![]() |
![]() |
![]() |
#211 | |
Senior Member
تاريخ التسجيل: Apr 2015
المشاركات: 6,900
|
![]() اقتباس:
11 11 11 11 وايد هههههههههه والحمدلله طلعتي مو زعلانة وانا ولله الحمد احسن ابواااااايد من اول الحين قمت امشي ومحد يمسكني وطلعت الشارع ومن فرحتي مشيت ودشيت ابيت جيرانا بالغلط وبقيت انطق شفتي الياهل اذا يابله ابوه سيارة وركبها واهو فرحان ورايح على طول للباب ويدعمه انا مثله هههههه ومشكورة بنت عمي عالدعاء وماقصرتي وشدعوا يبا ازعل منج وبعدين انا ليش شكيت انج زعلانة لاني اسولف وايد واكيد بتفهمين كلمة من سوالفي غلط مع اني على نياتي وربي ما اقصد شي وانا كنت شاك ابجملة قلتها اهي اللي فهمتيها غلط وعشان جذي عبالي زعلتي وانتي سوالفج معاي كلها كلمتين ومع السلامة ماشية عالمثل اللي يقول خير الكلام ما قل ودل هالمثل هذا مايمشي معاي بس اهم شي مازعلتي لا يقص عليج ابليس حطي بالج تراه يبي الفتنة |
|
![]() |
![]() |
![]() |
#212 |
Senior Member
تاريخ التسجيل: Apr 2016
المشاركات: 195
|
![]()
الحمدلله ي رب وعقبال ما تركض ركض ان شاء الله..
تدري عاد الحين خليتني افكر شنو الجمله اللي شاك فيها.. يعني اذا بتقولها لي بتختصر علي البحث واذا ماتقولها الله يعيني ادور عليها واسالك اذا هي او لا... |
![]() |
![]() |
![]() |
#213 | ||
Senior Member
تاريخ التسجيل: Apr 2015
المشاركات: 6,900
|
![]() اقتباس:
اقتباس:
اهو حلاتها ما اقولها عشان انسولف هههههههههه واخاف اقولها تنتهي الحلقة صبر اشوي وخنشوف ونفكر انا بجرب لج عاد انتي وشطارتج بعطيج فرصة اهو مثل ما اقدر اوضح اكثر من جذي واكيد واكيد بتعرفينه بس اعتمدي على الله ثم ذاكرتج يعني لا تقرين الردود |
||
![]() |
![]() |
![]() |
#214 |
Senior Member
تاريخ التسجيل: Apr 2016
المشاركات: 195
|
![]()
افااااا اجل اعتمد ع ذاكرتي هاه.. الصراحه ذاكرتي خانتني ف يلا قول الجمله خنشوفها وماراح تنتهي السوالف شدعوه..
التعديل الأخير تم بواسطة نجد2 ; 10-22-2019 الساعة 12:36 AM |
![]() |
![]() |
![]() |
#215 |
Senior Member
تاريخ التسجيل: Apr 2016
المشاركات: 195
|
![]()
عفيه مشعل وينك شهالغيبه كل يوم اطل ع المنتدى واقول اليوم يرد بس للاسف ماكو رد خير شر.. ليش الغيبات هي مشعل.. انت وصلت للحلقه الاخيره ماعاد سولفت ابد..
طمني عليك اذا قدرت باسرع وقت |
![]() |
![]() |
![]() |
#216 |
Senior Member
تاريخ التسجيل: Apr 2015
المشاركات: 6,900
|
![]()
السلام عليكم ورحمة الله وبركاته
اشلونج بنت عمي وعساج ابخير يا رب ومادري شقولج بس الوقت اقصير وبكتب كلمتين وبقيب ثلاث ايام توني واصل الديرة من رحلة علاج بعدين اقولج عذري ويارب اتقبلينه وتعطيني علامة كاملة ههههه فمان الله صج |
![]() |
![]() |
![]() |
#217 |
Senior Member
تاريخ التسجيل: Apr 2016
المشاركات: 195
|
![]()
وعليكم السلام ورحمة الله وبركاته
انا زينه انت شلونك والحمدلله على السلامة مشعل مسموح بس طمني عليك امانه |
![]() |
![]() |
![]() |
#218 | |
Senior Member
تاريخ التسجيل: Apr 2015
المشاركات: 6,900
|
![]() اقتباس:
الربع متواعدين بيروحون لجبد وهذي منطقة فيها جواخير وبعض الناس كاتب لافته استراحة افلان ههههههه مستحتي وان دشيتي عنده فاحت ريحة الغنم واذا مو عنده بتفوح من جيرانه ماكو فايدة حتى في واحد انعرفه مرينا على جاخوره وشفنا كاتب استراحة افلان رحنا لخطاط وقلنا له اكتب جاخور افلان وخذينا اللافته مالته وحطينا لافتتنا وبعد جم يوم شال اللافته وكتب استراحة افلان وهم غيرناها لجاخور افلان واهو مايدري منو اللي يغيرها وقعدنا على الحالة 8 شهور مل الريال شنو سووا حط اللافته استراحة افلان وربط الجلب ابعمود اللافته عاد جلبه اقشر احنا انراقبه من ابعيد كل يوم وبكل وقت ومرة من المرات فكه ابيعطيه اكله وبغسله ويوم طلع بربطه ولا مكتوب جاخور افلان هههههههههههههه بعدها اب جم يوم غير اللافته وربط الجلب وقام يغسله ويعطيه اكله تحتها ومرت الايام مرينا على جاخوره ومعانا جلبه نثيه انثول الجلب ماله لما شافها نزل واحد من الربع واخذ الجلب وربط ابمكانه حمار وغير اللافته وكتب عالحمار كنت جلب ادري اني طلعت عن السالفة بس هذي مقدمة عشان اذا قلت لج عذري بقوله بدون شرح ههههه يالله عاد صبري هذي الحلقة الاولى |
|
![]() |
![]() |
![]() |
#219 |
Senior Member
تاريخ التسجيل: Apr 2015
المشاركات: 6,900
|
![]()
خنقولج السالفة كنت بفاجئهم وبروح قبلهم لجبد قلت للسواق روح خذ السيارة وفولها بانزين ويوم طلعت لقيت التاي امبنجر قلت للسواق حط السبير خنروح ويصير خير بعدين ورحت فوق بعد نص ساعة نزلت والسيارة اوكي ركبت واول مرة اسوق بعد الحادث حاشتني نفاظة وقمت ارجف وخايف جني اول مرة اسوق ريلي اليمين وصلت للسكان وبعدين زادت الرجفة وصلت ريلي للمنظرة اللي يشوف فيها السايق وعلى طول صكيت الدريشة وقفلت السيارة خفت انها تطلع برا واقعد بالسيارة بدون ريل انا عبالي مستانسة وقامت اتناقز وبيني وبين نفسي اشغل لها اغنية اخيلها تستانس لا حرام الاغاني قمت اهديها واقولها يابنت الحلال خلاص انتي اول مرة اتروحين لجبد خلينا نسوق المهم قمت افر بالمنطقة هههههههه لما راح الخوف مني ومسكت الخط وقلبي قام يرقع خط سريع قمت اشجع نفسي وصار الشي طبيعي وانا بالطريج اسمع صوت كلشوي يزيد ولما زاد حيل هديت السرعة ورحت على طول لبنجرجي قلت الصوت اهنه وصار معاي بنجر وغيره السواق تمقل بالتاير3 دقايق انا قلت الحين بقطله الرقم جان يلتف علي وقالي احمد ربك ما انقلبت قلتله ليش شسالفة قال كل البراغي مفتوحه الا واحد بس اهو اللي مضبوط شوف هالبرغي فره بصابعه والثاني والثالث والرابع قلت الحمدلله ومسكت البرغي بيدي حتى الياهل اللي توه مولود عمره شهر يقدر يفكه بيده لا هذا ما يقدر يغير حفاظته اشلون يفكه لا عمره ست سنوات يقدر يفكه بعدين حركت ورحت لبجد ودشيت الجاخور وقلت للربع تراني بالجاخور لحد يمرني البيت
هذي الحلقة الثانية هههههههه ترا الحين بروح لجبد وبقيب يمكن الاحد ان شاء الله برد دعواتكم لي وليس علي هههههه |
![]() |
![]() |
![]() |
#220 |
Senior Member
تاريخ التسجيل: Apr 2016
المشاركات: 195
|
![]()
لا اله الا الله
شهالسالفه مشعل انت شفيك ماتبي تترقع اصبر لين تتعافى بشكل كامل تالي روح وتعال.. الحمدلله انها عدت ع خير وانتبه لروحك ووين خالك غريبه عديت من يدينه هالمره اهو والافريقي اللي تقول دايم.. |
![]() |
![]() |
![]() ![]() |
|
|
![]() |
![]() |