ها بشري ليكون بعد زعلتي من شرحي
قبل لا اقول المقلب خليني اشرحلج سيرتي الذاتية
الاثرم كنت ساتره وماودي اقول منو اهو بس يوم سووا فيني المقلب وحلفت اني بفضحه عشان ما اصوم عاد ما عبالج فضيحه جايده
اول شي الاثرم يصير خالي اسمه مشعل ومن يوم كنت ازغير وانا كله معاه وليومج هذا ربعه ربعي وربعي مو ربعه لانهم يحترمونه ويستحون منه يعني اتصير القعده معاه رسمية بس انا متعود على ربعه من يوم كنت ازغير فماخذ راحتي وياهم ومن حبي له حنيت وحنيت على الوالد لما غير اسمي من عبدالعزيز لمشعل لا صبر ولد اختي ابصف ثمان هم متعلق فيني ويحن علي ابوه بغير اسمه من عبدالله لمشعل ههههههههههههههه ترا ثلاث ارباع العايلة امغيرين اسمائهم كله مشعل وراثه ويوم تخرجت اشتغلت ابنفس الشركه معاه
مرة كان قاعد عند هامور بالشركه يسولف ودشيت عليهم ولقيت معاهم واحد وقعدت يمكن اربع دقايق واسمع واحد برا السانه طويل شايب يبي هالثالث اللي قاعد معاهم شغلته عنده وهذا كله يتنحش منه ويخاف منه قام يترجى الهامور تكفى دبرني مابي اشوفه الاثرم قاله دش هالغرفة هذي وانا احلك هالمشكلة قام ودشها هالغرفة لها بابين باب عند هالهامور وباب عند السكرتير مالت الاجتماعات خالي شنو سووا قفل عليه الباب واخذ المفتاح معاه وراح برا للشايب وقاله آمر يا عم قال ابي افلان الله لا يوفقه رحتله المكتب قالولي اهنيه قاله خالي ابشر تعال معاي
تدرين شنو سووا هالاثرم ابو المقالب بس مقالبه تعليمية هههههههه حط كرسي عند باب غرفة الاجتماعات وصعد فوقه وبطل الباب وقال للشايب كاهو دش عليه دش الشايب واستلمه بالصراخ شوي طلع الشايب وياه وانا بس مستغرب ليش خالي صاعد الكرسي
سالته شسالفة الكرسي وليش صعدته قالي بشوف تعابير وجه واهو ينزف وماقدر اشوفه الا عالكرسي الريال جدامي قلتله زين وليش قفلت الباب قال مابيه ينحاش وقعد اسبوعين ما يكلم خالي بعدين قام يسولف معاه وقال لخالي ليش سووت جذي قاله بعرف الشايب لما طلعت معاه شسويت معاه قال خلصت شغله وراح قاله عيب عليك هذا كبر ابوك خلصه وفك نفسك
المقلب اللي سوواه فيني ابشع من هذا هههههههههههههههههههههه هم تعليمي ههههه
|