[سواها قلبي]

يا هلا اب شاعرتنا وعيدج امبارك ومن العايدين ومن الفايزين شخبارج وربي لو اعرف شعر جان رحبت فيج ابيتتين بس شنسوي لا اسلوب زين عندي ولا ومنطق ابد بس سالفة مديرة المنتدى وتقولين كان ريال والحين صارت مديرة وانا مثلج خابره ريال اشلون انقلب حرمه يمكن يوم طار المنتدى القديم وطارت كل المشاركات وانا تصرقعت لما قريت هالرد



قريته من هالرابط هذا
http://zain4u.com/vb/showthread.php?p=1774#post1774


قعت اضحك واقول كان ريال شقلبه حرمه وكانت لهجته مو مصري شقلبها ههههههههههههههههههه

مادري بنت عمي كنتي موجده ايام المنتدى القديم يوم رقوني مدير ههههههههههههههههه يعني مو مشرف لا سيده مدير ويوم دشيت المنتدى ولا لون اسمي احمر سوويت خروج ورجعت المنتدى هم احمر وشفت رساله خاصه خل بالك عالمنتدى انت الحين المدير وانا مشغول ولا تدش لوحة تحكم المنتدى ابد

قلت منصجه هذا مايدري ان المدير تكانه وانا رقله ومشاغب لا اسلوب ومنطق مثل الناس ولا اعرف شي ابد وهقني واتذكر اول يوم بعد المفاجأه دشيت المنتدى وانا لابس اعقالي وامجابل المنتدى نص ساعة ياني الشيطان جان ادش لوحة تحكم المنتدى قريت تعيين مشرف قلت ها خنسوي شغة قمت وسجلت بالمنتدى سواهاقلبي بدون اسبيس وعينته مدير وبعدين عينت نفسي مشرف عام سواها قلبي كان لوني اخضر استانست صرت معلم ههههههههههههه بعد ساعتين عينت نفسي مشرف صار لوني ازرق جان اعصب على نفسي وشلته من مشرف لعضو هههههههههههههه كل يوم لون

السالفه مو اهنيه بنت عمي سوويت شغله وطار المنتدى دقيت عليه وقلت له مادري اشفيه المنتدى مو راضي يشتغل سوويت نفسي مسكين مادري شالسالفه قالي انت دشيت لوحة التحكم قلت لا يبا انت مو حذرتني لا ادشها مادشيتها وانا وربي داشها بس خفت يزفني وانا مدير مو زينه اب حقي ههههههه سواه وقلت خلاص ماني داش لوحة التحكم توبه خلاص

يمكن شهرين ماصبرت ودشيت لوحة تحكم المنتدى واهنيييييييييييييييييييييييييييييييه المشكلة مادري شنو سوويت وراح جفي المنتدى وطار وقمت اولول ياربي وين اروح شقوله شقوله اخاف يزفني صاحب المنتدى توه ام حذرني شقوله ياربي اقوله حامل ما يمدي توه امعيني مدير ماصرالي حتى اربع اشهر بعد جم يوم دق علي تلفون بدون مقدمات ابسرعة طاحت الميانه قالي

دشيت لوحة التحكم قلتله شنو

قال دشيت لوحة التحكم قلتله صوتك يقطع ماسمعه عدل روح عند الدريشه لانه غرفته بالدور الاول قلت يمكن يلصق بالدرشة وتتبطل ويطيح من فوق وافتك منه لا من شاف ولا مندرى قضاء وقدر ههههههههههههه

قالي انزل انا عند بيتكم ناطرك طليت من الدريشة ولا صج كاهو واقف اب سيارته قلتله انا بالحمام قاعد اتسبح قالي اذا خلصت انزل قلتله ماراح اخلص الا الصبح خايف من زفته وراح
وبعد جم يوم رجع المنتدى ولا لون اسمي برتقالي عبالي صور متحركة النمر الوردي خلاص صرت عضو


بنت عمي الحمدلله انج عارفتني اني لزقه ما انعطى ويه اي واحد يسولف معاي ادش ابلعومه واسلوف حتى لو سكت هم اسولف هههههههههههههههههههه سمعي بنت عمي انا حالف وربي اذا ما فتحت او افتح لي قسم ابروحي وربي بنحاش في مليون منتدى انا باط جبدي واحد بالمنتدى امسووي فيني مقلب وحلفت اني بفضحه


بنت عمي اذا سمحتي تعالي خنسولف عالرابط هذا عشان الادارة ما تشوف الحش وتكشني


http://zain4u.com/vb/showthread.php?p=1382#post1382

بس طلب اذا سمحتي انا بنقلب كلامي اللي فوق وانتي نقلي ردج علي ونحطه هالرابط اللي فوق لان اهناك في شعر فيه حلو ومابي يروح تحت

يالله كاني بنقل كلامي وانتي وراي وبعدين انا بنقل ردي الثالث عليج زين هذا اذا ودج اتسلفين مع الشاعر سواها قلبي