[سواها قلبي]

الإثنين 04/سبتمبر/2023
- 10:25 م



خلصت عليها ونزلت رحت الكافيه.. المتهم بإنهاء حياة زوجته بالنزهة: عصبتني واتهمت أخوها في الجريمة


أيهاب أبورية
أحمد الجوهري

كشفت التحقيقات في القضية رقم 1071 لسنة 2022 كلي شرق القاهرة والمتهم فيها (حسن.أ) 43 سنة بتهمة قتل زوجته باستخدام سلاح أبيض بسبب شكة في سلوكها وذلك على إثر مشادة كلامية بينهما وأخرج سلاحا أبيض، وأنهى حياتها بمنطقة النزهة.

وحصل القاهرة 24 على نص أقوال المتهم، إذ قال أمام جهات التحقيق: كان في مشاكل كتير مع مراتي ويوم الواقعة كنا بنتخانق بسبب إنها شاكة فيا وقالت ليا إنها هتسيب البيت ولما أنا رفضت إنها تنزل هي كسرت كلامي لقيت نفسي بجيب السكينة وفضلت أخبط فيها لحد ما وقعت على الأرض، وجرحتها جرح كبير من رقبتها وبعد كدا غيرت هدومي وسيبتها على السرير عشان كان عليها دم ونزلت قعدت على الكافيه.


وتابع المتهم بقتل زوجته: بعد كده جالي أخوها بيسألني عليها قولتله خد المفتاح واطلع عشان أنا في ناس جاية تقعد معايا، وبعد ما طلع بشوية جالي تليفون من واحدة جارتنا وقالتلي إن أخو مراتي عمال يصرخ وأنه لقى أخته مقتوله جوه الشقة فأخدت اثنين من العمال وطلعت بيتي.

وأضاف المتهم: لقيته أخو مراتي بيقولي أنت قتلتها قولتله أنا مقتلتش حد أنت اللي قتلتها واتصلت بالشرطة وبلغتهم إن مراتي مقتولة في البيت بعد كده لقيت الشرطة جت وخدوني أنا وهو وروحنا على القسم ولما سألوني قولتلهم على اللي حصل وعرضوا عليا المطواة اللي أنا خبطتها بيها قولتلهم أيوة هي دي المطواة اللي أنا ضربتها بيها وهو دا كل اللي حصل.

وفي وقت سابق، قضت محكمة شمال القاهرة بمعاقبة المتهم (حسن.أ) بالإعدام شنقا، وذلك لاتهامه بقتل زوجته بمنطقة النزهة ومعاقبة بالسجن المشدد 3 سنوات وغرامة 10 آلاف جنيه بتهمة تعاطي المواد المخدرة.

https://www.cairo24.com/1860977