[سواها قلبي]

المشاركة الأصلية كتبت بواسطة نجد2

ههههههههههههههاي اي هين قص ع غيري تراني شايفتك من قبل مزيون ماشاءالله


اما هالبزر ههههههههههههههاي عز الله حشر المعلم وهو صادق خله يشرح لخويه وتالي اشرح له

ههههههههههه حلوه شايفتني ومزيون اكيد ام عبدالقادر الساحرة اهي اللي قالت لج


http://zain4u.com/vb/showthread.php?t=1901


لا اتصدقينهم هذولا جذابين ونصابين ومشركين بالله رب العالمين يدعون انهم يعرفون كلشي وكاهم جدامج في كل منتدى ينشرون خزعبلاتهم انا اعرف واقدر ارد اي حبيبين واي وحدة عقيم اخليها اتحمل واهم يبون افلوس لو فيهم خير ما طرو بالمنتديات واللي فيه خير وياخف الله ما يطر الله يسخر له عباده

تدرين بنت عمي الحديث اللي قاله الرسول صلى الله عليه وسلم انا مو حافظه بس اهو عن السحرة اللي يروح لهم او يصدقهم ما تقبل لهم صلاة 40 يوم

اذا ياني مقطح عالواتسب لساحر ما اكمله واحذفه على طول واقول للي دازه لي لا تزد لي هالمقاطع

والواحد اذا خاف الله سبحانه وتعالى الله يعينه وينور له دربه ماعليه بنت عمي يمكن كلامي هالمرة ثقيل بس بعلمج شغلة فيني وتكفين مابي احد يدري فيها خليها سر بينا ورجاء اي سر اقوله لج انسيه

هاليومين اللي غبتهم كنت مهموم حيل وحاشتني اغلقة لدرجة اني اطق صدري بيدي في شي نايم على صدري وعلى طول رحت للقرأن اقرا وراحت وارجعتلي من باجر والمشكلة مو اهنيه المشكلة طق الجرس رفيج ابوي الله يرحمه دخلوه علي الغرفة كان ابوي يحبه ويعزه وكنت احب راسه اكراما لبوي ويوم توفى ابوي زدت بحترامه قمت احب راسه واحب ايده يذكرني اب ابوي واتخنقني العبرة قصبا عني

دش علي وبجى عندي واهو يقولي محد ذبحني غيرك انت يولدي ومن اشوفك تحب ايدي اتألم واقعد اسبابيع ما انام زين وضايق خلقي والحين انا ييت بعلمك وبريح ضميري قبل لا اموت وابيك اتسامحني

قال انا قصيت على ابوك يوم من الايام كنت محتاج حيل والحين برد لكم المبلغ كله وقالي جم المبلغ ابصراحة المبلغ كبير مو شوي

قلتله عمي تسمحلي اتحجى ابوي الله يرحمه جمعنا انا واخوي وخواتي وقال انا امسلف افلان اللي اهو انت تراني احبه ومثل اخوي والريال محتاج اذا مت لحد ياخذه منه الفلوس هي هدية مني له واحنا بنفذ وصيته
قال الله يرحمه يدري باللي سويته وساكت عني قلتله عمي ابوي ماقال لنا الا نه اهو امسفلك واهو امسامحك قبل لا يموت واحنا مثل اعيالك طلع ودمعته على خده كسر خاطري ريال عود مثل ابوي

ترى هذا سر قلته لج مو يطلع منج ترا باجر ما اقولج اسراري

ما هالبزر ههههههههههههههاي عز الله حشر المعلم وهو صادق خله يشرح لخويه وتالي اشرح له

هههههه الله يعين المدرسين عاليهال وخاصة اولى ابتدائي ههههههههههه



https://4.top4top.net/m_13446mbyd1.mp4