[سواها قلبي]

واحد كويتي تزوج مسيار من حفر الباطن بحكم قربها للكويت عن طريق ربعه اللي سبقوه في هالموضوع وكل اسبوع يقول لزوجته الاولى رايح عند الحلال
يوم جاء الربيع قالت زوجته نبي نروح نشوف الحلال معك راح لربعه قال وهقتوني ما عندي حلال وش اسوي

قالوا ما يهمك هذا تلفون أبوصالح بحفر الباطن كلمه يرتب الموضوع
كلم ابو صالح قاله من طرف فلان قال ابوصالح بس وصلت خير انت رقمك ١٧ قال نعم قال نبي 500 ريال اتعاب فزعه 😂 قال بسيطه وحول له الفلوس

ابو صالح ارسل له الموقع وجاء مع زوجته وعيالهم الصغار للمخيم
و السوداني حافظ دوره يقول تفضل يا عم ترى الناقة الفلانية ولدت والبعير طاب من مرضه والعلف اللي جبته ماخلص والزوجة تسمع قالت الله يبارك لك في حلالك ناموا في المخيم

والسوداني عارف شغله يوم جاء الصباح جاب كم حيه وكم عقرب في يده قال لعمه اليوم اقل شي ما ذبحنا الا 5 حيات وعشرين عقرب
قالت زوجته وبعد مخلينا ننام هنا ولا عاد اجي المخيم خلك انت وحلالك قم رجعني انا وعيالي للبيت ولا تطري علي مرة ثانيه نجي هنا


بيض الله وجيه ربعه وابوصالح والسوداني وكل ذا بخمسميه ريال
😜😜😜