الله يجعلنا ممن يحفظون الصلوات ويجعلها قرة اعيننا.. تذكرت مواقفي بخصوص الصلاه بحكم اني فكرت ادخل مجال صحي.. مره مو سهل بوقت الصلاه تروح تصلي لانك تستغرق وقت بالوضوء وبالصلاه وتروح قسم بعيد عن قسمك وبالعاده اوقات الصلاه توافق ذروة الشغل.. كنت مرات من الحرص اطلع اتوضا واضطر اصلي بحجرتنا وهي صغيره وكنت مره مخربطه وحسبالي اذن توضيت سريع سريع ونزلت السجاده وكبرت وباول ركعه ماسمعت الا بنت قالت باقي مااذن شقاعده تصلي هذي.. وسلمت وماكملت الصلاه طلع من جد استعجلت طبعا هالموقف اخذوه اللي وياي ضحك وطقطقه علي ليومك هذا اي طاري صلاه يناظروني وانا ماااقول اني ماضحكت بس بداخلي اقول ي رب عساها تشفع لي ومااستعجلت الا من حرص.. وبكل مكان وبكل صداقاتي بالعمل او الدراسه الحمدلله ارتبط ذكر الصلاه باسمي مااقول صلاتي طويله وراكده فيها لا ابد بس ارتبط باني اول ماا ياذن اكون اول من يترك الشغل ويصلي حتى لو كنا باجتماع كنت استاذن واطلع والبعض كان يقول لي تبالغين.. بس سبحان الله دايم اقول ي رب لاتغير هالطبع فيني عساه يشفع لي بيوم احتاج فيه لعمل صالح ينجيني..
|