بھديك بيتين شعر وانت تستاھل

[سواها قلبي]

حرررررررام عليكم شهالقلوب المسكين واثق فيكم وهاذي تاليتهااااا افااااا ..

شنو حرام علينا حرام عليج انتي ظلمتينا واهو اللي امشتتنا نزل المطار واحنا سافرنا لدبي عشر ايام ما شفنا اهلنا خايفين منه هذا ظالم وقبله مافيه رحمة هذا ما رحم ربعه اشلون باجر بصير وزير

وبعدين بنت عمي هذا يزانا طلعناه ريال هذا لو داش عسكرية جان امسحو فيه الارض
الحين قام يعرف كلشي بالسفرة هذي تعلم الرجولة تعلم التقشف واشلون يعيش ابديرة غير ديرته واشلون يتعامل مع الناس اللي مو من ديرته اكتسب لغة الاشارة هههههههههههههه عاد اهو عربي زين يتكلم

حرام علينا اشلون هذا باجر بيتزوج وبقول لعياله اذا اكبرو

انتو عيال هالوقت ما منكم فايدة ما تعتمدون على انفسكم ما تشوفوني انا سافرت لاندونيسيا اب روحي ونا ما اعرف شي اعتمدت على نفسي الجلب يجذب عليهم واحنا اللي امسوين فيه الدقه وحاجزين له

شفتي عالاقل لقى شي يسولف لعياله واحفاده اذا تزوج عاد انتي من صجج ابنطر عياله يكبرون عشان يجذب عليهم لا يبا اذا بدا يتكلم ولده بعلمه ترانا احنا اللي حجزنا لبوك الاندونيسيا وجذي وجذي وجذي من صف اولى ابتدائي لي ثانية متوسط بحفظهم القصة اعرفه بسوي روح بطل جدام

لو هو يعرف بهالامور عادي بس مسكين مايعرف شي رحمته والله

شوفي بنت عمي احنا حجزناله التذاكر روحة ورده والفندق والتكسي اللي استقبله يعني مابقى الا انزوجه هههههههههه يعني ما ظلمناه بعد اشيبي

تدرين اشلون صار الصلح باجر بقولج ان شاء الله الحين بروح اقرا جرايد

[سواها قلبي]

اوين تخربون عليه حتى لعياله الله يعينه عليكم ههههههههههههههههه

الصراحه ماقصرتم وفرتوا له كل شي شرايكم تسسوون فيني مقلب شهر شهرين ابد مابسوي لكم مشكله ولا بخليكم تروحون دبي من الخوف بسوي روحي زعلانه شوي وبرضى من روحي اعرف نفسي بس يلا انتم عزمووا وسووا المقلب فيني ههههههههههه


يلا انطرك تخلص الجرايد وتخبرني بقصة الصلح ولو اني احسكم سويتوا في مقلب ثاتي بوقت الصلح مالكم امان ههههههههه

ههههههههههههههههههههههههههههههه صج صج ضحكتيني وبقولج شي يمكنج ما اتعرفينه انا لي ربع امون عليهم حيل واندور اللي يعصب ابسرعة انحط عليه خلاص هذا كله نضحك عليه وهذا الشي متعارف بين الشباب واهم صفه انه مايزعل يعني يشد الغشمرة

انا ماني جاذب عليج مرات يحطون علي بس كله اضحك وانا من داخلي معصب ههههههههههههه مابي اصير اضحوكه عندهم عارف السياسة زين ما ابين لهم اني متضايق من هالموقف طوفه وجنه ماصار وفي بعض الربع ابسرعة يعصب ويروح للبيت يغيب يوم يومين واذا يئ رديناه لأهله مره ثانية هههههههههههههه زعلان

وسالفة الصلح تراها صعبة مو عبالج سهلة خطننا لها ونجحنا ولله الحمد وسالفة اندونيسيا محد يعرفها من الربع بس احنا الاثنين والمجني عليه هههههههههههههههههههههه خو ما نقدر نقول نخاف يصير له شي ونروح فيها واهو ماقال لحد لانه ابنفضح وبضحكون عليه فماكل تب وخانس ههههههههههه وكل ما يئ للربع سوالف عادية واهو عرف ان محد يدري هههههه وكل ما سالهم وينهم قالوله زعلانين عليك سمعو انك يايي الدواينة طلعو هههههههههههههههههه الريال صدق ومرة دش علينا الشاليه فجأة لانه قال ماني رايح معاكم عندي شغل الملعون جذاب دش علينا وسلم واحنا ما ردين عليه قمنا ابنطلع ولحقنا

مسكين وربي يقول شفيكم ماغلطت عليكم علموني شالسالفة هههههههههههههههههههههههههههههههههههههههههههههههههه هههههههههههههههههههههههههههههههههههه ماقلت لج مسكين وعلى نياته كل هالتمثيلية عشان ما يدفنا بالارض الحين بتشوفين اشلون انه مسكين وطيب

شفيكم قلنا له اتسووي نفسك ماتدري وغشيم كل اللي سويته وماتبينا نزعل شسوويت انا
خربت علينا السفره نطرناك اب مطار اندونيسيا ثلاث ايام واحنا ناطرينك بالمطار نتصل عليك مغلق اشغلتنا وخفنا نتصل على اهلك نشغلهم رحنا للفندق وكل يوم نروح للمطار اول سفرة تصير زفت

عارفة شنو سووا باس راسي وراس الخبل اللي معاي وقام يتاسف ويقول انا عبالي بالفندق واصلين قبلي وسالت عنكم الاستقبال مافهموني وكله قاعد باللوبي تحت جني رجل امن ادوركم واذا تعبت صعدت غرفتي

نقوله انت الوحيد من الربع اللي خرب علينا المزاج المرة الثانية خلاص مانبيك اتسافر معانا

وليومج هذا محد يدري عن السالفة بعد هذا ما منه امان خوفج يعرف الصج ويسووي فينا شي صج على نياته بس مينون بس زين صار ريال ويعتمد على نفسه

بنت عمي حلاته الواحد يسافر ابروحه عشان يتعلم مثل اللي يسافر لندن مع ربعه ويعتمد عليهم بالترجمة لو راح ابروح يصير بلبل وناسف عالاطالة

[نجد2]

ههههههههههههههههههه ي قلبي عليه والله مدري اضحك من تمثيلكم عليه ولا ابكي ع طيبته وبراءته بس يلا الحمدلله ماني من ربعكم هههههههههههه..


الله يسعدكم ي رب

[سواها قلبي]

بس بالله انتبه له

بنت عمي خننتبه لنفسي اول وبعدين اشوف غيري بقولج شنو صار معاي اليوم اول شي خنقول الحمدلله الحمدلله الحمدلله على سلامتي بقيت اروح فيها بس الله الحافظ

امس بالليل وصلت الدمام باخذلي شغلة وبرجع على طول تعال الصبح مضطر انام فنمت خصلت شغلتي الظهر وبرجع ولا زحمة مادري اشلون طق ابريك اللي جدامي فاجئني عاد مادري الهمزة على عصا ولا جذي صح اكتبها لج مرة ثانية فاجأني لا هذي غلط الاولى صح يوم طق ابريك انا الحين رايحله خلاص ومسرع طقيت ابريك وصلت يمه خلاص باقي شبر ودعمه وقفت سيارتي ياني واحد من وراي

جنه يقولي باقيلك شبر يالله ويدعمني من ورا عقالي ابصوب وتلفون ابصوب ثاني ونظارتي طارت والسيارة اللي كان بيني وبينها شبر بعد ما دعمني صارت المسافة متر ونص

اللي جدامي نزل وياني شافني مانزلت من السيارة وصل يمي وفتحت له الدريشة طالعني وانا اشر له بصبعي فيني دوخة وسالني فيك سكر قلته ايه ومن عشاي امس وماكلت شي للحين قالي بطلل الدرايش وخل المكيف مفتوح ياني المرور وقالولي بنيبلك اسعاف قلت لا لا صرت زين وانا اجذب عليه بمشي وراي طريج

الزبدة قعدنا ساعة ونص يالله خلصت واحنا واقفين صارت حوادث وتجمعنا كلبونا وكسر خاطري الهندي معاه اعياله سيارته تعورت

الحين المشكلة امعزم امشي خلاص امبرمج مخي عالروحه يعني مافي امل اهون ومازالت اعيوني فيها زغللة ويوعان قلت تدري خنورح المسيد اصلي العصر واشوف نفسي فيها حيل والحمدلله صليت العصر وياني صداع ومريت اشتريلي شي واكلت بنادول ومشيت


للحين وربي ماني متذكر الحادث اشلون صار كل اللي اذكره اني طقيت ابريك ونسيت ان واري سيارات عبالي ابروحي ولما دعمني اللي وراي اهتز راسي والحمدلله اني لابس احزام الامان

اخاف اسبكم او اخربط اعذروني اكيد مو ابوعيي ديروبالكم

[نجد2]

الحمدلله ع سلامتك وخطاك السوء

والحمدلله ربي ستر عليك وجات عوافي بس الله يهداك ليش مو نايم زين ولا ماكل شي من عشاك للصبح؟ ترى ليل الشتاء طويل يمديك جعت واحتجت تاكل شي

لازم تنتبه لروحك مايصير تهملها ي اخوي
ع العموم الحمدلله ع سلامتك ي رب

[سواها قلبي]

[quoteالحمدلله ع السلامه وسلامة الاسفار ماشاءالله تبارك الله
[/quote]

الله يسلمج بينت عمي

قول ربعك مايبون مرافقه لهم تسوي لهم قهوه او شاهيداو مرشده سياحيه اي شي ي شيخ بس اسافر وياهم حياتكم وناسه ماشاءالله عليكم..

الحمدلله انا تمام طمني عليك انت وكيف الدنيا وياك..

هههههههههههههههه المشكلة اللي معاي كلبوهم يتحملون المقالب الصعبة يعني اي واحد جديد ما يقدر يجارينا فخلج بالديرة احسن وبلاش سياحة هههههههههههههههههههه

تدرين بنت عمي يوم رجعت من كوالالبور رايحين لبوظبي الطريج جذي سبع ساعات حلو
راسي بدا يتحرش فيني ومتردد اكل بندول ولا لا قاعد اشاور نفسي قبل لا نروح للمطار بدقائق وبالاخير طعت نفسي وتخسبقت ههههههههه

ركبت الطيارة زاد الالم ويوعان وانا سامع المسكنات لازم تاكل قبلها ولا اتسبب مشاكل بالمعدة وزعوا علينا الاكل وانا كاره اكل الطيارة بس شسوي خايف يزيد الالم وبعدها يصير مالي خلق احد ا

اكلت وبعدها اخذتلي بندولتين وبقت وحدة معاي بالكرتون وكسرت خاطري الثالثة طول الرحلة معاي واخر شي اخليها ابروحها وين الشهامة والمروءة جان اقوم وابلعها وقلت لها روحي استانسي مع ربعج
حتى قالولها اشلون دخلتي بدون ماي اكيد عندج واسطة ههههههههه

الحمدلله انج متحملتني واسلوف على راحتي وان طولت وهذي صفة زينه فيج

نرجع لسالفة البندول وفي احداث صارت بالطيارة مع المضيفة وام .......... نزلنا مطار ابوظبي ساعتين وشوي وطير طيارتنا للكويت بدت معدتي اتعورني شوي شوي وزاد الالم واربع ايام ورا بعض الم وطعم اكل الطيارة وريحته مو رايحه وراي وراي خامس يوم راحت ههههههههههههه

وقررت خلاص كلما بقيت اسافر لازم اخذ معاي موز وتفاح ولا اكل اكلهم

المشكلة مو اهنيه المشكلة طلعنا لمنطقة جبد يوم الخميس وامس رجعنا / كان بينا اتفاق ماكو لا تلفونات ولا اي جهاز يدش الاستراحة تراها مو استراحة اهو جاخور كله غنم وحيوانات اليفه بس الاسم يفشل هههههههههههه وقامو الناس حاليا يقولون استراحة عبالهم ماندري

حتى واحد من الربع غير اللافة شال كلمة جاخور افلان وكتب استراحة افلان رجعت انا ومرزقوه الخبل يوم شفنا اللافة ونزلنا الديرة ورحنا سوونا لافة وحطينا فيها سهم ههههههههههه

يا ناس هذا جذاب هذي مو استراحة هذا جاخور وكله غنم وركبنا اللافته هههههههه ودشينا داخل وكل واحد من الربع يشوفها يضحك ويخزنا ههههههههههههههههههههه عارفين المجرمين وينهم

بعدين طلع وشافها وشالها من عرجها هههههههههه ماعليه طلعت عن الموضوع كالعادة هههه المهم واحد اول مرة ابيطبخ باجه ابحياته

هذا واحد من اللي سجنتهم بالشاليه ثلاث ايام تذكرين سالفتهم وكان مايحبها وكنت اعرف شنو اللي مايحبونه واشتريه لهم عشان يتأدبون هههههههه المهم انزلوا الديرة وشرو الباجة ورا صلاة العصر شفنا المفاجأة عالسفرة ماني ام طول عليج الزبده هههههههههههههههههههههههههههههههههههههههههه
من يوم اليمعة لليوم وانا لايعة جبدي من طبخته واحد من ربعنا طاح علينا بالليل وانا امس صدري الم فيه وزاد ورحت مشيت ساعة

تدرين شنو امسوي هالقوطي قفلنا علينا الغرفة واهو معانا وحذف المفتاح من الدرشية والدريشه فيها حامي حرامي وقال تاكلونها غصبا عنكم ولا موتو

قمنا انادي الهندي من الدريشة صديق صديق قال راح تتعبون اكلو وبلاش ازعاج انا اتصلت على تكسي وعطيته افلوس وقلت له ود هالهندي لاخوه بالديرة وباجر المغرب رجعه لنا هههه

انا خايف من الهبوط ويوعان حدي رحت واكلت وصار اللي صار طولتها مو صح ههههههههههه