بھديك بيتين شعر وانت تستاھل

[سواها قلبي]

بسم الله على روحه الله يحفظه ي رب ويخليه لأهله ..

يا رب جيمعا

اما انت وسالفة شباب ماينفع لازم تنتبه لروحك كذا راح تتعب ..

خليها على الله انا مرات استمر عالسهر ومرات اعقل وانام امجبر بس اهم شي عندي ولله الحمد اقعد لصلاة الفير اهم شي وماطافت علي صلاة ابد والباجي بالطقاق يعني احسن من اللي يسهر ويضيع صلاة الفير

مرة بنت عمي صليت فيهم وصرت امام صلاة العصر وسرحت هههههههههههههههههههه ولما سجدت للركعة الثالثة تدودهت مادري اهي الرابعة ولا الثالثة طولت بالسجدة الاولى ههههههههههه عبالهم قاعد ادعي ومايدروني اني متخصبق خلصتها وللحين ماقررت ههههههههههههههههههههه سجدت السجدة الثانية ياربي شسوي اطلع واخليهم ساجدين اربع اصفوف وراي اذا ما حس اول صف فيني اكيد الثاني او الرابع بطقوني هههههههههههههههههه طولت بالسجود اذن المغرب وانا ساجد هههههه بالاخير قررت وقلت الاخيرة وانا شاك انها الثالثة بسم الله اول ماقلت الله بعدني ماكملتها ولا اسمع سبحان الله جنهم يقولون آمين كلبوهم سبحان الله شوي والفت عليهم شفيكم

ودهم بس اسلم ههههههههههههههههه بينهم واحد هذا حاط علي صوته مميز سبحان الله اول مرة اشوفه بالمسيد قمت ويبت الرابعة ويوم خصلت التحيات بسلم وقلبي يرقع بقيت اقول الله يستر بدال السلام عليكم ههههههههه

اول ماقلت السلام بعدني ماكملتها الوحيد المحتج علي راعي الصوت المميز قال ابصوت عالي سبحان الله شوي ويحذفني بعقاله كملت السلام وبعدها سجدت سجدة سهو وسلمت والتفت عليهم وضايق خلقي ادري بزفني هالشايب هههههههههه

جان يقول ابصوت عالي انت سجدتك للسهو لازم تكون قبل السلام مو بعده زين خلها بيني وبينك ههههههههههههه يعني لازم تفضحنا وجم واحد صف وياه ضدي بس انا ماخليته وربي قهرني قلت خلصت اسمعني

العصر جم ركعة ساكت قلته جاوبني قالي اربع وجم قعدة تشهد فيها قالي ثنتين جان اقوله وانا جم ركعة صليت خمس ولا ثلاث ولا اربع قالي اربع قلتله خلاص اربع ركات وقعدت ثلاث مرات صار عندي زيادة بالتشهد اهنيه اسجد سهو بعد الصلاة مو قبلها انت لا اطالع اني سرحت شوف العدد

سكت وقال مادري ويتلفت يبي واحد بس يفك حلجه عشان يزف هههههههههههه وطلع واسمع واحد برا يقوله انت صح واهو غلط عني هههههههه

[نجد2]

ههههههههههههههههههههههههههههههههههاي استغفرالله الله يسعدك ي رب ..
كثير بيمر بحياتك ناس تدور الزله عليك بس حاول تطنش بعض الوقت والكلام في بعض الناس خسساره والله..

[سواها قلبي]

كثير بيمر بحياتك ناس تدور الزله عليك بس حاول تطنش

اووه بالمسيد لازم تلقين ناس ضد ناس وخاصة الشياب مع الامام ههههههههههههه اذكر مرة سمعت شريط يوم ازغير للشيخ احمد القطان يحلف ان في شياب يتراهنون واحد يقول للثاني تراهني اطيره ههههههههههههه وصج طيره ويابو امام يديد يئ الثاني وراهنه وطيره ههههههههههه عمرهم فوق السبعين ومابقي شي عالقبر ويتراهنون بس هذي حالتهم

والكلام في بعض الناس خسساره والله..

وكلامج صح بس خوفي امطبقته علي انا ومعطتني نقزة خو انا ما افهمها عالطاير اتمنى مو انا

عاد وربي من جم يوم كنت بستشريج اب شي بس خذتني السوالف واجلتها

وصلو الربع وبروح اتعشى

[نجد2]

هههههههههههههههههه استغفرالله شهالشياب الله يغفرلنا ولهم..


لا شدعوه انت الوقت اللي وياك كله وناسه وضحك وراس مال والله الله يسعد قلبك..
اسسلم هات الموضوع عشان مانأجله اكثر من كذا

بالعافيه ع قلبك ي رب

[سواها قلبي]

والله يسعدج انتي بعد وما قصرتي متواضعة حيل وخليني ادش بالموضوع لا انساه بعد

اسسلم هات الموضوع عشان مانأجله اكثر من كذا

بنت عمي من سنة وشهرين جذي ياني واحد من الربع اهو اكبر مني وقعداتي معاه مو كل يوم لا خنقولج السالفة

قالي مشعل انا بدش مشروع وابيك معاي وانا على طول وافقت بدون لا اسمع اي شرح عن المشروع زين وانا ليش وافقت لاني اثق فيه اكثر من نفسي وقالي معاك المبلغ الفلاني قلتله اي عندي قالي خلاص ترا معاي فلان انا فرحت وايد لان شريكنا الثالث احبه وايد وايد بس شرط علي شرط قال مابيه يدري انك معاي
قلت خلاص وعد

قالي ببني مجمع سكني في تركيا ومتى ماقلتلك حولي الفلوس حول وقالي ابشرط قبل لا اتحولي بنسوي ورقة بينا وشهود الدنيا حياة وممات انا وافقت


الزبدة دق علي تلفون جذي من شهر افلوسك جاهزة قلت اي احولها قال لا اصبر عندي مشروعين قلت ومشورعك الاول شصار عليه قال قعدت ابيع الحين يعني باع جم شقة

قلتله زين مو انا متفق معاك عالمشورع الاول احس من كلامه توهق واظن انه ناسي ( والله يا خوي ذا الحين ناسي ) ههههههههه قالي ايه انت معاي بالاول والثاني

فاشرايج انتي اقوله المشروع الاول اخذه لك وانا معاك نبدا بالثاني

بشوف رايج وبعدها بقولج رايي يمكن يكون راييج نفس رايي ونتقاسم الفلوس انا وياج ههههه

[نجد2]

والله ي مشعل ماعرف شقول لك
انا مستغربه من شرطه اللي يقول لايدري الطرف الثالث عنك .. ليش؟
وسالفة المشروع تعتمد ع الثقه فيه اذا مرره واثق فيه ما هو مشكله بس الوقت اللي يحدده لك لانه عارف اي وقت يناسب لطلب فلوسك ..
بس ماعرف ماارتحت للسالفه..

طبعا انت صاحب القرار او اجلس وياه وافهم منه ليس التغيير ... مع

[نجد2]

مع مدري شوضعها هههههههههههه
ترى كنت اكتب واكتشفت اني كتبت كلام مدري شدخله بالموضوع ومسحته هههههه وربي لما اكون اكتب وانا فيني النوم اصير اكتب كلام ثاني مدري شيطلع احلام مدري تفكيرات ماعرف..

[سواها قلبي]

المشاركة الأصلية كتبت بواسطة نجد2

والله ي مشعل ماعرف شقول لك
انا مستغربه من شرطه اللي يقول لايدري الطرف الثالث عنك .. ليش؟
وسالفة المشروع تعتمد ع الثقه فيه اذا مرره واثق فيه ما هو مشكله بس الوقت اللي يحدده لك لانه عارف اي وقت يناسب لطلب فلوسك ..
بس ماعرف ماارتحت للسالفه..

طبعا انت صاحب القرار او اجلس وياه وافهم منه ليس التغيير ... مع

انا لو اب مكانج وسالتيني بقولج نفس كلامج ترا هذي مو طلاسم لا اتخافين قاعد اشرح لج ههههههههه


تذكرين يوم قالي عندي مشروع وابيك معاي وانا على طول وافقت بدون لا اسمع كلامه الحين اقولج ليش

من جم سنة حط بحسابي افولسه وكل شهر يحط والحين صار عندي له 40 الف دينار وصرت عميل مميز بالبنك ابسببه اهو وجم واحد من الربع افلوسهم عندي هههههههههههههه وبعد ما وافقت عالمشروع سحب افلوسه مني وزاد عليهم اللي بحسابه وسافر ومن جذي انا على طول وافقت اشاركه

ويوم قالي ترا افلان معانا بس لا اتقوله ترا اهو مايدري انك معاي وافقت ولا ناقشته الحين اقولج ليش

يمكن تحليلي يكون صح ويمكن يكون غلط فقلت يمكن اذا حطيت افلوسي فوق افلوسه وكفت اكيد بقول لصاحبنا خلاص جذي ظنيت

بس انا قررت اقعد معاه واقوله خلاص المشروع الاول خله لك ونبدا بالثاني / لاني مابي اناجره على شي ما يسوى ولانه ناسي الاتفاق