|
|
|
08-13-2023, 01:56 PM
|
#11 |
|
Senior Member
تاريخ التسجيل: Apr 2015
المشاركات: 6,634
|
الخميس 10/أغسطس/2023
- 11:17 م المتهم بقتل منجد المعادي: مراتي رفعت عليا قضية خلع علشان تتجوزه |تحقيقات إيهاب أبو رية إياد أحمد محجوب كشفت التحقيقات في القضية رقم 12126 لسنة 2023 جنايات حلوان، تفاصيل مقتل شاب يدعى أيمن عابد، والمعروفة إعلاميا بـ منجد المعادي، إلى وجود علاقة عاطفية فيما بين المجني عليه والمدعوة أ.ي - زوجة المتهم بقتل المجني عليه سيد.س، وعقب اكتشاف زوجها وجود تلك العلاقة قرر التخلص من المذكور وإزهاق روحه. التحقيقات في قضية مقتل منجد المعادي وحصل القاهرة 24 على نص التحقيقات في القضية، وجاءت أقوال المتهم كالتالي: اللي حصل إن مراتي قبل ما اتجوزها كانت مخطوبة لأيمن عابد -منجد المعادي-، وكان بيحاول يرجعلها ولما كانت بتروح مراتي عند أهلها كان بيحاول التواصل معاها، ومرة من خمس شهور حصل خناقة بيني وبينها وكانت قاعدة عند أهلها. وأردف المتهم: لقيت بنتي جات قالتلي إن بنت أخت المجني عليه بتتواصل مع مراتي وبتقول كلام مش كويس عليا وبتقولها أخيرا هتطلقي ومراتي معندهاش واتس اب على الموبايل، وفي الفترةاللي كانت قاعدة عند أهلها لقيت إن الواتس بتاعها اتفتح وأنا عارف إن الواتس بتاعها مش بيفتح غير لما تحط الشريحة بتاعتها في موبايل ابني، لما رجع ابني سيف فتحت تليفونه علشان كنت حاسس إن هي ممكن تكون بتتواصل مع أيمن عابد -منجد المعادي-. وأضاف المتهم: فتحت الواتس أب ملقيتش حاجة لكن لقيت رسايل نصية بإن رقم أيمن حاول الاتصال خمس مرات فقلت هم أكيد بيتكلموا وشكيت إن هي ممكن تكون بتقابله لأن من آخر مرة وهي ماسكة إنها تتطلق ورفعت عليا قضية خلع ده أكدلي إنها عاوزة تتخلص مني فابتديت أراقبها علشان أتاكد من الكلام ده وفعلا اتاكدت إنها بتقابله وإن فيه بينهم علاقة فروحت واجهتها نفت الكلام ده وقالت إن مفيش بينهم أي تواصل فقررت أتكلم مع أيمن واتفاهم معاه لإن كده بيخربلي بيتي. |
|
|
|
08-13-2023, 01:58 PM
|
#12 |
|
Senior Member
تاريخ التسجيل: Apr 2015
المشاركات: 6,634
|
الجمعة 11/أغسطس/2023
- 08:50 ص المتهم بقتل منجد المعادي: اعترف لي بعلاقته مع مراتي.. قطعته ورميته في أكياس إيهاب أبو رية - فارس فؤاد كشفت التحقيقات في القضية رقم 12126 لسنة 2023 جنايات حلوان، تفاصيل مقتل شاب يدعى أيمن عابد، والمعروفة إعلاميا بـ منجد المعادي، وجود علاقة عاطفية فيما بين المجني عليه والمدعوة أ.ي - زوجة المتهم بقتل المجني عليه سيد.س، وعقب اكتشاف زوجها وجود تلك العلاقة قرر التخلص من المذكور وإزهاق روحه. التحقيقات في قضية مقتل منجد المعادي وحصل القاهرة 24 على نص التحقيقات في القضية، ومما جاءت في أقوال المتهم: المجني عليه اعترف لي انه على علاقة بمراتي ولما قتلته مكنتش عارف اتخلص من الجثة فجتلي فكره أقطع الجثه لانه حجمه كبير وارميها على مراحل في مكان مهجور وفعلا روحت على محل منظفات جبت منه أكياس الزباله السوداء الكبيره وبعدها روحت علي فرن جبت منه شكاير وطلعت علي البيت في نفس اليوم وقلعته كل هدومه وبدأت اقطع رجله الاتنين وبدأت اقطع من عند الحوض لحد ما فصلت رجليه الاتنين من جسمه وروحت قاطع كل رجل من عند الركبه بحيث تبقي الرجلين اربع قطع وقطعت دراعاته الاتنين وراسه فصلتها عن جسمه وكنت بقطعه بالمطواه اللي انا خدتها منه وتابع المتهم: بعد كده اخدت الرجلين وحطيتهم في كيس اسود وشيكاره ولفيتهم كويس وخدتهم ونزلت وانا بفكر هرميهم فين وجاتلي فكره إني ارميهم في النيل وفضلت ماشي علي الكورنيش النيل علشان الاقي حته ينفع ارميه فيها لحد ما وصلت عند طره وقريب من بيتي لقيت اوضه قديمة مهجورة علي النهر علي طول طبقتين واحدة بسوى الرصيف وواحدة تحت عند الماية فرميت الكيس اللي فيه الرجلين هناك ورجعت علي الشقة تاني واخدت الدراعين والرأس وحطيتهم في كيس اسود وحطيته في شيكاره وروحت رميتها في نفس المكان وبعدها بيوم قولت إني مش هينفع اسيبهم كده المكان اللي انا رميتهم فيه وروحت وقولت لازم اغطيهم بحاجه فروحت دفنتهم بالتراب وروحت علي البيت علي والدتي واختتم المتهم: بعدها بيوم نزلت وسط البلد وكان معايا تلفون ايمن فتحت الواتس اب بتاعه ودورت في علي أي حد ابقي عارف إن قريبه ولقيت ابن اخو المجني عليه وبعتله رساله وقولتله إن انا حد ليه فلوس بتاعه اثاث عند المجني علية مليون جنيه ولو مجابوش الفلوس مش هيشوفوه تاني وبعد ما بعت الرساله دي وانا راجع عند البيت رميت التليفون في النيل عند طره بردو وروحت فضلت قاعد في البيت لحد مابعد اربع أيام لقيت أخو مراتي مراتي بيكلمني علي التليفون بيقولي تعالي اقابلك علشان نخلص موضوع مراتي ونخلص المشكله دي فروحتله لقيت الحكومه مستنياني وخدوني على القسم وبس ده كل اللي حصل. |
|
|
|
|
08-13-2023, 02:00 PM
|
#13 |
|
Senior Member
تاريخ التسجيل: Apr 2015
المشاركات: 6,634
|
الجمعة 11/أغسطس/2023
- 10:54 ص قالي هتجوز مراتك.. المتهم بإنهاء حياة منجد المعادي: قتلته ونزلت القهوة أشرب شيشة إيهاب أبو رية -إياد أحمد محجوب كشفت التحقيقات في القضية رقم 12126 لسنة 2023 جنايات حلوان، والمعروفة إعلاميا بـ منجد المعادي، تفاصيل مقتل شاب يدعى أيمن عابد، مؤكدة وجود علاقة عاطفية بين المجني عليه والمدعوة أ.ي، زوجة المتهم بقتل المجني عليه سيد.س، وعقب اكتشاف زوجها وجود تلك العلاقة، قرر التخلص من المذكور وإزهاق روحه. التحقيقات في قضية مقتل منجد المعادي وحصل القاهرة 24 على نص التحقيقات في القضية، وجاءت أقوال المتهم كالتالي: لما عرفت ان مراتي على علاقة بالمجني عليه قولت هتكلم مع أيمن عابد منجد المعادي في حته قريبة من المنطقة لان احنا اللي سكانين في المنطقة فيها اخواته وهيتدخلوا والموضوع هيكبر وخوفت إن هما هياذوني علشان عيلته ناس شديده وفيها مسجلين وأنا على الله. وتابع المتهم: أنا قولت ممكن أخليه يقابلني في منطقة بعيده عن كوتسيكا وطره، فقولت أنا ممكن أقابله في حدائق حلوان لأن أنا كنت مأجر شقة هناك علشان لو هتنفصل هروح اقعد فيها لوحدي، وفعلا اشتريت تلفون بخط جديد وكلمته على أساس إني زبون وعايز يعمل حاجة في عفش بيته في حدائق حلوان وكلمته وخليته جالي في المنطقة اللي فيها الشقة ونزلت قابلته تحت في الشارع اللي أنا مأجر فيه الشقة وفهمته إن أنا اللي متصل بيه علشان محتاجين نتكلم شوبة بخصوص علاقته بمراتي وهو تحت في الشارع قالي مفيش حاجة من الكلام ده والكلام ده مش صحيح فقولتله طيب تحب نقعد في قهوة ولا نطلع عندي الشقة فوق فقالي نطلع الشقة فوق عندك نتكلم. وأضاف المتهم: لما طلعنا فوق بدأ أسلوبه في الكلام يتغير وقالي أيوة أنا فيه علاقة بيني وبين مراتك، وأنا غصب عنك أو بمزاجك هطلقها منك واتجوزها فشديت معاه راح زاققني رحت زاقه وقع على رملة في الأرض لقيته بيفتح الشنطة اللي في ايده وبيطلع منها مطواه روحت ناطط عليه وخدت المطواه من ايده وضربته في رقبته كذا ضربة في جسمه من قدام بس مش فاكر فين بالظبط. وأكمل: لما قومت من عليه حاول إنه يقف بس مقدرش يصلب طوله ووقع على وشه، وأنا كانت جاتلي حالة هستيرية ومكنتش عارف بعمل ايه فضربته كام ضربة في ضهره وهو واقع بعدها لقيته مرمي جثة هامدة، وأنا مش عارف أعمل ايه فقفلت عليه الشقة ونزلت قعدت في قهوه شربت معسل وقهوة بفكر هعمل أي هبلغ ولا أخلص من الجثة إزاي؟ |
|
|
|
|
08-13-2023, 02:04 PM
|
#14 |
|
Senior Member
تاريخ التسجيل: Apr 2015
المشاركات: 6,634
|
الجمعة 11/أغسطس/2023
- 08:10 م زوجة المتهم بقتل منجد المعادي: جوزي بيغير لما بتعامل مع رجالة وكنت مخطوبة للمجني عليه فارس فؤاد إياد أحمد محجوب كشفت التحقيقات في القضية رقم 12126 لسنة 2023 جنايات حلوان، تفاصيل مقتل شاب يدعى أيمن عابد، والمعروفة إعلاميا بـ منجد المعادي، وأوضحت وجود علاقة عاطفية فيما بين المجني عليه والمدعوة أ.ي - زوجة المتهم بقتل المجني عليه سيد. س، وعقب اكتشاف زوجها وجود تلك العلاقة قرر التخلص من المذكور وإزهاق روحه. التحقيقات في قضية مقتل منجد المعادي وحصل القاهرة 24 على نص التحقيقات في القضية، وجاءت أقوال زوجه المتهم كالتالي: س: ما علاقتك بالمتهم؟ ج: هو جوزي. س: هل ما زالت تلك الزوجية قائمة؟ ج: هي موجودة على الورق لكن احنا فيه بينا مشاكل واحنا بعيد عن بعض الفترة دي س: وما طبيعة تلك الخلافات فيما بينكما؟ ج: هو دايما بيضربني ويبهدلني عشان هو غيور جدا وعنده مشاكل مع أي راجل أنا بتعامل معاه حتى المدرس بتاع الأولاد. س: ومنذ متى نشأت تلك الخلافات تحديدا؟ ج: من ساعة ما اتجوزت والعلاقة كلها مشاكل في مشاكل. س: وما تحديدا آخر خلاف حصل بينكما؟ ج: هو آخر خلاف ما بينا زي أي خلاف قبل كده بسبب المواعيد والتأخير أو إني أروح عند أمي لإن هو دايمًا عنده شكوك فيا وبيضربني وآخر مرة لما ضربني رديت عليه وقولتله أنا تعبت بقى وإني هسيبله البيت ومش هكمل بالطريقة دي وفعلا فقعدت عند أمي وطلبت منه الطلاق س: وما الذي أدى إلى ذلك الخلاف؟ ج: أنا رفعت عليه قضية تمكين واتمكنت من الشقة بالمشاركة معاه. س: هل هناك محاضر حُررت بشأن تلك الخلافات؟ ج: أيوه أنا عاملة 3 محاضر قبل كده بالضرب والاتلاف والخلع. س: وما الذي آلت إليه تلك المحاضر؟ ج: أنا الصراحة معرفش هي وصلت لإيه. س: وما الذي آلت إليه قضية الخلع المرفوعة من قبلك ضده؟ ج: هي القضية لسه ما اتحكمش فيها. س: وما الذي دعاكِ لتحريك مثل تلك الدعوى؟ ج: عشان هو بيضربني ودايما بيعمل مشاكل معايا وبيغير بشكل صعب جدا ومبهدلنا س: وما قولك فيما قاله المتهم سيد عمر بتحقيقات النيابة العامة إن المجني عليه قال إنه سيطلقك من زوجك للزواج منك مما أثار حفيظته؟ ج: الكلام ده مش صح، أنا عارفة إن أیمن يقول كده فعلا بس بينه وبين أهله وخاصة مع أحلام بنت أخته ولكن مش زي ما بيقول سيد إن الموضوع معروف في المنطقة الكلام ده مش صحيح. س: هل هناك أسباب أخرى للخلاف فيما بينكم؟ ج: هو فيه المشاكل العادية بين أي اتنين متجوزين بس هو عنده مشكلة الغيرة زيادة ودي سبب أكتر المشاكل. س: وما مدى علاقتك بالمجني عليه منجد المعادي تحديدا؟ ج: هو المجني عليه كان خطيبي قبل ما اتجوز المتهم وجارنا في المنطقة من زمان ومحصلش نصيب ومفيش أي علاقة تاني أكتر من كده ومليش علاقة بيه خالص. س: ألا يوجد بينكما ثمة تواصل في الوقت الحالي؟ ج: لا خالص. س: وما قولك فيما قرره المتهم بتحقيقات النيابة العامة من وجود علاقة فيما بينك وبين المجني عليه منجد المعادي؟ ج: الكلام ده مش حقيقي. س: وما قولك فيما أضافه سالف الذكر من أن والدتك وحال نشوب أي خلافات بينك وبين زوجك تخبره بأن يطلقك وأن عريسك موجود؟ ج: هي أمي قالتله كده مرة واحدة زمان في بداية الجواز ولما زعل وجه قالي قلتله دي بتقولك كده عشان تخلي بالك مني لكن هي مش بتقوله كده في كل خلاف زي ما بتقول. |
|
|
|
|
08-13-2023, 02:07 PM
|
#15 |
|
Senior Member
تاريخ التسجيل: Apr 2015
المشاركات: 6,634
|
الجمعة 11/أغسطس/2023
- 11:59 م كان مصاحب مراتي.. ننشر أقوال المتهم بقتل منجد المعادي فارس فؤاد كشفت التحقيقات في القضية رقم 12126 لسنة 2023 جنايات حلوان، والمعروفة إعلاميا بـ منجد المعادي، تفاصيل مقتل شاب يدعى أيمن عابد، مؤكدة وجود علاقة عاطفية بين المجني عليه والمدعوة أ.ي، زوجة المتهم بقتل المجني عليه سيد.س، وعقب اكتشاف زوجها وجود تلك العلاقة، قرر التخلص من المذكور وإزهاق روحه. التحقيقات في قضية مقتل منجد المعادي وحصل القاهرة 24 على نص التحقيقات في القضية، وجاءت أقوال المتهم أمام جهات التحقيق كالتالي: س/ ما هي ظروف نشأتك الأسرية؟ ج اتولدت في أسرة فيها 7 أخوات منهم 2 من والدتي و4 إخوات أشقاء س/ ما طبيعة علاقتك بأشقائك سالفي الذكر وهل هناك خلافات بينك وبين أيا منهم؟ ج انا علاقتي بيهم كويسة. س ما مؤهلك الدراسي تحديدا؟ ج انا معايا ابتدائية ووصلت في التعليم لحد ثانية ابتدائي بس. س/ وما هي حالتك الاجتماعية تحديدا؟ ج انا متجوز وعندي اربع أولاد. س/ من هم أبناءك واعمارهم تحديدا؟ ج أنا بنتي الكبيرة عندها 16 سنة وسيف عنده 14 سنة وهنا سنتين وأحمد عنده 5 سنين. س/ وما هي مصادر دخلك تحديدا؟ ج أنا شغال نقاش وده مصدر دخلي الوحيد. س/ وهل تتعاطى ثمة مواد مخدرة أو مهدئة؟ ج / لا. س / ما طبيعة علاقتك بالمجني عليه المتوفى إلى رحمة مولاه أيمن عابد عابد؟ ج هو جاري من نفس المنطقة لكن علاقتي بيه على أد السلام بس س / وهل هناك خلافات سابقة فيما بينكما؟ مكانش في خلاف بينا لحد ما أنا عرفت موضوع إنه على علاقة بمراتي وبيكلمها. س / وما هي تحديدا الأفعال المادية التي أتيتها قبل المجني عليه لارتكاب تلك الواقعة؟ ج/ هو أنا خليته يجيلي حدائق حلوان عشان أتفاهم معاه في حوار علاقته بمراتي واتفقنا نطلع نتكلم في الشقة اللي أنا مأجرها هناك ولما طلعنا واتكلمنا شدينا مع بعض وقالي أنا هطلقها منك غصب عنك واتجوزها فمسكنا في بعض وحاول يطلع مطواة من الشنطة اللي كانت معاه فأخذتها منه وضربته في رقبته وكذا ضربه في بطنه وصدره فوقع ولما حاول يقوم معرفش يصلب طوله فوقع على وشه كنت انا جائلي حاله هستيرية فضرينه كام ضربه في ضهره لحد ما بقى جثة هامدة ومبقتش عارف اعمل إيه وجاتلي فكرة اني اقطعه وارميه في مكان مجهول وقطعته فعلًا ورميته في حتة فيها طرح نهر في طرة في المعادي. |
|
|
|
|
08-13-2023, 02:09 PM
|
#16 |
|
Senior Member
تاريخ التسجيل: Apr 2015
المشاركات: 6,634
|
السبت 12/أغسطس/2023
- 09:44 ص كنت شاكك فيهم.. المتهم بقتل منجد المعادي: مراتي طلبت الطلاق وحماتي قالتلي عريسها موجود فارس فؤاد كشفت التحقيقات في القضية رقم 12126 لسنة 2023 جنايات حلوان، والمعروفة إعلاميا بـ منجد المعادي، تفاصيل مقتل شاب يدعى أيمن عابد، مؤكدة وجود علاقة عاطفية بين المجني عليه والمدعوة أ.ي، زوجة المتهم بقتل المجني عليه سيد.س، وعقب اكتشاف زوجها وجود تلك العلاقة، قرر التخلص من المذكور وإزهاق روحه. التحقيقات في قضية مقتل منجد المعادي وحصل القاهرة 24 على نص التحقيقات في القضية، وجاءت أقوال المتهم أمام جهات التحقيق كالتالي: س: ما طبيعة علاقة زوجتك بالمجني عليه المتوفى أيمن عابد؟ ج: هو كان خاطبها قبل ما أنا أتجوزها ولما بيعرف إن إحنا متخالفين وهي عند أهلها بيحاول يتواصل معاها عن طريق إن علاقته كويسة بأهلها عشان هما جيران في نفس المنطقة. س: وما هي كيفية ذلك التواصل؟ ج: هو كان بيستغل إنها هناك ويروح يزورهم بحكم علاقته الكويسة بأهلها. س: وكيف نما إلى علمك تلك المحاولات للتواصل مع زوجتك؟ ج: كنت بعرف من خلال أمها كانت تيجي في المشاكل وتقولي طلقها وعريسها موجود دا أيمن لو طلقتها هيتجوزها بكرة الصبح. س: وهل تأكدت من وجود تلك المحاولات بنفسك أم أنها مجرد عبارات لإثارة حفيظتك؟ ج: في الأول مكنتش بحط في دماغي الكلام ده وكنت بقول إنه كلام نسوان لكن في آخر خناقة لما راحت قعدت عند أهلها من حوالي خمس شهور هي وبنتي جت قالتلي إن بنت أخت أيمن عابد كانت بتتكلم عليا مع مراتي بطريقة وحشة ولما سمعت إنها هتطلق قالتلها أخيرا هتطلقي أنا ابتديت أشك إن فيه حاجة غلط وإنها فعلا بتتواصل مع أيمن ده وحاولت أتأكد خصوصا لما لقيت الواتس أب بتاع مراتي فتح وهي معهاش موبايل يشغل الواتس آب. س: ما مضمون ما أخبرتك به نجلتك تحديدا؟ ج: هي قالتلي إن أحلام قالتلها أخيرًا هتطلقي منه أنا مبطيقهوش دا أخدك لحم ورماكي عضم وتلميحات زي كده وأنا لما شكيت إن فيه حاجة غلط فتحت الواتس آب عندها ولقيتها فاتحاه من قريب وده خلاني أقول لازم أتأكد. |
|
|
|
|
08-13-2023, 02:13 PM
|
#17 |
|
Senior Member
تاريخ التسجيل: Apr 2015
المشاركات: 6,634
|
السبت 12/أغسطس/2023
- 11:03 ص جوزي قتل خطيبي القديم.. زوجة المتهم بقتل منجد المعادي: مشاكلنا كانت دايما بسبب الغيرة إياد أحمد محجوب كشفت التحقيقات في القضية رقم 12126 لسنة 2023 جنايات حلوان، بشأن مقتل شاب يدعى أيمن عابد، والمعروفة إعلاميا بـ منجد المعادي، وجود علاقة عاطفية بين المجني عليه والمدعوة أ.ي، زوجة المتهم بقتله سيد. س، وعقب اكتشاف زوجها وجود تلك العلاقة قرر التخلص من المذكور وإزهاق روحه. التحقيقات في قضية مقتل منجد المعادي وحصل القاهرة 24 على نص التحقيقات في القضية، وجاءت أقوال زوجة المتهم كالتالي: س: ما قولك فيما أثبته المقدم إسلام بكر بمحضر تحرياته المؤرخ 2023/2/28 الساعة 9:30 صباحًا من أن تحرياته توصلت إلى وجود علاقة عاطفية بينك وبين المجني عليه أيمن عابد؟ ج الكلام ده مش حقيقي. س/ وهل هناك علاقة أو خلافات بينك وبين المقدم سالف الذكر؟ ج لا أنا معرفوش ومفيش أي خلافات. س/ وما تعليلك لما سطره إذن؟ ج معرفش. س/ وما قولك فيما قرره المدعو عزوز عابد حال سؤاله بتحقيقات النيابة العامة عن أن ابنة شقيقه المدعوة أحلام أسامة بحكم صداقتها معكِ أخبرته بوجود علاقة عاطفية فيما بينك وبين المجني عليه أيمن عابد؟ ج معرفش حاجة عن الكلام ده. س/ وهل هناك علاقة أو خلافات بينك وبين سالف الذكر؟ وما تعليلك لما شهد به إذن؟ ج/ معرفش. س / هل سبق أن قررتِ أن غيرة المتهم عليكِ هي السبب الرئيسي لأغلب الخلافات فيما بينكما قبل أن يرتقي ذلك السبب لأن يكون دافع المتهم لارتكاب مثل تلك الواقعة؟ ج لا طبعا، أنا اتصدمت لما سمعت اللي هو عمله ومكنتش مصدقة إن الغيرة ممكن توصله إنه ممكن يعمل حاجة بالبشاعة دي. س/ وهل المتهم سيد. س من معتادي إحراز الأسلحة البيضاء؟ ج لا.. هو أصلا إنسان مسالم ملوش مشاكل مع حد بره وفي حاله، ومن البيت للشغل ومن الشغل للبيت وأقصى مشاكله بتبقى معايا أنا دايما بسبب الغيرة. س/ وهل يتعاطى سالف الذكر أي مواد مخدرة؟ ج لا دا مش بيشرب السجاير العادية حتى. س/ ما معلوماتك بشأن الواقعة محل التحقيق؟ ج اللي حصل إني كنت قاعدة في البيت، ولقيت أخويا سعيد ومعاه ضابط شرطة من القسم جم والضابط قالي تعالي معانا القسم، سألتهم ليه قالولنا عشان أيمن عابد مختفي ولما روحت القسم قالولي إن سيد جوزي خطف أیمن وقتله وقطعه، وأنا قولتلهم معرفش حاجة عن القصة دي وده كل اللي حصل. س متى وأين حدث ذلك؟ ج الكلام ده كان يوم السبت الموافق 2023/2/25 حوالي الساعة 1 الضهر في بيتي. س/ هل نما إلى علمك الأفعال المادية التي أتاها زوجك المتهم سيد. س قبل قتل المجني عليه أيمن عابد؟ ج / سمعت إنه قتله وقطعه ورماه في حتة في طرة فيها طرح النهر. س / وهل كنتِ على علم بما ينويه المتهم من ارتكابه لتلك الواقعة؟ ج / لا معرفش. س / وهل بدت عليه أي علامات أو مؤشرات تنبئ عن اعتزامه ارتكاب مثل تلك الواقعة تجاه المجني عليه؟ ج / لا.. لكن هو كان أكتر من مرة يسألني أيمن ده بيضايقك أو بيحاول يكلمك وانتي عند أهلك؟ وأنا بقوله لا وأنا عارفة إنه كان بيغير منه عشان كان خطيبي، قبل ما يتجوزني بس متوقعتش إنه يعمل كده. س/ وهل أخبرك من قبل بشأن المجني عليه بما يدل أو ينبئ عن إكمانه للشر له وأنه ينوي إيذاءه؟ ج / لا هو كان بيسألني بيضايقني ولا لأ. س/ وهل سبق أن حدثت فيما بين المتهم والمجني عليه أي خلافات سابقة؟ ج / لا محصلش بينهم أي مشاكل قبل كده س/ وما طبيعة العلاقة بين سالفي الذكر؟ ج / هما ملهمش علاقة ببعض خالص. س / سبق وأن قررتِ أنه توجد خلافات منذ أشهر بينك وبين زوجك المتهم سيد. س.. فهل كان يقيم بمنزل الزوجية طوال هذه المدة؟ ج / لا هو كان قاعد في بيت عيلته. س / ولماذا لم يقِم بمسكن الزوجية خاصة أن أمر التمكين صدر بالمشاركة فيما بينكما؟ ج / عشان المشاكل اللي بيننا ومكناش قاعدين مع بعض عشان الخلافات بتزيد. س / وهل نما إلى علمك قيام المتهم سالف الذكر باستئجار أي وحدات سكنية؟ ج / لا.. أنا أول مرة أسمع الكلام ده لما الظابط قالي إنه كان مأجر شقة في حلوان اللي قتل فيها أيمن. س/ هل لديكِ أقوال أخرى؟ ج / لا |
|
|
|
 |
|
|
 |
 |
العرض العادي
