا العزم المسبق على قتله، وأعدا لهذا الغرض مقبرة وعقاقير مخدرة ونفاذا لاتفاقهما استدرجاه تحايلا إلى وحده سكنية حيث انتظره الأول بداخلها يتحين فرصه الإجهاز عليه، وما أن دلف إليها المجني عليه حتى تعدى عليه بأن حقنه بعقار مخدر أفقده الوعي، ونقلاه إلى المقبرة سالفة الذكر. |
|
|
|
|
09-01-2023, 11:57 PM
|
#9 |
|
Senior Member
تاريخ التسجيل: Apr 2015
المشاركات: 7,497
|
الجمعة 01/سبتمبر/2023
- 08:08 م حقنتين بنج وقبر متر في متر جوه عيادة.. كيف استدرج المتهمون طبيب الساحل وأنهوا حياته؟ محمد الرمادي تنظر محكمة الاستئناف بالقاهرة غدا أولى جلسات محاكمة المتهمين في قضية مقتل طبيب الساحل أمام الجنايات الدائرة الأولى، وكشفت التحقيقات أن المتهمين أعدوا حفرة للدفن مسبقًا، وأنهم حقنوا المجني عليه أسامة صبور بمواد مخدرة ومهدئة، وتركوه داخل الحفرة يومين متتاليين دون طعام. وكشف المتهمون كيفية ارتكاب الجريمة قائلين: أحمد شحته المتهم الأول اشترى خط تليفون جديد للمحامية، وطلب منها إنها تهاتف الطبيب الضحية أسامة توفيق: “قولي له أنا مريم ومقيمة في شبرا بمنطقة الساحل وأمي تعبانة بتموت تعالى ألحقها يا دكتور لأنها مش قادرة تتحرك ممكن تيجي تكشف عليها”. وأضاف المتهمون: بالفعل وصل الطبيب المجني عليه أسامة توفيق، وعملنا على شل حركته، وخدره المتهم الرئيسي الدكتور أحمد بـ حقنتين بنج لكنه توفي نتيجة الجرعة الزائدة. التحقيقات في مقتل طبيب الساحل أكمل المتهمون: دفنا جثته في العيادة الخاصة بالمتهم بعد تجهيز حفرة مساحتها متر في متر، لإخفاء معالم الجريمة، ولزقنا موكيت عليها عشان ما تظهرش ومحدش يكتشف الجريمة. التحقيقات في قضية قتل طبيب الساحل وأمام جهات التحقيق اعتراف أحمد شحته طبيب الساحل قائلا: أنا وأحمد فرج حقنا أسامة صبور بمخدر وكان مدروخ بنسبة 40% والنسبة تخليه لا قادر يتحرك أو يصرخ أو يقاوم، وغمينا عينيه وحطينا سماعات على ودانه وبلستر على بوقه، وحطينا ملاية زرقة من اللي بنغطي بيها العيانين جوه الحفرة اللي حفرناها واللي كنا بنحط فيها الأدوية، ونزلنا أسامة جوه الحفرة، عشان مينفعش يشوفها أو يلاحظ أي حاجة فيها، وبردو مينفعش يمشي من العيادة لإنه هو عارفها وعارف إنها بتاعتي، وهيعرف أن أنا اللي عملت فيه كده. وأضاف: بعدها قعدت أنا وأحمد فرج في أوضة مكتبي ومكناش عارفين نعمل أيه، وكنا بنبص على أسامة صبور، كل ساعتين، عشان أشوفه عايش ولا ميت، لغاية تاني يوم 5 مايو الساعة 9 الصبح، لقيت أسامة بدأ يزوم ويقول أحنا فين أنا معايا فلوس كتير ممكن أديكم، فجيبنا إزازة مياه من التلاجة وشربناه حوالي نصها، وبعدها بدأ صوته يعلى، فأنا جبت قرص مخدر تاني وحطيته في العصير وشربتهوله، فدروخ تاني بنسبة 40%، وأنا بعدها غيرت هدومي وروحت على معهد ناصر عشان الشغل، وسبت أحمد مع أسامة وقالي متتأخرش عليا، وبعدها بساعتين كلمت أحمد سألته على أسامة قالي على نفس الحالة، كلمته بعدها تاني رد نفس الرد. وأكمل: روحت العيادة الساعة 10 بالليل وفتحت صندوق الحفرة، لقيت أسامة نفسه سريع، لإنه بقاله يومين ما أكلش، وواخد كمية مخدرات كبيرة، فأنا قررت أعلقله محلول عشان يفوق شوية، وأسامة بعد ما خلص نص المحلول حالته فضلت زي ما هي، والساعة 2 بالليل حسيت أنه بياخد نفسه بصعوبة، وعملتله إنعاش يدوي وبردو ما اتحسنش، فاديته سم ادرينالين، وما اتحسنش، وبعدها الساعة 3 مات. |
|
|
|
|
09-01-2023, 11:59 PM
|
#10 |
|
Senior Member
تاريخ التسجيل: Apr 2015
المشاركات: 7,497
|
الجمعة 01/سبتمبر/2023
- 09:48 م المتهمة في قضية طبيب الساحل تعترف: جبت بنج من الصيدلية وسلمت لهم أسامة فارس فؤاد تنظر محكمة الاستئناف بالقاهرة غدا أولى جلسات محاكمة المتهمين في قضية مقتل طبيب الساحل أمام الجنايات الدائرة الأولى، وكشفت التحقيقات أن المتهمين أعدوا حفرة للدفن مسبقًا، وأنهم حقنوا المجني عليه أسامة صبور بمواد مخدرة ومهدئة، وتركوه داخل الحفرة يومين متتاليين دون طعام. أقوال المتهمة بقتل طبيب الساحل أمام جهات التحقيق وحصل القاهرة 24 على نص التحقيقات قضية طبيب الساحل، بعد مقتله على يد 3 أشخاص، وهم طبيب ومحامية ومساعد الطبيب، وحوت الأوراق اعترافات المحامية إيمان إحدى المتهمين، التي استدرجت طبيب الساحل للعيادة بحجة مرض والدها حتى تمكن المتهمون الآخرون من قتله. وحصل القاهرة 24 على أقوال المحامية إيمان والمتهمة باستدراج المجني عليه، حيث ذكرت: أحمد شحتة إداني تيلفون ماركة أوبو، وقالي اتصلي بأسامة صبور وحاولي تتمايصي عليه، وراح مصارحني وقالي إنه أجر شقة في أبو وافية، وإن الشقة دي اللي هيسحب فيها الزبون عن طريقي، قولته أنت خلاص رفعت القرون عندك وشغلت الأرايل؟، قالي متخافيش محدش هيعمل معاكي حاجة، أنتي دورك بس إنك هتسحبيه، قولتله افرض صاحبك معجبوش صوتي ومحبش يتعرف عليا؟ قالي هفكر كده وأشوف فكرة تانية، وبعدها قالي إنه محتاج دواء مخدر ضروري عشان محتاجه في القصة دي وطلع دفتر وكتب فيه نوعين أقراص، وخلاني أجيبهم من الصيدلية، وروحت طلعت بطاقتي ووريتهم الروشتة وأخدوا صورة منها، وقالي تعالي على العيادة. وجاء في أقوال المحامية: أول ما وصلت العيادة عنده، قالي سجلي عندك الكلام ده، وقالي المطلوب منك تكلمي الدكتور رائد وتقولي له إنك اسمك مارينا غطاس، وإن والدتك عاملة عملية وإن الدكتور رائد هو اللي عملها، وإنها عاوزة زيارة منزلية، فقولتله أنت مش هتجيب أسامة، فقالي دكتور رائد هيبعت أسامة لإنه حد من النواب بكرة، وخلى أسامة يكلمني وقالي إنه هييجي بكرة، وإداني رقمه وقالي ابعتيلي على الواتس وكلميني وإديني العنوان، وبعد ما خلصت معاه أحمد شحتة قالي برافو عليكي، وبكرة تكلميه تاني، وفعلا كلمته وظبطت معاه، وقولتله إني هبعتلك أخويا. واعترفت: فعلا عملت اللي بيقولي عليه، وقولتله إني هبعتله أخويا، لكن في الحقيقة أنا بعتله الممرض أحمد فرج، ويعتبر دراعه اليمين، وقولتله اسمه ميخائيل، وطبعا أحمد شحتة كان قايلي إنه هيكون في الشقة اللي مأجرها، وإنه هيغطي وشه عشان أسامة ميعرفوش، وأول ما أسامة يدخل هيبنجوه ويكتفوه، ويحرقوه بالكتريك عشان يخوفوه ويسيطروا عليه خالص، ويشوفوا هياخدوا منه إيه ويدلهم على مكان فلوسه أو يساوموا أهله على فدية. وأردفت: على الساعة 11 بالليل كلمت أحمد شحتة، عشان أشوف عمل إيه فلقيت تليفونه غير متاح، فكلمت أحمد فرج، لقيته بردو غير متاح، فكلمت أسامة بسذاجة فبرضو غير متاح، فقولت ممكن يكون فيه مصيبة حصلت وقتلوه، ومعرفتش أنام الليل، وفضلت أرن على أحمد شحتة لغاية ما تيلفونه اتفتح، وقالي الدنيا تمام بس لسه مش عارفين بيشيل الدولارات فين وملقيتش معاه غير 250 جنيه وموبايله، وإنهم لازم ينقلوه بسرعة شقة الخلفاوي، عشان الشقة اللي مأجرينها مينفعش يطلعوا وينزلوا منها كتير، عشان ممكن أسامة يفوق من المخدر ويفضح الدنيا. |
|
|
|
 |
|
|
 |
 |
العرض المتطور
