[سواها قلبي]

حي الله اللي ليا غاب يسرع الرده >دقه
اهلييييين مشعلاني والحمدلله ع السلامه
ماتركت المنتدى ومستحيل اتركه لانه مافيه اي شي ثاني ممكن اشوفك فيه الا هالمنتدى بس كالعاده اشوفك من بعيد بس.. لاحظت الغيبه وكنت انتظرك تجي عشان اسالك شسبب غيبتك.
بس الحين من كلامك خفت حسيت صاير شي كايد، طمني عليك وشنو صار اذا ممكن تقول لي.

ولا تخاف ما راح اتركك بروحك بس انتبه تخلينا انت..

انتظر ردك مشعلاني

الحمدلله انج موجودة وهلا بنت عمي حي الله ابشارعتنا وينج صارلج من ارمضان ما شفناج عسى ما شر وربي صار بالي معاج ماعليج العاده مطولين خنقلبها على راساج جنج انتي اللي غايبه ههههههههههههه خو الواحد اشلون يطلع من المشكلة جذي ياكلج بلسانه هههه


بعد الواحد وين يلقى شاعرة اتسولف معاه انا اصلا متسانس وربي معاج بالمنتدى برا المنتدى كله اهواش واصراخ مع هالقواطي الربع كله امناجر خنقولج هالسالفة خو انتي متعوده علي ان دايم اطلع من السالفة جني ياهل اتحاجينه هالصوب يطلع الصوب الثاني ههههههه واحد من ربعي امسافر دق علي امس وسؤاله مثل ويه مشيعل بشتريلك هدية جوتي جم تلبس قلتله نفس مقاس راسك بالضبط وده يسبني بس مو قادر زوجته يمه توه متزوجها الحيوان رايح شهر عسل وبيعطيني جوتي هديته مثل ويه

دق علي الظهر اليوم يازينه يونس يقولي دورت كل السوق مقاسي مالقيت اهو رقمه اعتقد 37 قلت له روح قسم الاطفال بتحصل مقاسك اهناك عاد ذوقه مثل ويه ابيشتريلي جوتي لونه احمر قلتله شنو بنام انا فيه خلاص مابيه ولا ابي هداياك وصكيت التلفون اب ويه دز لي مسج سبني فيها ههههههههههه


بنت عمي سالفة اشفيني خليني الحين مستانس ابشوفتج بعدين بقولج شنو صار ماودي اتذكره والحين ببشرج بنت عمي اب شي وادري انج اب تفرحين لفرحي وسعادتي عاد انتي تدرين اني متوزج اربع فلبينيات وحدة منهم حامل من اربع سنوات وليومج هذا ما ولدت ابشرج اليوم وديتها للطبيب واطلعت حامل مرة ثانية بس مادري هذي بتجمعهم ابطينها واذا طلعت تقاعد بتولدهم مره وحدة عشان ما تحس اب ألم الولاة مادري انا خوفي اني متزوج كنغر باجر بوديها لحديقة الحيوانات وبوقف يم كنغر ذكر اذا شفته تحرك بحذفها عنده هههههههههه

بنت عمي ادري اني مزعج اب هالخرابيط اللي اقولها بس اخذيني على قد نيتي بس تكفين لا اتهديني جني تعلقت فيج ههههههههههههههههه

خنقولج شوي من سؤالج انا لما يئ ارمضان قطعت المنتدى ورحت المسيد مثل اول صلاة وعبادة وصرت جم مرة امام بالتراويح اساعد الامام وبعد ارمضان اب جم يوم حسيت اب الام ابطني وكل اشوي تزيد وصار عندي وسواس بس افكر ليش هاللام انا شنو ماكل ماقمت اقرا جرايد ولا شي كل طبعي غيرته 24 ساعة بالمسيد مو خوف من الموت لا وربي انا ادري اني بموت بس صرت ماحب الا المسيد والالام هم تييني بالمسيد ماقدر اشيل شيء

مره بنت عمي مريت الجمعية بالليل يوعان وبروح اشوف شقة واحد من ربعي امسافر مع اهله قلت بنام فيها وشريت 6 موزات كانو سبع وقطيت وحدة يكمنها دعت علي ههههههههههه واقلاص جبن وخبز وطلعت ويوم وصلت الشقة ياني الم عند المعدة ابمكان العملية


انا من كثر ما افكر عرفت المشكلة انا امسوي عملية المراره ونسيتها وكنت اشيل هذي




وادز الثلاجة وغيرها بعدين ماقمت اقدر اشيل شي حتى مولود توه والدينه وربي حتى السوالف ماقدر اسولف واذا عصبت عالربع من ارفع صوتي اسكت على طول خلاص واذا بسولف لازم خمس كلمات وبس قمت امشي على المثل اللي يقول ناسي نصه هههههههههه السكوت من ذهب كله ضايق خلقي حتى الواتسب قاطعه من قبل ارمضان بسبوع لليوم ما دشيته بس حق الاتصال استعلمه ومالي خلق ارد على الاتصالات بعد

العملية مو شق بطن تطورت مثلج عارفة جني طولتها بعدين بكملج السالفة بعدين