العودة   منتدى زين فور يو > ღ◑ منتديات زين فور يو الأدبية ◐ღ > منتدى الشــعــر والخواطر
 
 
إنشاء موضوع جديد إضافة رد
 
أدوات الموضوع انواع عرض الموضوع
قديم 10-14-2015, 10:50 PM   #1
سواها قلبي
Senior Member
 
تاريخ التسجيل: Apr 2015
المشاركات: 6,582
افتراضي قصيدة تطوير الذات بدون دورات

👑 قصيدة تطوير الذات بدون دورات

يامطورين الذات بحثاً عن الذات
انا بعد طورت ذاتي بذاتي
لأنني غيرت روتين الاوقات
ولها السبب قدرت اغير حياتي
ماعاد افكر بالسنين القديمات
ولاشيل هم سنيني المقبلاتي
اللي مضا ماهوب راجع بعد فات
والجاي يمكن قبله الموت ياتي
يعني اعيش اليوم واليوم ساعات
واللي يبي الراحه يسوي سواتي
العمر رحله والليالي محطات
والموت رمحه مثل رمح الزناتي
اثري من أول عايش في متاهات
ومقزر عمري على ذكرياتي
لكن بلا تعقيد واحزان واهات
قررت الملم مابقا من شتاتي
وعملت في نفسي شوية اصلاحات
واصلاحي لنفسي على نحو اتي:
بنيت في صدري مساجد وروضات
وقمت اتهجد يوم غيري يباتي
وحفظت من فضل الولي عدة ايات
وجلت غبار الحزن والاغنياتي
وسويت فلتر للهواجيس بالذات
والحزن داخل سلة المهملاتي
ورتبت بالترتيب بعض الملفات
وحطيت بالرف القريب امنياني
وركزت في وقتي على الأولويات
والأول الأهم عندي صلاتي
واثنين بالاثنين بر ومرضات
بابوي وامي سلوتي مع غناتي
والثالث الاحسان مع المساوات
لعيالي الغالين ويا بناتي
والرابع امشي ماحسبت المسافات
لان السفر ألقابه اجمل صفاتي
وخمسه حرمت الذات بعض الملذات
والاتزان اصبح سمه من سماتي
والحمدلله عايش في سهالات
متريح بالي ولاعاد احاتي
يعني كذا ماني بحاجه لدورات
في عقلي الباطن أو ايحاء ذاتي
انا فقط محتاج رب السموات
يغفر لي ذنوبي بساعة وفاتي

🌹🌹🌹
سواها قلبي غير متواجد حالياً   رد مع اقتباس
قديم 03-03-2016, 10:43 AM   #2
نجد
Junior Member
 
تاريخ التسجيل: Mar 2016
المشاركات: 12
افتراضي

انا فقط محتاج رب السموات
يغفر لي ذنوبي بساعة وفاتي


الله يرحم لنا جميع ويغفر لنا ذنوبنااا..

صح لسسسسسانه وصح نقلك سواها قلبي ..

الابيات جميله وتعبر عن التحول اللي قدر يوصل له بنفسه ومن دون اي مساعده سوى اعادة ترتيب نفسه وحياته ..

اسسستمر،
نجد غير متواجد حالياً   رد مع اقتباس
إنشاء موضوع جديد إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:25 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir