العودة   منتدى زين فور يو > ღ◐ منتديات زين فور يو العامة ◑ღ > منتدى الترحــيب والأصدقاء
 
 
إنشاء موضوع جديد إضافة رد
 
أدوات الموضوع انواع عرض الموضوع
قديم 09-18-2018, 12:19 AM   #111
سواها قلبي
Senior Member
 
تاريخ التسجيل: Apr 2015
المشاركات: 6,581
افتراضي

اقتباس:
هههههههههه انت اجمل هديه الله يسعدك ي رب
اسفه اذا احرجتك هههههههههههه يلا ارجع ماصارت صلاه هههههههههه

توني خصلت الصلاة ههههههه وماكو احراج بنت عمي انا اليوم صرت زين والحمدلله وربي دشيت تو ولقيت ردج كنت بكتب قبلج بس زين تطمنت عليج لا تسئليني شفيك ماكو غيرها السالفة ودي اضحك وانسى والخال كل يوم يقرا علي ومرات انا اقرا عليه كاسر خاطره هههههه صج خنقولج سالفته الحزينه

السالفة صارلها جذي سنة وشوي انا قاعد ابروحي ابغرفتي ياني خبر مو حلو وقالولي انت اقرب واحد له وكلمه انه ولده توفى ابحادث اهو واللي معاه صكيت التلفون بسم الله ولا اهو داش علي الغرفة شكله مو حلو ومعاه جيس انا عبالي يدري بالخبر قلت خنثقل شوي وبسولف معاه عادي شنو هالجيس قالي اسمع انا من جم يوم حاس انه بصير شي مو زين واليوم انا مو طبيعي الظاهر بودع الدنيا وانا ساكت جان يقولي هذا الجيس فيه افلوس انا مسلف واحد وماقدر يحطهم بحسابه لانه مطلوب وراح ياخذونهم

فقالي حطهم بحسابك اخاف يصيرلي شي هذا مهره وهذا جيك بسمك تكاليف حفلته وانا ساكت بس اطالعه جان يقولي صارلي جم يوم حاس بصيرلي شي ودي بس احظن اولدي واحبه ويقولي دشيت عليه الغرفة من يومين ولقيته نايم قعت اطالعه وبقيت انام يمه وألمه على صدري وابوسه بس خفت يقعد من النوم وازعجه قعدت عشر دقايق بس اطالعه انا ابصراحة كسر خاطري وانزلت دمعتي قصب فقال اشفيك قلت ماكو شي قالي تكلم فقلتله انت مادريت قال شنو قلت ما ياك خبر عن شنو فسكت قالي ليش ساكت ونبرة صوتك مو مثل العادة في شي صار تكلم ولدي مات نزلت راسي قالي مات قلتله اي حادث اهو واللي معاه قال الحمدلله وربي لا اله الا الله عليه ثابت خلص العزا وبعد جم واحد دزله مقطع بالحادث وشاف السيارة تأثر اشوي اعرفه انا زين ولما صرنا ابروحنا قلته شنو قاعد اطالع من شوي قالي السيارة اللي توفى فيها ولدي قالي تدري شنو تمنيت قلت شنو قال تمنيت ان ولدي وراي قاعد والطقة تكون فيني انا وبعدها يموت عادي الله يهديه اللي دزه لي

في ناس بنت عمي مايستحون او مايفكر ولا عنده احساس عادي يدز مثل جذي مايقول هذا ولده جنه قاعد يبشره يالله الله يرحمه ويرحم اموات المسلمين ادعيلي بالشفاء



سواها قلبي غير متواجد حالياً   رد مع اقتباس
قديم 09-18-2018, 12:45 AM   #112
نجد2
Senior Member
 
تاريخ التسجيل: Apr 2016
المشاركات: 195
افتراضي

الله يرحم ولده ويغفر له ويجمعه فيه بجنات النعيم..
الله يعينه ي رب ويعينك بس انت ذكره انه راح للي ارحم فيه منا وانه هذا امر الله ولا اعتراض عليه. وقل له الحزن مايفيد بشي خل يدعي له ويتصدق له ويترحم عليه اما الحزن والضيق بيكون مدخل للشيطان الله يكافيكم شره..

وانت شفيك مشعل؟ شي يعورك ولا تقصد هالسالفه؟
نجد2 غير متواجد حالياً   رد مع اقتباس
قديم 10-02-2018, 03:37 PM   #113
نجد2
Senior Member
 
تاريخ التسجيل: Apr 2016
المشاركات: 195
افتراضي

مشعل وينك طمني عليك
نجد2 غير متواجد حالياً   رد مع اقتباس
قديم 10-05-2018, 08:50 PM   #114
سواها قلبي
Senior Member
 
تاريخ التسجيل: Apr 2015
المشاركات: 6,581
افتراضي

اقتباس:
لله يرحم ولده ويغفر له ويجمعه فيه بجنات النعيم..
الله يعينه ي رب ويعينك بس انت ذكره انه راح للي ارحم فيه منا وانه هذا امر الله ولا اعتراض عليه. وقل له الحزن مايفيد بشي خل يدعي له ويتصدق له ويترحم عليه اما الحزن والضيق بيكون مدخل للشيطان الله يكافيكم شره..
اللهم امين يا رب ويزاج الله خير بنت عمي وما قصرتي ولا تخافين بنت عمي خالي الاثرم لا اله الا الله عليه مؤمن بقضاء الله ولله الحمد واهو اللي قاعد يصبر الاهل واهل الميتين ولا جنه مات اولده بعد مو جذي في واحد من ربعه كان امسافر ولا قاله انه اولده مات مايبي يخرب عليه السفره وربي يوم درا رفيج عمره بجى وجنه اولده اهو اللي ميت ااهو حاط السبيكر وانا اسمعه الخال قاعد يذكره بالله وذاك يبجي جنه اولده اللي ميت من كثر ما يبجي واهو يتكلم انا خنقتني العبرة والخال يكلمه واهو يضحك مايبيه يتاثر وايد يعني انا مافيني شي والشي صار وهذا حكم الله


اقتباس:
مشعل وينك طمني عليك
انا الحين الحمدلله اليوم صرت زين من جذي دشيت المنتدى بسلم عليج امبيه نسيت وربي
السلام عليكم نجد اشلونج وشخبارج وينج ماتبنين

اقتباس:
وانت شفيك مشعل؟ شي يعورك ولا تقصد هالسالفه؟
انا قلتلج وماودي اعيد لاني ودي انسى وودي اسولف واضحك جني مشعلاني اللي كان اول

بس شسوي خنقولج في شي يطلعلي ابلعومي ومتاذي منه مرات جنه قلم ومرات يكون اكبر مثل هالصورة

شوفي هالعصا مثلها بالضبط




وربي جذي وخاصة وانا نايم ماعرف انام على ظهري لازم عاليمين او يسار من اتحرك تتحرك معاي حتى الصلاة ما اقدر اسجد وارفع من السجود اتاذى منها مالي خلق اي شي خلاص حتى الجرايد كرهتها اهو مو كره بس مالي خلق اقرا حتى المنتدى مالي خلق ابطله تعبان مااطلع حتى الربع يسفروني يبون ينسوني عبالهم موسوس ماخلو شي ماسووه اذا طلعت معاهم اهم اللي يخدموني وانا ضايق خلقي نفسيا احسن اني مالي فايده الالام اب مكان العملية وهذا كلبوه صار من الشيل وانا مادري

كلبوهم يخدموني وكل كلمة والثانية لا تتحرك شكيت اني حامل انتي ماتعرفين الريال اذا صار ولا شي ماقدر مرات اعاند نفسي واشيل ومرات انسى نفسي واشيل واطيح ومرات اقضب نفسي ولا اشيل شي احاول احارب نفسي عشان اتغلب عليها حتى البنات اكسر خاطرهم بالسوق خلك لا تتحرك احنا ابناخذ رقمك

اول امس اخذني واحد عالبحر اهو اللي شال كلشي وانا جني حرمته وراه ولما خلصنا حلف اني ماشيل شي كسر خاطري ينافخ يالله وصل السيارة

ان شاء الله اذا صرت زين بدش وبسولف وبحاول اقرا جرايد وانزل بالمنتدى يمكن ان شاء الله انسى واذا شفتيني قطعت يعني صرت مو زين عاد تحمليني يعني كلش ميته فيني ههههه لا اتغمشر معاج وربي عالاقل انتي الوحيدة بنت ورقيقة وصابره والربع يخرعون وخشنين
سواها قلبي غير متواجد حالياً   رد مع اقتباس
قديم 10-05-2018, 09:00 PM   #115
نجد2
Senior Member
 
تاريخ التسجيل: Apr 2016
المشاركات: 195
افتراضي

بسم الله عليك شنو اللي ببلعومك ي مشعل رحت طبيب وفحصت؟ روح وافحص شف شنو هذا


وعليكم السلام والرحمه مشعل انا ما ابين لاني اطالع المنتدى من بعيد بس شفتك تاخرت وكتبت لك..

ي رب تعدي هالمرحله وترد مشعل اللي نعرفه واحسن بعد

مشعل انتبه لروحك امانه وترى المنتدى فاقدك حيل..

ولا تطول علينا انا دايم قريبه ودايم بالي وياك وربي..

استودعتك ربي وربي يحميك ويخليك لعين ترجيك ي رب
نجد2 غير متواجد حالياً   رد مع اقتباس
قديم 10-10-2018, 11:13 PM   #116
سواها قلبي
Senior Member
 
تاريخ التسجيل: Apr 2015
المشاركات: 6,581
افتراضي

اقتباس:
المشاركة الأصلية كتبت بواسطة نجد2 مشاهدة المشاركة
بسم الله عليك شنو اللي ببلعومك ي مشعل رحت طبيب وفحصت؟ روح وافحص شف شنو هذا


وعليكم السلام والرحمه مشعل انا ما ابين لاني اطالع المنتدى من بعيد بس شفتك تاخرت وكتبت لك..

ي رب تعدي هالمرحله وترد مشعل اللي نعرفه واحسن بعد

مشعل انتبه لروحك امانه وترى المنتدى فاقدك حيل..

ولا تطول علينا انا دايم قريبه ودايم بالي وياك وربي..

استودعتك ربي وربي يحميك ويخليك لعين ترجيك ي رب

مشكورة بنت عمي وماقصرتي كلامج يشرح الصدر وربي بس ماقدر اعبر اكثر من جذي اسلوب ماكو مثل الناس يالله هذا حظج وانتي دايم تقولين حظج مو شي وبخصوص الطبيب انا مارحت ابصراحه ولا ودي اروح ماحبهم وخايف اروح لهم يرجعون لي المرارة

خنسولف بنسي اللي فيني وبقعد اتقصب اكتب بالمنتدى وبدوس على نفسي مع انها مسكينة مالها ذمب بس شسوي ماكو احد ادوسه غيرها

انتي شخبارج نسيت المعلومات كلوبها من طحت انت منو عرفينا عليج شنو تحبين وشنو تكرهين كل اللي اعرفه عنج هالنقطة (.) بس غيره نسيته

بنت عمي من خمس ايام واليوم بعد دق علي واحد من ربعي منزام مو شايفه قالي تعال انا امأجر شقة بالمدينة المنورة شهر ابروحي تعالي لا وحددلي اليوم اروح احجز قلت له يمكن مو اكيد الاسبوع مو هذا اللي بعده بحجز طالما فيها المدينة المنورة بروح

اتصدقين بنت عمي بعد ماكلمني اخذت غفوة شوي وحلمت اني رايح للمدينة المنورة ابسيارتي بس عن طريق البر وبعدها رجعت خفت اغرز والتراب لونه ابيض وان شاء الله اذا كتب الله بروح وبعدها باخذ عمره
سواها قلبي غير متواجد حالياً   رد مع اقتباس
قديم 10-17-2018, 02:59 AM   #117
سواها قلبي
Senior Member
 
تاريخ التسجيل: Apr 2015
المشاركات: 6,581
افتراضي

صبحج الله بالخيرات وين الناس شنو زعلانه ليكون انا بعد خرته وكتبت شي ما اقصده يبا ما اقصد شي
سواها قلبي غير متواجد حالياً   رد مع اقتباس
قديم 11-03-2018, 07:23 PM   #118
نجد2
Senior Member
 
تاريخ التسجيل: Apr 2016
المشاركات: 195
افتراضي

اقتباس:
المشاركة الأصلية كتبت بواسطة سواها قلبي مشاهدة المشاركة
صبحج الله بالخيرات وين الناس شنو زعلانه ليكون انا بعد خرته وكتبت شي ما اقصده يبا ما اقصد شي


صبحك الله بالنور والسرور
شدعوه الله لايجيب الزعل بس انشغلت مع اني قرأت ردك بس كل مره اقول برد ماعرف شنو اسوي وانشغل

طمني عليك ان شاء الله تمام وهل رحت عمره او لا

انا تمام الحمدلله واشتقت للمنتدى وللسوالف وياك
نجد2 غير متواجد حالياً   رد مع اقتباس
قديم 11-09-2018, 02:08 PM   #119
سواها قلبي
Senior Member
 
تاريخ التسجيل: Apr 2015
المشاركات: 6,581
افتراضي







سواها قلبي غير متواجد حالياً   رد مع اقتباس
قديم 11-10-2018, 06:41 PM   #120
نجد2
Senior Member
 
تاريخ التسجيل: Apr 2016
المشاركات: 195
افتراضي

بسم الله ع روحك مشعل مدري شقول خوفتني عليك وربي امانه طمني عليك لما تقدر ولاتخاف ترى ربك كريم فتره وتعدي لاتفكر فيها كثير..

انا واثقه بربي انم بتكون تمام وبترد لنا بخير وصحه احسن من اول..

اللهم إني اسألك بأسمائك الحسنى وبصفاتك العلا وبرحمتك التي وسعت كلّ شيء أن تمنّ على ( مشعل) بالشفاء العاجل، وألّا تدع فيه جرحاً إلّا داويته ولا ألماً إلا سكنته ولا مرضاً إلا شفيته، وألبسه ثوب الصحة والعافية عاجلاً غير آجلاً و شافِه وعافِه واعف عنه، واشمله بعطفك ومغفرتك وتولّه برحمتك يا أرحم الراحمين.
نجد2 غير متواجد حالياً   رد مع اقتباس
إنشاء موضوع جديد إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:24 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir