[سواها قلبي]

يقول دخلت المستشفى ورأيت رجل كبير في السن كفيف لا يرى فسلمت عليه قالي تكفى يا ولدي طلبتك تكفى قلت آمري يا عم اطلب تكفى يا ولدي والله لي ثلاث ايام وانا ذابحني الجوع ما اكلت شي وما شربت شي قلت اعوذ بالله في المتستشفى

قال يا ولدي ما اشتهي آكله قلت وشتبي يا عم قالي يا ولدي اذا معك ريال رح للبقالة ابي خبز

يقول رحت للبقالة وشريت خبز وماء وعصير واشتريت بعض الاطعمة ادخلتها واعطيته اخذ قطعة من الخبز وقطها في الماء وأكلها ويوم اكلها التفت علي وابتسم وقال الله يجزاك خير

قلت يا عم بسالك سؤال واعذرني ! يوم انت الحين في المستشفى ما عندك عيال ما عندك بنات نزل راسه شوي ثم رفع راسه

وقال يا ولدي إلا عندي عيال وعندي والله عشرة أولاد وبنات ولكن كبروا وتزوجوا وكل راح مع زوجته ونسوني واتركوني في بيتي والله يجيني الشتاء ويذبحني البرد وأنادي ما أحد يلتفت لي

وفي يوم من الأيام جاني ارحم عيالي هذا ارحمهم قال يبا قلت سم يا ولدي ويقول والله كنت اظنه يقول تعال نام عندي وكنت اظنه يقول يبا ابشر اني سويت لك ترتاح فيها وتجلس واحسن من انك جالس الحين فالحوش وذابحك البرد يا يبا امش في مكان يصلحلك وترتاح فيه وتريحنا بعد

قلت يالله يا ولدي مشينا الله يجزاك خير وانا كفيف ما اشوف اعمى يقول وداني وقال يا يبا امسك هالورقة هذي واجلس في المكان هذا لين يجيك واحد وش هذا يا ولدي قال يا يبا اجلس هذا مستشفى العجزة لعلهم يعتنون بك احنا بصراحة محنا فاضين

قال تركتني وانا عمري 90 سنة وبديت ابكي ما كنت اتوقع يوم من الايام انهم يحذفوني بالمستشفى ما كنت اتوقع يخلوني بالمستشفى لحالي يا لتني ما خلفت عيال يا ليتني عقيم

قلت له كم لك الان في المستشفى قال لي سنتين فقلت محد زارك ما احد طرق الباب فقلت له يا عم ادع ان الله يهديهم ويردهم

قال لا يا ولدي ورفع ايده للسماء والله ما اتركهم يوم القيامة والله لأقف امام الله وانا خصيمهم كيف يتركون ابوهم اللي تعب عليه ورباهم وسهر لراحتهم وما ينام الا لما ينامون كيف يخلوني سنتين ما أحد يدري عنه ثم بدأ يبكي

فقلت له لا يا عم لا تبكي قلبونا لك وايدنا لك قال صح يا ولدي بس مافي احن من يد الولد وما في احن من قلبه فقلت له ادع الله انه يهديهم ويجيبهم

قال يا رب لا تسعدهم في الدنيا والآخرة