عرض مشاركة واحدة
قديم 03-08-2016, 09:44 PM   #8
AL-ATHRAM
Senior Member
 
تاريخ التسجيل: Apr 2015
المشاركات: 350
افتراضي

أحد نواخذة الكويت يقول : احنا في البحر ... في الغوص والسفر عندنا واحد من دولة خليجية ....... شاب نظيف تقي .. نقي .. ملتحي ، دائماً يوقضنا لصلاة الفجر .. ويؤذن لصلاة الجماعة .. ويعنّف البحرية الذين لا يصلون .. يعض البحرية يعني ماخذين قضية الصلاة بإهمال .. يأنبه يقول له : اتق الله ، حرام عليك .. هذه فريضة .. يقول ما نراه إلا متوضي أو مؤذناً .. أو يستغفر ، أو يصلي .. يقول وصلنا إلى الهند .. ومن عادة البحرية ينزلون أربعة أيام بعد السفر الطويل يأخذون راحتهم .. اللي يشتري حاجته ، واللي يروح بستان الراني ، واللي يروح حق والعياذ بالله مكان الهوى .. وهذا الرجل الصالح ما ينزل من السفينة ... يقول حتى الأربع أيام هذه ما ياخذها ، يقعد يبرم الحبال ويفتلها .. ينظف المركب يسوي له أي شغلة يتلها فيها إلى ان تأتي الصلاة ... قلبه معلق بالصلاة ..

يقول سفرة من السفرات تسلط عليه واحد لوتي ... قال له انت مجنون شمقعدك ... ضارب البحر تحت ماي وفوقك ماي .. احنا ما قلنا لك تعال دش هالمكان والا هالمكان ... تعال شوف هالدنيا .. شوف هذا اللي يرقّص حية .. شوف هذا اللي يرقص له فيل .. وشوف هذا اللي يمشي على مسامير .. وشوف هذا اللي ياكل جمر ويشرب تب ( سطل ) مالح .. يقول شوف الناس ..

قال أكو دنيا هالشكل .. قال له اي نعم .. قام المسكين ونزل ... هذا خذاه من ايده ووراه الدنيا ... ومرّ عليه ودخل في سكة سدّْ ... قاله ..

شوف الباب ذاك لا تجرّبه .. انطرني برّا ، وانا بدخل ربع ساعة وأطلع ...!!!! هذا المسكين وقف .. .. سبحان الله .. لا اله الا الله .. الله اكبر .. يسبح ... والا كاااااااع كع كاااااع مثل الموسيقى ضحكة وحدة .. دنا حط أذنه .. والا ضحكة ثانية .. طل من فتحة الباب والا شنو يشوف ... نطر لما طلع هذا ..

قال له شنو هذا .. قال اهِيييييه .. خلك يا عمي .. يا مغفل .. قاله يا ابن الحلال هذا أمر .. أمر حرام وهذا منكر .. قاله اهيييييييه ... خلك انت مع الحرام والمنكر ... .. هذا راح المركب ... صج اذن وصلى ... لكن الضحكة والنظره من فتحة الباب ما خلته ينام ... ما خلته ينام ... طول الليل مثل الشياطين امام عينه يراهم ..

ما أن أصبح الصبح .. كل البحرية ينزلون لان النوخذه شارط عليهم بالليل يجون .. إلا هو أولهم طار .. ... ها وين ... بس أبي أطل ... أهيييه ابليس ... هو طل الطلة الاولى .. دز الباب ودش ... الحين صاحبه طلع وانتهت الاربعة أيام .. النوخذة وين اللي يأذن .. ماكو أحد .. وين اللي يتوضىء .. ماكو احد .. قال روحوا دّوْروْ رفيجكم ... يكون أحد اذبحه .. ليكون أحد قطع عليه الطريج .. والا هذا عارف وين في حاطه ... ساكت وامجندس راسه .. .. البحرية اللي يعرفون .. قالوا راح مع فلان ... قال تعال فلان وين ودّيته ..

قال .. والله طال عمرك وديته هنااااااااك ... قال حسبي الله عليك .. يالله روح جيبه .. وراح والا الرّيال قاعد .. قُوم اطلع ... رُوح ماني طالع .. امش .. ماني ماشي ... تَلْه .. مو راضي يطلع .. إلى ان جاب أربع بحرية شالوه أيد ورجل .. وهو يرفس ... هدوني .. مالكم شغل فيني .. حسبي الله عليكم ، ويصيح ويلبح ... ويصارخ ... ايهههه .. الحين اربطوه وقطوه على المركب وهو يصيح .. إلى ان اختفت الأرض ...

وهذا قام ما ياكل ولا يشرب ولا يصلي .. قاعد على طرف المركب ويغني ويشعر .. ويغشى عليه .. ويزبعون ماي البحر ويكتون بالماي عليه .. ويصيح .. ويفَتّحْ .. أكل يا ابن الحلال ... أكل يا يالطيب ... مو راضي .. يغرّونه بالمريس لانه أشرف على الموت ...

وفي ليلة من الليالي والنوخذه سهران .. وهو يسمع الونين اللي ما ينقطع ... آآآآآآه .. آآآآآآه .. ياه النوخذه شايل معاه سراي .. قالّه انت اشفيك غرّبَلك الله ذبحتنا ، سهرتنا .. قال اشفيني ... شوف .. فكشف له عن عورته .. فاذا يرى الدود يتساقط منه .. فصرخ النوخذة وقال .. أعوذ بالله .. أعوذ بالله ... قال هذا هو ابتلاء الله .. وهذا مصيري .. فغطاه وخلاه ... وعند شروق الشمس والبحرية يستيقضون للفجر سمعوا صرخة ... أفاقوا كلهم فزعين من نومهم ... واذا بهم يرونه عاظ على طرف المحمل وامدخل ظروسه في الحطبة ، وميت يابس لقوه وشالوه ...

سبب هذا كله ... هذه القصة الواقعية نظره من فتحة الباب .. سهم من سهام ابليس ... شوفوا كيف يحذر القرأن الكريم ... أعوذ بالله من الشيطان الرجيم ..

( قل للمؤمنين يغضوا من أبصارهم ... ) الله أكبر .. ( ذلك أزكى لهم ) ...

يعني ما يصيرون نظاف وطاهرين ويزكي القلب الا اذا وضعوا الحواجز والموانع غض الطرف .. وحصنوا الفرج .. معنى هذا ان هذه الزكاة المذكروه في هذه الاية .... والطهارة تأتي اذا العين مفتوحة على المحارم .. على ما حرم الله سبحانه وتعالى ..

( قل للمؤمنين يغضوا من أبصارهم ) .

والآية عجيبة لم يقول سبحانه .. يغضوا أبصارهم ... لصرنا كلنا ما نشوف .. لازم كل واحد يحط ايده على عينه ويدّعم ... ما يشوف .. لكن قال الله ( من ابصارهم ) يعني لا تابع الحرمة واهي تمشى خلاص مرّت شفتها غصباً عليك .. غض من ابصارك .. شوف حكمة القرآن كيف يختار العبارة والكلمة .. ( يغضوا من أبصارهم ويحفظون فروجهم ان الله خبير ) شوف الاسم والصفة جاءت هنا خبييييييييير يعلممممممممممممم حاجة القلب اللي يصلحه واللي يضره لانه خبييييييييييييييييييييييييييير سبحانه وتعالى ..

( ان الله خبير بما يصنعون ) .

وكم من الناس عنده امْريته بنت حلال يعني الله مرضّيه فيها ومثل ما يقولون يعني أسعيّد بعين امه غزال ... مو شرط تكون جميلة .. لكن الجمال جمال الخلق والجمال جمال القناعة ... يحبُها وتحبه .. واذا جلس في مجلس يعني يستحلي بذكر اسمها ويتفنن في مرضاتها .. ثم جاءت منه إلتفاته .. أو نظره إثر نظره .. فتحولت زوجته في وجهه كأنها قرد .. واصبح يأنف الجلوس معاها .. او الحديث معاها .. او أن يأتيها .. الى أن تتفاعل المسألة وتصل إلى الطلاق .. ويبدأ بعد الطلاق يشهر ... اشفيك طلقتها .. هذه حرمة .. هذه أحد يقعد وياها .. هذا وجه .. إتخسى .. الله أكبر وين الحبيبة التي كنت تشرق فيها .. لانه شاف بوني وجوني ووداد يتنقزون جدامه .. راح متحول إلى ذئب بشري .. لا هو اللي تزوج عليها ولا هو اللي تم على الاولية ..

ماكو طيارة رايحة لبانكوك وطيارة راحية لامريكا كرسمس . يا ابن الحلال اتق الله في نفسك آخر عمرك .. قال روح آخر العمر موت .. الله يلعنها من فلوس اللي ما تونس صاحبها ...

يعلم أن آخر الحياة وموت ويصرّ ... الله يقول ..

( ولم يصرّوا على ما فعلوا وهم يعلمون ) .

وهو يعلم ويصرّ .. كيف تكون نهايته هذا .. لكنها سببها نظره أو ابتسامة أو مجاملة أو ملاطفة عابرة انتكس الانسان هذه الانتكاسة ...





اخوكم / الاثرم
AL-ATHRAM غير متواجد حالياً   رد مع اقتباس