ارملة امريكية عملت اعلان عن بيع سيارة مرسيدس ، بحالة ممتازة ، وبسعر واحد دولار !!!!
طبعاً كل الناس اهملت الاعلان ، على اساس انه هزار …
لكن راجل عجوز اتصل ، وراح عاين السيارة ، فلقاها ممتازة ، وماشية اقل من 12000 كم …
سألها بكام السعر النهائى ؟
قالتله : زى الاعلان واحد دولار !!!
طلع دولار اداه للارمله ، فناولته اوراق السيارة ، وباعت ، وسلمت فعلاً ، والراجل مش مصدق …
سألها : هو انا مستغرب ، وعاوز افهم ازاى السعر ده ؟
هى : انا بنفذ وصية زوجى …
هو : زوجك اوصاكى تبيعى السياره دى ، بحالتها دى ، بالسعر ده ؟
هى : لالالالا .. زوجى كان على علاقة بسكرتيرته ، واوصى ان ثمن بيع السيارة يروح لها …
ابليس كان واقف هو وابنه بيسمعوا الحوار …
لطش ابنه على قفاه ، وقاله اتعلم يا ابن الكلب …
|