جريمة قتل «طبيب الساحل» ودفنه بعيادته

[سواها قلبي]

الخميس 03/أغسطس/2023
- 02:24 م



هدد بنتي بصور وفيديوهات عارية.. والد المحامية المتهمة في قتل طبيب الساحل يكشف مفاجأة| خاص


قال والد المحامية إيمان، إحدى المتهمين في واقعة الدكتور أسامة صبور طبيب الساحل، رفقة المتهمين أحمد شحتة ومساعده أحمد.ف، إن ابنته وقعت ضحية لحبها وعشقها للمتهم أحمد شحتة، واللذين ربطتهما علاقة عاطفية لم يكن يعلم عنها شيئا سوى عقب وقوع الجريمة، ما دعاها لتلبية طلباته وتنفيذ أوامره، رغبة منها في خروج علاقتها الآثمة للنور والزواج رسميًا.

والد إيمان المتهمة بقتل طبيب الساحل
وأضاف والدة المحامية إيمان المتهمة في قضية طبيب الساحل، في تصريحات لـ القاهرة 24 أن ابنته تعرفت على المتهم أحمد شحتة عن طريق مركز طبي بمنطقة القليوبية، كانت تعمل به، ويرافقها فيه الطبيب أحمد شحتة، الذي أمضى فترة تدريبه الطبي به، ونشات بينهما علاقة عاطفية، إلا أن الطبيب لم يشأ أن يتزوجها رسميًا، وأخفى عنها زواجه من إحدى السيدات حتى تستمر العلاقة.

وتابع والد المتهمة في قضية طبيب الساحل، أن العلاقة استمرت لسنوات حتى أتى يوم الجريمة، وطلب المتهم أحمد شحتة من ابنته أن تهاتف الطبيب أسامة صبور، وتطلب منه الحضور مدعية مرض والدتها التي أجرت عملية في العمود الفقري، وحدثت لها بعد المضاعفات، دون إبلاغها بهدفه من الأمر، لكنها رفضت طلبه، فهددها بنشر صور وفيديوهات عارية لها، كان قد التقطها أثناء ممارستهما العلاقة في أيام ماضية، فوافقت على طلبه، وغادرت شقته، ولم تعلم شيئا آخر عن ارتكاب الجريمة، ولم تشترك مع المتهمين الأول والثاني في جريمة القتل أو دفن الجثمان.

https://www.cairo24.com/1842647

[سواها قلبي]

الثلاثاء 08/أغسطس/2023
- 12:39 ص



ننشر أمر إحالة المتهمين بقتل طبيب الساحل للجنايات | خاص


حصل القاهرة 24 على أمر الإحالة المتهمين بقتل طبيب الساحل أسامة توفيق في القضية رقم 7299 لسنة 2023 جناية الساحل رقم 21 لسنة 2023 حصر تحقيق شمال القاهرة الكلى.

ننشر أمر إحالة المتهمين بقتل طبيب الساحل للجنايات
وجاء في الأمر الإحالة أن المتهم الأول أحمد. ش32 سنة محبوس طبيب بشري بمعهد ناصر – مقيم بأبو حماد شرقية، المتهم الثاني أحمد. ف 27 سنة محبوس، والمتهمة الثالثة إيمان. م 28 سنة محامية في غضون شهر مايو من العام الجاري، وحتى يوم 15 يونيه 2023 بدائرة قسم شرطة الساحل بمحافظة القاهرة، حيث إن المتهمين الأول والثاني قتلا المجني عليه أسامة توفيق صبورا عمدا مع سبق الإصرار، بأن بيتا النية وعقدا العزم المسبق على قتله، وأعدا لهذا الغرض مقبرة وعقاقير مخدرة ونفاذا لاتفاقهما استدرجاه تحايلا إلى وحده سكنية حيث انتظره الأول بداخلها يتحين فرصه الإجهاز عليه، وما أن دلف إليها المجني عليه حتى تعدى عليه بأن حقنه بعقار مخدر أفقده الوعي، ونقلاه إلى المقبرة سالفة الذكر والبيان وأمعنا في إعطائه جرعات من العقاقير المخدرة، قاطعين سبل الحياة عنه، قاصدين قتله وأحدثوا به الإصابات الموصوفة بتقرير الطب الشرعي والتي أودت بحياته.

وشمل أمر الإحالة أن هذه الجناية قد اقترنت بجنايات أخرى وقدمتها، إذ أنه في ذات المكان والزمان، خطفوا المجني عليه سالف الذكر بالتحايل بأن استدرجاه المتهمين الثاني والثالثة إلى الوحدة لسكنية المعدة سلفا، بأن هاتفته الثالثة، وطلبت منه توقيع الكشف الطبي المنزلي على والدتها فتقابل مع المتهم الثاني الذي استدرجه إلى مكان تواجد المتهم الأول، وأبعدوه إلى مكان قصي عن بيئته وذويه، وهو الأمر المعاقب عليه بنص المادة 390 من قانون العقوبات فى فقرتيها 1 و2.

وتابع أمر الإحالة أنهما سرقا الهاتف المحمول ومبلغا نقديا والبطاقة الائتمانية المملوكة للمجني عليه سالف الذكر رغما عنه، بل قيداه وتعديا عليه ضربا وصعقاه بأداة صعق كهربائي فتمكنا بتلك الوسائل القسرية من بث الرعب في نفسه وشل مقاومته والاستيلاء على منقولاته الجاري بيانها وهو الأمر المعاقب عليه 314 من قانون العقوبات، واحتجزوا المجني عليه سالف الذكر دون وجه حق وعذبوه بدنيا بتقييده وتوثيقه وتعصيب عينيه وتكميم فاه وتقيد حركته داخل المقبرة آنفة البيان، وهو الأمر المعاقب عليه بالمادتين 280 و282 من قانون العقوبات.

قتل طبيب الساحل أسامة توفيق
وذكر أمر الإحالة أن المتهمون حازوا أدوات عبارة عن صاعق كهربائي وسرجة ووثاقا مما تستخدم في الاعتداء على الغير بغير ترخيص أو ضرورة حرفية أو مهنية، وقد وقعت جريمة القتل مع سبق الإصرار بقصد التخلص من عقوبات الجرائم آنفة البيان وذلك على النحو المبين تفصيلا بالتحقيقات.

وأكمل أمر الإحالة أن المتهمة الثالثة اشتركت بطريق الاتفاق والمساعدة في الجرائم سالفة الذكر بأن اتفقت مع المتهمين الأول والثاني على استدراج المجنى عليه سالف الذكر تحايلا إلى حيث مكان المتهم الأول وساعدتهما بأن أمدتهما بالعقار المخدر المستخدم في شل مقاومته وافقاده الوعى وقد وقعت تلك الجرائم نتيجة ذلك الاتفاق وتلك المساعدة على النحو المبين تفصيلا بالتحقيقات.
وأمرت جهات التحقيق بإحالة القضية الى المحكمة الجنائيات المختصة بدائرة محكمة استئناف القاهرة لمعاقبة المتهمين طبقا لأمر الإحالة وقائمة أدلة الثبوت ومؤدى أقوال الشهود وأدلة الإثبات المرفقين مع استمر حبس المتهمين احتياطيا على ذمة المحاكمة الجنائية.

https://www.cairo24.com/1844938

[سواها قلبي]

الأربعاء 09/أغسطس/2023
- 10:04 ص



اتجوزت المحامية عرفي من غير ورق.. ننشر أقوال المتهم بقتل طبيب الساحل| انفراد


يواصل القاهرة 24 نشر التحقيقات في قضية طبيب الساحل، بعد قرار النيابة العامة بإحالة المتهمين في القضية وهم الطبيب أحمد شحتة وصديقته إيمان المحامية، ومساعد لديه يدعى أحمد فرج إلى المحاكمة الجنائية بتهمة قتل طبيب الساحل أسامة صبور.

التحقيقات في قضية مقتل أسامة صبور طبيب الساحل
ينفرد القاهرة 24 بنشر نص التحقيقات في القضية والتي حوت أقوال المتهم أحمد شحتة المتهم الأول في قصية طبيب الساحل، وقال: أنا مواليد الشرقية وأبويا وأمي متعلمين ومن أسرة متوسطة الحال، وعندي أخين وأختين، ودخلت كلية الطب جامعة الأزهر في القاهرة، دفعة 2015، واشتغلت في مركز طبي في الجعافرة شبين القناطر في القليوبية، وهناك اتعرفت على إيمان صالح عشان هي كانت شغالة في المعمل، واتعينت ممارس عام، وبعديها قضيت فترة النيابة بتاعتي في مستشفى أم المصريين في الجيزة.

وتابع: قعدت حوالي سنة، وطول الفترة دي أنا كنت في تواصل مع إيمان، والعلاقة ابتدت تبقى عاطفية، ولما روحت معهد ناصر في الساحل اترقيت وبقيت أخصائي عظام، واتعرفت على مراتي وهي من أبو حماد، وحبيتها أكتر من إيمان وشوفت فيها زوجة مناسبة، وعلاقتي بإيمان كانت مستمرة لإني متعود عليها وبرتاح معاها.


وأضاف أحمد شحتة في التحقيقات: إيمان زعلت مني فترة لما عرفت إني اتجوزت، وبعدها اتصالحنا، وعلاقتنا فضلت مستمرة، وكنت شغال في البساتين، وفي شهر نوفمبر اللي فات كنت محتاج حد يشتغل في الموكز يقضي طلبات، وساعتها جالي أحمد فرج المتهم التالت في القضية، وقالي إنه عاوز يشتغل وشغلته معايا، وفي 2021 أجرت عيادتي اللي في الخلفاوي من واحد اسمه مهاب وهو مالك العقار.

وأوضح: فتحت عيادة خاصة بيا ورخصتها من نقابة الأطباء، ولسه مرخصتهاش من العلاج الحر، وشطبتها وسويت الأرضية، ولما كنت بشيل البلاط اللي متكسر أخدت بالي ان الأرضية هشة والمبنى قديم.

وتابع المتهم بقتل طبيب الساحل في التحقيقات: في غضون عام 2020 اتفقت أنا وإيمان نتجوز عرفي بس مكتبناش ورق، وأشهرنا زواجنا قدام مجموعة من أصحابنا، وكنت بنتقابل معاهم عادي في الخلفاوي، وأجرت شقة الوراق وفتحتها عيادة عظام تاني ليا ولسه مرخصتهاش.

https://www.cairo24.com/1845545

[سواها قلبي]

الأربعاء 09/أغسطس/2023
- 10:20 ص





قالي أنتِ مراتي قدام ربنا وعاشرني معاشرة الأزواج من 2017.. ننشر أقوال المحامية المتهمة في قتل طبيب الساحل| خاص


قررت النيابة العامة إحالة المتهمين الثلاثة الطبيب أحمد شحتة، والمحامية إيمان وثالث، بتهمة قتل طبيب الساحل الدكتور أسامة صبور عمدًا، لسرقة مبالغ مالية بحوزته، بعد دفنه حيًا داخل حفرة بعيادة المتهم الأول.

أقوال المتهمة في قضية مقتل أسامة صبور طبيب الساحل
‎يواصل القاهرة 24 على نص التحقيقات في قضية طبيب الساحل، وحوت الأوراق على اعترافات المحامية إيمان إحدى المتهمين

وجاءت أقوالها أمام جهات التحقيق كالآتي: أنا من مواليد شبين القناطر، وأنا شغالة محامية واتعرفت على المتهم أحمد شحته سنة 2014 لما كنت طالبة في كلية الحقوق في سنة تانية، عشان وقتها كنت شغالة موظفة استقبال في معمل التقوى والإيمان في الجعافرة، وفي نفس المكان ده كان شغال الدكتور أحمد شحتة طبيب طوارئ، وفي الوقت ده حسينا ناحية بعض بالقبول، وابتدينا نقرب من بعض أكتر لغاية ما ارتبطنا، وفضلنا على الوضع ده لغاية سنة 2017، على أساس إني لما أتخرج يتجوزني لأنه واعدني من ساعة ما ارتبطنا إننا نتجوز، لإنه كان بيتحجج أنه في بداية حياته، وبيكون نفسه.

وأضافت المحامية المتهمة في قضية طبيب الساحل في التحقيقات: وفي آخر سنة 2017 كان أحمد شحتة شغال في حضانات في شبرا الخيمة في الشارع الجديد، وقالي تعالي فيها عشان نتقابل فيها، وأول لما روحت له، قالي احنا عاوزين نتجوز قدام ربنا، يعني زي العرفي فأنا وقتها قولت له مش فاهمة قصدك، لكنه قالي طالما بنحب بعض مفيش حاجة تمنعنا عن بعض، فطاوعته، وقالي أنت مراتي قدام ربنا، وبقيت متعودة أروح له العيادة، ويعمل معايا علاقة جنسية كاملة، واستمرينا على الوضع ده سنين.

https://www.cairo24.com/1845548

[سواها قلبي]

الأربعاء 09/أغسطس/2023
- 11:58 م




قاتل طبيب الساحل في التحقيقات: خليت إيمان تستدرجه وأنا استنيته بالمخدر والإليكتريك | خاص


قررت النيابة العامة إحالة المتهمين الثلاثة الطبيب أحمد شحتة، والمحامية إيمان وثالث، بتهمة قتل طبيب الساحل الدكتور أسامة صبور عمدا؛ لسرقة مبالغ مالية بحوزته، بعد دفنه حيًا داخل حفرة بعيادة المتهم الأول.

‎واقعة مقتل طبيب الساحل
وحصل القاهرة 24 على نص التحقيقات في قضية طبيب الساحل، وحوت الأوراق على اعترافات الطبيب أحمد شحتة في التحقيقات، وجاءت أقواله أمام جهات التحقيق كالتالي:

‎يوم 20 مايو 2023 جات في دماغي فكرة إني أخلي إيمان تستدرج أسامة صبور طبيب الساحل، لأي مكان مفيهوش حد عشان لما ييجي هيكون معاه الدولارات اللي تقدر بحوالي 5 آلاف دولار، والمبلغ اللي هو معتاد حمله، ولما يوصل هكون أنا وأحمد فرج مستنيينه، وأنا هخدره عشان ميعرفنيش، وكده كده أسامة ميعرفش أحمد فرج، وناخد منه الدولارات اللي معاه، وباسوورد الفيزا ونسحب بالفلوس، ونسيبه ونهرب والفكرة دي جات عشان مصلحة كويسة مفيهاش مشاكل، وأسامة مش هيعرف يوصلنا ومفيش حد هيتأذي.

وأضاف المتهم بقتل طبيب الساحل: وقلت لإيمان وأحمد على الفكرة اللي جاتلي، وأحمد قالي تمام وإحنا ممكن نجيبه على الشقة اللي أنا مأجرها، وقلت لإيمان تكلم الدكتور رائد بمعهد ناصر، وتقوله إن اسمها مارينا غطاس، عشان هو فعلا عمل عملية لوالدة مارينا السنة اللي فاتت، واتفقنا تكلمه في الوقت اللي أسامة يكون فيه نبطشية مع الدكتور رائد عشان الدكتور رائد مش بيطلع كشوفات برة، وأحمد فرج هيقابله على أساس إنه هو قريب إيمان، وهيوديه للشقة اللي فيها والدتها اللي هي الحالة، وأنا كان عندي دفتر روشتات فاضي بتاع واحد صاحبي دكتور نفسي كان مديهوني، وكتبت في روشته منهم على دواء مخدر، وخليت إيمان تصرفه من صيدلية الإسعاف.

وأردف: وفعلا إيمان كلمت دكتور رائد يوم 3 يونيو 2023 وقالتله إنها محتاجة كشف منزلي، والدكتور رائد إداها رقم دكتور أسامة صبور، واتفقت معاه إنه يجيلها تاني يوم في الشقة اللي مأجرها في أبو وافية، والكلام ده إيمان حكيتهولي، وكلمت واحد صاحبي جابلي دوا مخدر بيخلي الشخص متخدر لمدة نص ساعة، وأنا في العيادة جبت عصير وحطيت فيه المخدر، وفتت قرص عقار بيفقد الوعي بنسبة 40% لكده 18 ساعة، وحطيته في العصير وطلعنا على الشقة وفضلنا قاعدين شوية، وأنا كان معايا إليكتريتك كنت واخدة من العيادة عشان لو الأمور تطورت أستخدمه مع أسامة.

https://www.cairo24.com/1845996

[سواها قلبي]

الأربعاء 09/أغسطس/2023
- 01:28 م



المتهمة بقتل طبيب الساحل تعترف: استدرجته للشقة وسلمته لأحمد شحتة والممرض | خاص


كشفت التحقيقات في مقتل طبيب الساحل أسامة صبور على يد صديقه أحمد شحتة طبيب العظام بمعهد ناصر، أن المتهم وعامل لديه ومحامية تربطها به علاقة عاطفية، خططوا لارتكاب الواقعة وأعدوا لذلك قبرا داخل الغرفة الخاصة بعيادة الطبيب المتهم.

ويواصل القاهرة 24 نشر التحقيقات في قضية مقتل طبيب الساحل على يد صديقه أحمد شحتة طبيب العظام بمعهد ناصر، وصديقته المحامية ومساعده أحمد فرج بمنطقة الساحل في القاهرة لسرقته.


التحقيقات في قضية مقتل الطبيب أسامة صبور بالساحل

وحصل القاهرة 24 على أقوال المحامية إيمان والمتهمة باستدراج المجني عليه، حيث ذكرت: أحمد شحته اداني تيلفون ماركة اوبو، وقالي اتصلي بأسامة صبور وحاولي تتمايصي عليه، وراح مصارحني وقالي إنه أجر شقة في أبو وافية، وإن الشقة دي اللي هيسحب فيها الزبون عن طريقي، قولته انت خلاص رفعت القرون عندك وشغلت الأرايل؟، قالي متخافيش محدش هيعمل معاكي حاجة، انتي دورك بس انك هتسحبيه، قولته افرض صاحبك معجبوش صوتي ومحبش يتعرف عليا؟ قالي هفكر كده واشوف فكرة تانية، وبعدها قالي إنه محتاج دواء مخدر ضروري عشان محتاجه في القصة دي وطلع دفتر وكتب فيها نوعين أقراص، وخلاني أجيبهم من الصيدلية، وروحت طلعت بطاقتي ووريتهم الروشتة وأخدوا صورة منها، وقالي تعالي على العيادة.

https://www.cairo24.com/1845557

[سواها قلبي]

لأربعاء 09/أغسطس/2023
- 03:08 م


أسامة كان لازم يموت عشان ميفضحناش.. المتهمة بقتل طبيب الساحل تكشف تفاصيل الجريمة | تحقيقات


حصل القاهرة 24 على نص التحقيقات في قضية قتل طبيب الساحل أسامة صبور، وحوت الأوراق على اعترافات المحامية إيمان إحدى المتهمات في الجريمة.

نص اعترافات المتهمة إيمان
واعترفت إيمان، قائلة: يوم 5 يونيو 2023 بعت لأحمد شحته رسالة واتس وقولتله طمني عليك، فقالي متخافيش والدنيا ماشية تمام، ومتتصليش عليا عشان قلقان من المكالمات، وهيستناني بكرة في عيادة الخلفاوي عشان يكلمني براحته فيس تو فيس، وياخد مني التلفون اللي استدرجت بيه اسامه، وروحتله فعلًا تاني يوم.

وأضافت: أول ما دخلت العيادة لقيته متوتر وقلقان، وقال لأحمد فرج مش عاوز أشوف وشك في العيادة تاني، واتكن فترة في عيادة البساتين، وقال إن أسامة مات وهو بيقحنه بالبنج، وانهم مطلعوش بحاجة من الموضوع ده غير بمحفظة فيها 250 جنيه، وقالي كمان انه حط جثة اسامة في حفرة كانوا مرتبينها من قبل كده، قولتله انتوا كمان مخططين تقتلوه؟، قالي أمال انتي فاكرة إننا كنا هنسيبه عشان يفضحنا.

وأضافت المتهمة بقتل طبيب الساحل: وبعدها اخدني لجوه ولقيت مستطيل مترين في مترين، قولتله انا مش قادرة أقف في المكان ده، وهيغمى عليا وعاوزه أخرج وقالي متخافيش محدش هيعرف حاجة لإني كسرت كل التيلفونات، ورميتهم في النيل، وساعتها انا دماغي اتشلت عن التفكير وسبت العيادة ومشيت.

وتابعت: ومتواصلتش مع أحمد شحته لمدة 5 أيام، ومشيت وفضلت قافلة تيلفوني، ولما فتحت تيلفوني لقيته بيكلمني على الواتس، وبيقولي ليه انتي مش عاوزة تكلميني، انا بعمل ده كله عشان اتجوزك، وقالي خلصي تراخيص عيادة الخلفاوي ومش محتاج منك حاجة تاني، وروحت العيادة ودخلت مكتب احمد شحته ملقيتوش، ولا لقيت الفلوس بتاعت التراخيص، فكلمته في التليفون قالي إن الورق نسيه في الشنطة وانه لسه في المعهد، وأنا كنت متوترة ومش عارفة أقعد في العيادة لإني حسيت إن الريحة ابتدت تطلع، ومش عارفة ده فعلا ولا أنا عشان عارفة إن الراجل جوه فبيتهيألي.

واختتمت اعترافاتها: وبعد ما طلعت من العيادة جالي تيلفون، وعرفت انه من رئيس مباحث شبين القناطر وطلب مني أروحله هناك، وفعلا روحت هناك وفهمت انه بسبب الجريمة دي وروحت على قسم شبرا الخيمة، وبعدها على قسم الساحل وبعدها جيت على النيابة وده كل اللي حصل.

https://www.cairo24.com/1845700