بھديك بيتين شعر وانت تستاھل

[نجد2]

يووووه ي مشعلاني والله انا شكلي اللي صاير لي الحادث مررره مااتذكر سالفه الادمن ورجعت ادور بالصفحات ماشفتها بعد..

المهم اسفه اذا تشوفني متغيره بس م اعرف الصراحه يمكن عقلت هههههه امزح امزح بس ماادري اذا متغيره او لا يمكن مجرد احساس عندك..

وانت اذا سالفه الادمن هي الذنب ي زين ذنوبك كيوت مرره هههههههه

وبعدين مشعلاني انا ما اذكر زعلت منك واصلا مستحيل ازعل منك احد يزعل من نفسه؟؟ الله يهداك بس..

وسوالفك هي المتنفس الوحيد لي لاتقول تذكرت سوالفي ومالها داعي ومن هالحكي لانك تستهين بشي يفرحني ويغير لي جويي..

وارجع اقول سسسسسسولف للصبح ترى ماجيت للمنتدى ادور شي جيت عشانك انت اذا بتسكت وين تبيني اروح؟؟



احس كلامي خثاريدز ع قولة مدري منهم بس يعني احس خرابيط مو مفهوم بس ان شاء الله يكون مفهوم..


مممممم مدري شقول بعد بس طمني عليك كيف امور العلاج وشنو خطتك الحين وصرت تمشي تمام وكل شي؟
وسبجاااااو شخبارها، ماحسدت حد كثرها..

[سواها قلبي]

وسبجاااااو شخبارها، ماحسدت حد كثرها..

هههههههههههههههههههههههه اهي تسلم عليج وبعدين المفروض تشكرينها لولا اهي ما سمعتي صوتي وانا اغني عليها يا سبجاووو

والحمدلله انا ابخير ونعمة من الله سبحانه وتعالى تغلبت عالخوف وصرت اطلع الحين واهيم بالشوارع ابروحي واذا صارت طلعة شاليه او لجبد ما اخليهم يمروني ولا امر على واحد ابي اطلع ابروحي وجذي الساعة تسع وشوي كان برق وسمعت الرعد وطلعت اتمشى وطق مطر ولله الحمد ومريت البانزين والحمدلله والشكرلله خلاص رجع مشعل مثل ماكان امشي ولا جني فيني شي

وهالايام كله طايحين ابجبد وناسة سوالف واذا يت الساعة 11 نروح للمزاد نقعد بالخيمة وتصير مواقف ونضحك بس اشوي بنزلج مقظع انا امصوره وجزء من جسمي طالع عاد من حلات الجسم هههههه

استغفر الله بس نطنز اليوم لما بقيت اطلع يوم طق المطر مديت ايدي باخذ الغترة والعقال تذكرت موقف بالمزاد وماقدرت اسكت من الضحك ادري بطول بالسالفة بس تحمليني

لما ينزل جهاز او اي شي يقعد يغرينا ابمواصفاته وفي واحد شايب يضحكنا اذا خلص من الشرح قال

جم فتح الباب محد رفع ايده فيقعد يكرر جم فتح الباب جم فتح الباب وبعدين بقول يا ناس ساعدوني عاد انا شقول حق واحد من الربع اقوله تخيل واحد سكران وحاط غترته على جتفه والزقارة على جنب ويقوله ويسمعه يقول يا ناس ساعدوني ويقول ب 50 دينار الشايب بيستانس ويكرر 50 50 50 ويرد عليه السكران 80 هههههه طلعنا من الخيمة من كثر ما نضحك وفشلة اكثر الشباب يطالعون فهذا اللي تذكرته اليوم وقعت اضحك

الحين بدور المقطع وبنزله

[نجد2]

هههههههههاي بهذي صادق شششوكرياااا ششششوكريااا سبجاوووووو الحلوه لانك سبب بسعادتي وبسلامة مشعلاني..


والله يبشرك بكل خير ع هالاخبار الحلوه وعساك بعافيه دووووم ي رب ويزيدك من فضله..


ب50 50 اجل هههههههههههاي ي اخي من جد ابي وياك بهالسوالف اللي تقولونها جوكم رايق شلون الاقي ناس زيكم ونيسين ماشاءالله..



يلا يلا الحماااااس الف رغم التعب البوم كان عندي اختبار والحمدلله هه هه نشوف الدرجات ليا طلعت ان شاء الله..

بس الحمااااس الف للمقطع تبعك يلا ترى احتريه لاتبطي علي مشعلاني

[سواها قلبي]

ههههههههههههههههههه

بحطج المقطع بس تراه جزء ازغيرررررررررررر اللي طلع وبعدين تعالي الاختبار هذا شنو انتي بالجامعة ادرسين ولا شنو هالاختبار وان شاء الله يارب اتنجحين واذا ما نحجتي لا قدر الله بعد هذا اللي الله كاتبه لا يضيق خليج الحين انا عندي واحد من الربع بنام عندي وبحط المقظع وبعدين بكمل

[سواها قلبي]

ترا بس جزء من دشداشتي


المشكلة رفعته بس مو راضي يشتغل


https://4.top4top.net/m_14297n8c21.mov

[نجد2]

هههههههههههههههاي صغير ولاكبير خنشوفه

لا وين الجامعه مخلصينها من زمااااان هذا تبع الكفايات الخاص بقياس المعلمين اختبرته مرتين ونفس الدرجه 76والحين بعد اختبرته ع امل ارفع الدرجات..

مممممم زين يعطيه العافيه صاحبك وننتظر التكمله..

[نجد2]

ههههههههههههههههههاي لو اشوفك ضربتك حسبالي بتبان انت ولا جزء من وجهك شي شيات اخر شي دشداشتك لا ونص الفيديو طرف دشداشه وزوليه سدو ههههههههههه لالا انا اطالب بتعويض حالا بالا من الضرر النفسي اللي لحقني من هالفيديو ههههههههههههاي

[سواها قلبي]

المشاركة الأصلية كتبت بواسطة نجد2

ههههههههههههههههههاي ولا جزء من وجهك شي شيات اخر شي دشداشتك لا ونص الفيديو طرف دشداشه وزوليه سدو

على حسب درجتج ومو معقوله ماخذه 76 وبتاخذين الاجزاء كلبوها ما يصير يبه ان شاء الله اذا يبتي 100 بالمية بصورلج الجسم كله بس وهيي لا لانه عوره وبعدين تعالي انا حاولت اشوفه بس مو راضي يطلع عندي ليش مادري انتي تبارك الرحمن وصفتي حتى الزولية يعني طلع معاج

انزين ما علينا الحين انتي مدرسة ولا شنو واذا اطلعت النتايج بشريني زين والله ويفقج يا رب

ب50 50 اجل هههههههههههاي ي اخي من جد ابي وياك بهالسوالف اللي تقولونها جوكم رايق شلون الاقي ناس زيكم ونيسين ماشاءالله..

انتي هم عندج ربع وكاني انا معاج من زمممممان بالمنتدى هههههههههههههههه انا والربع والحمدلله متفاهمين ماكو حقد ولا حسد ولا زعل اقلوبنا بيضه وكلبونا ايد وحده و 99.99 بالمية مانطلع الا لما العدد يكتمل ولما اتسمعين عن ربع مستانسين وكله ضحك لازم اتعرفين ان من بينهم واحد دمه خفيف احم احم وواحد معاهم امصرقع والحمدلله كلبوهم اهل صلاة ولازم الصلاة بالمسيد ولا ما اطلع معاهم اكثر المواقف المضحكة اتصير صدفة وبعضها لا نتفق عليها وكل طلعة تكون احلى من اللي طافت
اليوم دق علي واحد من الربع وقالي خنروح للسوق بشتري بخور رحت معاه للمحل اللي اهومتعود يشتري منهم وانا احب المصريين بس شوفي اشلون ابينصب علينا قاله عطني هذا قال حاضر دي علبة والعلبة التنية مجانا قاله ابجم قال المصري 24 دينار انا ضحكت وقلتله اشلون يعني بتقص علينا معقولة قاله رفيجي انا كله اشتريها ب 12 دينار عرف انه صدناه قال المصري لا دا كان عرض على طول عطاج الجواب ههههههههههههههه قلتله اخوي لا تضحك علينا انت بتبعنا العلبتين مع بعض وبتنصب علينا عطنا وحده ويلا فمان الله عاد اخذناها ب 12 دينار عباله احنا مانفهم
وبنفرح بالهدية

[نجد2]

هههههههههاي اجل مابشوف حتى طارف اظفرك ي ابوي هههههههه انا اذا وصلت 80يعتبر انجاز لي هالاختبار اسمه قياس تعجيزي مررره والسبعين ترى مررررا متفوقه اعتبر غيري سنين للحين مااجتازوه والاجتياز 50٪..


وبعدين شكو وجهك عوره ترى ماعرفنا لك هههههههه اخاف تطلع تتحجب بعد وانا ماادري..




مممم لا انا مو مدرسه بس احاول الاقي تعيين بالتدريس وحاليا اشتغل بالقطاع الصحي بس دوامهم مرره مخربط وشفتات وقلق هالشي احس مااشوف اهلي ابد ولا اقدر اروح اي مكان لان الدوام 9 ساعات وكرررررف حيل ومااصدق ارجع انام وليا صحيت ارد للدوام وهكذا حياه بائسه


بس الحمدلله انا قلت بتمسك بهذي لغاية مايجي لي نصيب بالتعليم والتعليم يعتمد ع قياس ودرجته عان كذا كل سنه تقريبا اعيده بس سنتين مرت نفس الدرجه هالمره بنشوف..



ممممم انت تقريبا كل ربعي ترى ربعي اغلبهم زملا عمل يعني ماالاقي اللي كيفي وجوري والاغلب مرره تفكيرهم سطحي وانا مااحب اللي كذا تلاقي كل سوالفها وهمها شنطه ولا جزمه الله لايبلانا مرات احس مخي جنب مخهم مخ عجوز بس مدري عجزت اتقبل اجلس مع ناس كذا.. .. يعني مالي ربع اضحك من قلب وياهم ويتفقدوني واتفقدهم.. فيه انت ووحده قطعت عني فجاه وحاولت اتواصل بكل اللي اعرفه عنها وماقدرت طبعا سبحان الله هي بعد كويتيه وراعية ضحك ووناسه وقلبها ابييييض .. الله يسعدها ويسعدك دنيا واخره...

يعني انت ربعي كلهم..

المهم انتبه لروحك مشعلاني

[سواها قلبي]

هههههههههاي اجل مابشوف حتى طارف اظفرك ي ابوي هههههههه انا اذا وصلت 80يعتبر انجاز لي هالاختبار اسمه قياس تعجيزي مررره والسبعين ترى مررررا متفوقه اعتبر غيري سنين للحين مااجتازوه والاجتياز 50٪..

ان شاء الله تتفوقين وحاولي وحاولي ولا تياسين خلج مثلي انا كنت كله اخذ صفر بالاملاء بالابتدائي وكل ما يعطينا املاء اخذ صفر وما ياست ابد وحاولت وحاولت لما اخذت مرة من المرات 3 تحت الصفر دخلت موسوعة غينيس وقالي ناد ابوك وعلتك كلبوهم انا يئست منك انا عاوز اروح مصر ومن باجر الوالد الله يرحمه وعمامي ثمانية ولد عمي ابوي وولد خالته ونسيبنا عند الناظر انا مكلم كل واحد ابروحه وترجيته ان مدرسينا افلان يبيك باجر الساعة 8 الصبح الناظر نادى المدرس ودخلت انا معاه عالناظر والناظر مايدري شالسالفة ههههههههههههههه جيش قاعد عنده المدرس يسالني فين ابوك قلت هذا ابوي وهذولا عمي افلان وهذا عمي افلان ووووووو وهذا نسيبنا وهذا ولد خالة الوالد يقولي المدرس انا ألتك جيب ابوك قلت لا استاد انت قلت ناد ابوك وعلتك كاهم جدامك المدرس من داخله وده يزنطني عاد قالهم اني اضعيف بالاملاء ولازم تشدو عليه وراواهم اخر امتحان وقال انا عاوز مصلحته باجر ابيكبر وبصير وزير وميعرفش يكتب والناس بتضحك عليه عاد اهو حاط بالامتحان صور حيوانات كل زوجين مع بعض يبنا نكتب اسمائهم ومن بين الصور هذي





انا كتب ديج ودياية عصب علي هاد التلاميذ كلبوهم وواقف على راسي اي دئ قام وحط خط عالدياية والديج وقالي اكتب ديك ودجاجة قالها بالمصري يعني بقششني وانا على طول كتب ديك ودgاgه

خنكتبها لج بالانجليزي عشان تفهمينها dgaga الناظر يضحك والوالد وعمامي يضحكون على كلامي وانا اقول اهو بكحلها عماها انا كاتب دياية صح واهو يقولي لا اكتب ودgاgه اقولهم ابوي وامي امعلميني انها دياية وانت علمتني غلط والتفت عالوالد واقوله مو صح دياية قالي الله يرحمه روح للصف روح لا اتبرأ منك هههههههه

وبعدين شكو وجهك عوره ترى ماعرفنا لك هههههههه اخاف تطلع تتحجب بعد وانا ماادري..

ههههههههههه لا بس حالق شواربي

مممم لا انا مو مدرسه بس احاول الاقي تعيين بالتدريس وحاليا اشتغل بالقطاع الصحي بس دوامهم مرره مخربط وشفتات وقلق هالشي احس مااشوف اهلي ابد ولا اقدر اروح اي مكان لان الدوام 9 ساعات وكرررررف حيل ومااصدق ارجع انام وليا صحيت ارد للدوام وهكذا حياه بائسه

وربي الله يعينج عالدوام تسع ساعات شدعو وعاد ياشين هاشفتات الواحد يتخربط نظام نومه وما يقدر حتى يطلع ما عليه تحملي وهذا رزقج

بس الحمدلله انا قلت بتمسك بهذي لغاية مايجي لي نصيب بالتعليم والتعليم يعتمد ع قياس ودرجته عان كذا كل سنه تقريبا اعيده بس سنتين مرت نفس الدرجه هالمره بنشوف..

عبالج التدريس زين هم بتعانين فيه اكثر من شغلج بالمستشفى كل يوم والثاني ام مشتكية عليج ليش اتصاريخ على بنتي واهي بالبيت سب ولعن وطق ابنتها ويمكن بعد الام تشرب زقاير امسوي نفسها ربة بيت بدور لج مقطع لام زايرة مدرسة بنتها بس ان شاء الله ما انسى

هي بعد كويتيه وراعية ضحك ووناسه وقلبها ابييييض .. الله يسعدها ويسعدك دنيا واخره...

اللهم جميعا الله ذكرتني اب وحدة معانا بالمنتدى بنت الكويت يحليها من زمان عنها اذكر اخر مرة قالت لي عندها ثلاث صبيان واول ما ادخلت المنتدى ما انساها ابد حاطة صورة وحدة اتشابها مع لاعبين النادي العربي تقول خليت امي تشوف الصورة وزفتني عبالها انا من كثر ما تشابهني عاد البنت اللي باصورة شعرها اقصير وحلوه يحليها رجعتي ذكرياتي لي ورا عاد اهي تمدحج واتحبج وايد الحين تقول اشدراك انها تحبني انا ادش المنتدى واقر شنو تكبت يبه بنت عمي كانت اتراسلني عالخاص وكانت اتسولف معاي وكل اسرارها عندي ومن بين السوالف انها تقولي انج خوش بنت وتحبج وعددت لي جم واحد بالمنتدى وسبحان الله تزوجت والظاهر انها انشغلت مع زوجها وعيالها الله يسهل دربها ودربج وادري اني اليوم طولتها كل يوم اقري سطر هههههههههه