العودة   منتدى زين فور يو > ღ◐ منتديات زين فور يو الاجتماعية ◑ღ > مـنـتـدى تـطـويــر الــذات
 
 
إنشاء موضوع جديد إضافة رد
 
أدوات الموضوع انواع عرض الموضوع
قديم 10-09-2020, 03:41 AM   #1
سواها قلبي
Senior Member
 
تاريخ التسجيل: Apr 2015
المشاركات: 6,584
افتراضي إن إبليس أقام وليمة

إن إبليس أقام وليمة

إن إبليس أقام وليمة للشياطين ، لبحث طريقة لإخفاء أغلى ما يبحث عنه الإنسان ،
اقترح شيطان وقال : - نسرق ثروته .
رد إبليس :
- بل نزيدها حتى تكثر مشاكله وبالتالي تزيد شقاوته .. قال آخر : - نسرق عقله !
رد إبليس : - عقله وكيف يحس بتعاسته ؟

قامت شيطانة شمطاء وقالت : - يا إبليس يا عدو كل خير ، السعادة هي الهدف النهائي لكل إنسان ، دعنا نسرق سعادته !

وافق إبليس بعد ان تأكد من صحة قولها وسرقوا سعادة الإنسان . وهي فعلاً أغلىٰ ما عنده فظهرت لهم مشكلة أخرىٰ . وهي : - أين يخبئون السعادة حتى لا يعثر الإنسان عليها ؟

قال شيطان : - في أعماق البحار وقال آخر : - في أقاصي الأرض . رد عليهما إبليس : - كلها بضع مئات من السنين ، حتى يخترع الطائرة والغواصة عابرات القارات !

هنا قامت نفس الشيطانة وقالت : - يا إبليس .. يا صاحب كل شر ، حتى لا يعثر الإنسان المنكود علىٰ سعادته خبئها في مكان لا يخطر على باله ! - خبئها في أعماق قلبه ! سيبحث عنها في الثروة ولن يجدها ، وفى الشهرة ولن يجدها ، ومع الجنس الاخر ولن يجدها ، لأن السعادة في داخله وليست خارجه !

انحنى إبليس لهذه الشيطانة وألبسها جمراً من النار مكافأة لها ومنذ ذلك التاريخ ، والإنسان يبحث عن السعادة في كل مكان إلّا في أعماقه ودواخله.

العبرة انك الشخص الوحيد الذي يصنع سعادتك .السعادة لا تمنح انما تصنع .الرضا سعادة ..الحب سعادة ..العطاء سعاده ..الصداقة سعادة ..الصحة سعادة ..الضحكة من القلب سعادة الخلاصة ابحث داخلك عما يسعدك واصنع سعادتك بيدك.

🌸السعاده قرار🌸



سواها قلبي غير متواجد حالياً   رد مع اقتباس
قديم 10-11-2020, 01:44 AM   #2
نجد2
Senior Member
 
تاريخ التسجيل: Apr 2016
المشاركات: 195
افتراضي

زبدة الكلام حكمة بس الطريقة كانت من خلال الشيطانه اللي غلبت الشياطين السالفه مدفونه ي مشعل هههههههههاي..
ع العموم حي الله هالرجعه الجميله مثل صاحبها اشتقنا لك..
نجد2 غير متواجد حالياً   رد مع اقتباس
قديم 10-11-2020, 06:23 AM   #3
سواها قلبي
Senior Member
 
تاريخ التسجيل: Apr 2015
المشاركات: 6,584
افتراضي

اقتباس:
من خلال الشيطانه اللي غلبت الشياطين السالفه مدفونه ي مشعل هههههههههاي..
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههه ماكو فايدة جماد انسان جن نبات حيوان ابكل مكان امسيطرين

اقتباس:
ع العموم حي الله هالرجعه الجميله مثل صاحبها اشتقنا لك..
الله يحييج بنت عمي وما قصرتي وانا اكثر منج اشتقت وايد للمنتدى بس شسوي قصبا عني

تدرين بنت عمي حبيتها من حكمتها باين عليها مثقفة ونيتها خير ههههه بقولج سالفة مرة دقت علي وحدة الحين تقول تغازل لا يبا شسالفة وحدة من الاهل شنو انا دكتور يدقون علي ويستشروني وحدة من الاهل الله يهديج بنت عمي دايما تقطعين السالفة ترا الحين انادي عليج الشيطانة

نرجع لسالفتنا ابوي الله يرحمه اذا قام يسولف معاي يضحكني اذا قال سالفة ودق عليه واحد او دش علينا واحد وقطع السالفة وراح يقولي المينون ما ينسى سالفته وانا اموت من الضحك ليش لان في واحد يم بيتنا مسكين مو صاحي واذا شافني كمل سالفته ادري اني طلعت عن الخط ونسيت شنو بقولج عشان اثبتلج اني ماني مينون ههههههههههههههههههههه

دقت واهي ضايق خلقها وتسولف معاي وخانقتها العبرة مشعل فاضي اي فاضي امري قالت ابي هالسالفة بينا محد يدري المهم امدحتني بالكلام انت وانت من كثر ما امدحتني بقيت اقط لها الرقم عاد انا فيني النوم ومن رحت انام بيت اختي ايام الكرونا وانا مانام تعبان

قامت تشتكيلي وانا ساكت وما اقاطعها يمكن 45 دقيقة من سالفة لسالفة وتعيد بعض السوالف وانا ساكت خايف اقاطعها وتزفني ويوم خصلت وحسيت انها تغيرت نفسيتها قلتلها كلمة وحده الحين انتي مو ضايق خلقج قالت اي والله حيل قلت واهي شايلة هم وغم مثلج قالت لا قلتلها خلاص سالفة وصارت وانتهت اني شايلة هالمهم كله ليش وصارلج اسنين كل ما تتذكرينها يضيق خلج يبه السعادة بيدج وكل واحد سعاته بيده اهو يضيق خلق نفسه واهو يونسها اشلون

قلتلها انا اذا ضاق خلقي موقف صار مافكر فيه ابد واروح لشي انا احبه وهي القراءة اقرا الشي اللي القى فيه سعادتي واول ما افتح القران الكريم واقرا ابصوت عالي عشان ما خلي الشيطان يوسوسلي بالسالفة نفسها بعدها اروح اقرا شي احبه خلاص ما افكر شي صار وراح ليش اضيقين خلقج انتي شايلة هم وغم واهي مستانسة وتطلع وتضحك ولا اهي حاسة فيج بالعكس يمكن لما تسمع انج ضايق خلج تستانس

بس اهم شي لا تشتكين لحد ابد اشكي لربج وربي عندج شي دق علي انا كتوم طالع على ابوي وحضرت جنابه والحمدلله بعدها انقلت فوق تحت ليومج هذا واهي مستانسة وفي وحدة من ربعها نفس سالفتها ةاهي قامت عطتها نصيحتي جان زين معطتها رقمي مع هالنصيحة

وصج بنت عمي خلاص شي صار وانتهى انا اعيش حزين ليش ربي سبحانه اكتبه لي خلاص اللي علي اتقبله وانساه ولا اعطي الشيطانة هههههههههههه ويه واخلها اتصيطر علي سوو جذي وجذي واهي غلطانة وانت جان زين قلت لها جذي يوم هذا كلبوه راح على ضيقة الخلق

بحطلج هالفيديو هذا زين انا اول ما شفته خذيت منه درس خندور عليه واحطه لج





سواها قلبي غير متواجد حالياً   رد مع اقتباس
قديم 10-12-2020, 05:17 AM   #4
نجد2
Senior Member
 
تاريخ التسجيل: Apr 2016
المشاركات: 195
افتراضي

كفو عليك الله يسعدك كثر ما اسعدتها وغيرت نظرتها للموضوع لانه من جد الحزن لو طال وعلى شي مضى وكان خلاص هذا من الشيطان يستانس لما يحزن المسلم..

عاد هو الشيطان يستانس بس ع حسب قناعاتك انت تقول انه الشيطانه اللي تستانس هههههههههاي مدري ليش احس ابي انتقم للشيطانه منك ههههههههههاي استغفرالله العظيم..
نجد2 غير متواجد حالياً   رد مع اقتباس
قديم 10-13-2020, 01:00 AM   #5
سواها قلبي
Senior Member
 
تاريخ التسجيل: Apr 2015
المشاركات: 6,584
افتراضي

اقتباس:
كفو عليك الله يسعدك كثر ما اسعدتها وغيرت نظرتها للموضوع لانه من جد الحزن لو طال وعلى شي مضى وكان خلاص هذا من الشيطان يستانس لما يحزن المسلم..

عاد هو الشيطان يستانس بس ع حسب قناعاتك انت تقول انه الشيطانه اللي تستانس هههههههههاي مدري ليش احس ابي انتقم للشيطانه منك ههههههههههاي استغفرالله العظيم..
كفيوج الطيب ويسعدحج يارب وانا يوم قعت اقرا وصلت (عاد اهو الشيطان) نقزني قلبي وقمت اضحك ههههه

ومادري وين راح مقظع الفيديو يمكنه بتلفوني الثاني يمكن عاد قبل لا احطه شنو تتوقعين او من هي صاحبة الدرس اللي انا تعلمته منها ما راح يخطر على بالج خلاص بقولج منو هذي







هذي معاها شهادة دكتوراه عاد شنو تخصصها مادري بس اعتقد علم نفس باين من حركتها

سواها قلبي غير متواجد حالياً   رد مع اقتباس
قديم 10-13-2020, 04:50 AM   #6
نجد2
Senior Member
 
تاريخ التسجيل: Apr 2016
المشاركات: 195
افتراضي

ههههههههههههههههههاي اهم شي انك ضحكت هذي هي القمنددددده > تتحشى كويتي يوببببباااااه

اما هالدكتوره اششششك بتخصصها مو علم نفس من الوقفه و رفعة الرجل اتوقع تخصصها شوفة نفس هههههههههههاي..

نجد2 غير متواجد حالياً   رد مع اقتباس
قديم 10-17-2020, 06:14 AM   #7
سواها قلبي
Senior Member
 
تاريخ التسجيل: Apr 2015
المشاركات: 6,584
افتراضي

اقتباس:
المشاركة الأصلية كتبت بواسطة نجد2 مشاهدة المشاركة
ههههههههههههههههههاي اهم شي انك ضحكت هذي هي القمنددددده > تتحشى كويتي يوببببباااااه

اما هالدكتوره اششششك بتخصصها مو علم نفس من الوقفه و رفعة الرجل اتوقع تخصصها شوفة نفس هههههههههههاي..

هههههههههههههههههههههههههههههههههههههههههههههههههه هههه حلوه شوفة نفس لا بنت عمي وربي مسكينة هالدياية اذا شتفي المقظع بتغرين تخصصها ودور على عالمقطع مالقيته يمكنه بتلفوني الثالث يمكن مع اني كل بين فترة اشوفه بالصدفة والحين يوم ابيه ضاع

بنت عمي بسوي لج مفاجأة عاد انتي وحظج انا حظي مو شي خنشوف حظج صارلي مدة احاول وتو مساع نجحت بالمحاولة بس عاد يبيها شوي وتضبط لاني راح انكشف

الحين بحطلج البومي فيه ثلاثة حفلات غنائية هههههههههه ابصوتي وذيج المرة عطيتني 5 من عشرة الحين بعيد الامتحان يمكن انجح ههههههه بحطه وباجر او اليوم بالليل بحذفهم تراني معجب ابصوتي هههههههه




سواها قلبي غير متواجد حالياً   رد مع اقتباس
قديم 10-17-2020, 06:21 AM   #8
سواها قلبي
Senior Member
 
تاريخ التسجيل: Apr 2015
المشاركات: 6,584
افتراضي

Xxxxxxxxxxxxxxxxoooooooooooooooo#######

التعديل الأخير تم بواسطة سواها قلبي ; 10-17-2020 الساعة 06:28 AM
سواها قلبي غير متواجد حالياً   رد مع اقتباس
قديم 10-22-2020, 02:41 AM   #9
سواها قلبي
Senior Member
 
تاريخ التسجيل: Apr 2015
المشاركات: 6,584
افتراضي

الحمدلله لقيتها ابتلفوني السابع


هذي الدياية بس شوفي الدرس سبحان الله هذا رايي انا

بعد ما افقدت واحد كملت حياتها ولا جنه صاير شي يعني جنها تقول اللي كاتبه ربي بصير بصير

انا احترمها هالدياية








سواها قلبي غير متواجد حالياً   رد مع اقتباس
إنشاء موضوع جديد إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:27 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir