[سواها قلبي]

المشاركة الأصلية كتبت بواسطة نجد2

ايوه اكيد ابي..

بقولج قصة هالمقطع اللي ينزله لج مع ان في ناس ادفعو اكثر منج بآلاف الدناينر مارضيت لان بينا اتفاق وضميري يأنبني في طبيبة هندية اتباشرني بالعلاج وطيبة حيل وحنونة يمكن عمرها جذي بالخمسين واذا ادخلت معاها ممرضة تقولها حطي هذا هالصوب ويالله روحي واهي اتسوويلي كلشي وتقولي انت الوحيد من بين المرضى اللي مهتمة فيه ومعتبرتك مثل ولدي فقلت لها انتي اتحبين ولدج قالت اكيد زين تبوسين ولدج قال اكيد فقلتها عيل يالله بوسيني انتي مو قلتي اني مثل ولدج ولا بس كلام تضحك عاد اتصدقين اكثر المرات تطلع من غرفتي دمعتها على خدها ام أذيها انا هههههههههههههه كله اغني لها اغاني هندية حزينة وتتأثر المسكينة والخال يقولي الله يغربل ابليسك خلها اتكمل الفحص لا تحط السماعة بالغلط ابلعومك وانا بالمقطع هذا يوم شفتها اندمجت غيرت النقمة خفت ههههههههه قمت اناديها بسمها سبجاهي والخال يضحك

صارله ساعة يحمل الفيديو مو راضي كان في ملف ونزلته على سطح المكتب وحملته مرة ثانية وخذيت غفوة شوي ولقيت نفسي بالصالة الظاهر الموقع حايشه هكر شالني وخلى الفيديو يمكن شافني اخف منه كلشي جايز المرة الثانية اذا بحمل فيديو بلبس اهدومي وعقالي اخاف باجر القى نفسي ابيت جيرانا عاد انتي صبري اشوي لما يخلص