ما يكسر عــزوم الرجـال الا الغــرام
 

ما يكسر عــزوم الرجـال الا الغــرام
ولا يلعــب بعقل الفهيــم الا الحــريـم
ولا يحفظ أحوال الشباب الا الصيام
ولا يكـره الفعــل الرذيل الا الحـشيم
ولا يكـثـر همـوم العبــاد الا الحــرام
ولايحس بأحوال الصحيح الا السقيم
ولا يعـز من قدر الذليـل الا المشــام
ولا يمــدح افعـال الذميـم الا الذميـم
ولا يبهج الوجه البغـيض الا السـلام
ولا يغض عـن زلــة لئيــم الا الحلــيم
ولا يوصف أخلاق الرجال الا السنام
ولا يوصـف دموع الهـوان الا اليتـيم
ولا يـوصف الأخ ل أخـوه الا الحـزام
ولا يوصف إذلال العزيز الا الجحيـم
ولا يخف من ظلم الظلوم الا الــمنام
ولا يبوح بعيوب الصديق الا الخصيم
ولا تقول من تقـرأ القصيد الا كــلام
ما يجهـل القول الثمــين الا الغـشـيم

هلا اب شاعرتنا اشلونج وشخبارج والحمدلله عالسلامة وين هالغياب اب صراحة قلت للاهل وصلت نجد المنتدى ومن فرحتهم كاهم


http://up.harajgulf.com/do.php?img=583335


وهذولا الحريم


http://up.harajgulf.com/do.php?img=583362




مانبي انكلف عليج كلشي معاهم افارشهم والمخاد والماي حتى الشيشة معاهم وبنامون عندكم ثلاث ايام بس انتي سووي لهم العشا بيض مسلوق يعني عشا خفيف

وربي ودي اعرفج عليهم واحد واحد بس اخاف تطلع الشمس واحنا ما خلصنا

بنت عمي انتي للحين نجد ما غيرها ولا تغيرتي او وحدة يديدة وسؤال ثاني وين خواتج التوأم نجد 2 ونجد 3 متى بدشون

نبي شعر من اشعارج من زمان عنهم

هههههههههههههههههه ابشرج هونو الاهل السواق السيارة مو بسمه وردوهم الجمارك و حياج الله بنت عمي والحمدلله انج الشاعرة مو وحدة غيرج ورجعتي للمنتدى عالاقل عندنا شاعرة ورجل دين الاثرم وانا بينكم رايح فيها ههههههههههههههههههههه عوي مرة امشي صح ومرة غلط يعني على قولة اخوانا المصريين يسود يبيض

مرة استقيم عالسراط المستقيم ومرات يسحبوني الربع ومن امشي معاهم اخربط الحين تظن اتعاطى مخدرات ههههههههههه يبا هيه قصدي العب معاهم كوت بو سته وهند وغيرها وضحك ويموت القلب

الحين صارلي شهرين ولله الحمد ماشي سيده اكثر اوقاتي بالمسيد وقبل لا يأذن انا داش المسيد وحطيت لي جدول ولازم اطبقه المغرب ادش المسيد وما اطلع الا ورا العشا ولازم اخلص سورة البقرة وصلاة الفير ما اطلع من المسيد الا لما تطلع الشمس وذكر الله ماسكت عنه الا لما يحاجيني واحد ومستانس ومنشرح صدري حيل الحمدلله

اشلون رجعت كنت اسمع مقاطع دينية عالواتساب حتى لو يدزها لي واحد وابطله واعرف اني سامعه ما حذفه لا ارد اسمعه واتاثر واحاسب نفسي وايد ليش انا جذي كنت زين وامحافظ عالصلاة بالمسيد والحين تغيرت لاني قمت العب مع الربع

تدرين بنت عمي مرات اخر الصلاة حتى الفير ما اقوم اب وقتها واحد من الربع يزاه الله خير دزلي مقطع واحد يسال الشيخ الالباني قاله اخوي قعد الفير سمع الاذان ورد نام هل يقضيها الصبح شقاله وهذا اللي اقلب 180 درجه وارد احسن من الاول فضل الله سبحانه والمقطع

قاله لا مايضيقها وقال حديث عن الرسول صلى الله عليه وسلم مو حافظه قال الشيخ الرسول صلى الله عليه وسلم يقول من نام مو قعد ورد نام لا

من نام وطافته الصلاة واهو مو متعمد هذا يقضيها اما ذاك يقعد ويرد ينام ولا يكوك ساعته عالدوام واذا قام صلى لا ماينبق عليه الحديث

انا اهنيه جنه واحد طاقني اطراق وابصراحة خفت وندمت وايد يوم ضيعت وقت الصلاة قلت السالفة للخال شنو قالي

قالي تذكر الريال اللي قتل 99 نفس وكملها 100 قلت ايه اشفيه قالي شقاله العالم قلتله قال غير ارضك ذيج القرية فيها ناس صالحين قالي غير ارضك والمسيد فيه ناس صالحين

ما عليه طولتها ومصختها انا وانتي عارفه من زمان اي واحد يكلمني ويعطيني ويه اذيه بالسوالف تحمليني


اذا سمحتي اب شعر لي خاص عشان عندي اربع فلبينات على ذمتي بتغزل فيهم تعالي صج اهما ما يعرفون عربي اشلون الحين ماكو الا هالطريقة

انتي كتبي شعر حب من ريال لبنت وعبري عن شعورها وانا بعطيتها المدامات يقرونها لي يعني جنها منهم لي

هههههههههههه يمكن من هالرسالة هذي يبيلج سنة فترة نقاهة واستجمام يالله يطلع منج الشعر ههههه

يا سلام روعه وربي بس ماني ماعطيهم للفلبينيات اخاف يشكون فيني لو زايدتهم بيتين جان حبيتج ههههههههههه هههههههههههههههههه تراني اتغشمر وربي لا اتزعلين من كلامي وانا اقرا شعر جسمي وقف عاد مادري امتى بنام هالشعر وراي دوام

بنت عمي تراهم اربع فلبينات وانتي كتبتي ثلاث ابيات بس عطينا بيت رابع حتى لو مستعمل عادي اهم شي الرابعة ما تزعل واتقولي انت مو عادل

وانتي حرة ابتكتبين اربع ابيات يديده غيرهم او عشر ابيات ابراحتج مابي اكلف عليج ولا احب اصير ثقيل عليج ابيهم غزليات

وسالفة ان الواحد مرة يستقيم ومرة يضعف كلامج صح بس انا باذن الله ماني معطي الشيطان ويه والله يعيني عليه تدرين بنت عمي شنو اسوي انا لما اطلع من الدوام فيني النوم زين ماروح للبيت اروح سيده للمسيد واقعد فيه عشان ان نمت يقعدوني واقوم اصلي حتى لو باقي عالاذان ساعة واشوي المسيد المسيد مكاني اعرف نفسي لو رحت للبيت بقص علي الشيطان وابتاخذني النومه والكسل وبطوفني جم ركعة

اذا في امه خير الشيطان خليه يقص علي ههههههههههههههه هذا اول مو الحين الحين عرفت له والحمدلله عرفت اشلون احاربه

بنت عمي انا مالي شغل انتي اللي قلتي سولف عادي وعطيتيني الضوء الاخضر


يخليج ربي

انا شدراني عبالي لكل وحدة بيت شعر من جذي طلبت بيت رابع يقولون لازم العدل بين الزوجات


ما عليه


ابشرج من من امس نايم واليوم قعدت وجمعت الصلوات الخمس مع بعض صرت شيعي هههههههههه

انا خبري يوم قلت اذا فيه امه خير الشيطان خليه يقص وبعدها حطيت راسي عالمخدة يمكن خمس دقايق ولا اشوف قبايل داشين على الغرفة وانا عبالي الاهل لما راحو لج يباركولج وردوهم الجمارك

قلت خنتحمد لهم بالسلامة بقوم ماني قادر احاول اقوم مرة ثانية وثالثة ورابعة يطلعي مسج حظ اوفر حاول مرة اخرى شسالفة يا معود

اثاريه طلع مو ياثوم واحد ياثومانات اشكثرهم ياثوم بالمايونز وياثوم بالفلفل الحار وياثوم بالملح ياثوم خالي الدسم شكثرهم لا وفيه عرض بعد باثومين والثالث مجانا وماقدر اتكلم ولا اتحرك ولاشي ابد واسمع موسقى بس

بعد اربع دقايق سمعت صوت يقولي انت اللي قايل الشيطان اذا في امه خير خله يقص علي

الجلب ماخلى شيطان ما يابه لي حتى شياطين اهلي يابهم لي وعلى مستوى بعد اللي معاه ماجستير واللي معاه دكتواره بس شيطان اخوي الزغير كله دور ثاني مثل اخوي مصرقع ويمكن الشيطان يتخرج واخوي يسقط ههههههههههههه بس المفروض ينجوح مع بعض بروح اسال

ويوم قعدت من النوم والا البيت متغير ماكو رسيفر ولا تلفزيونات ولا خدم ولا انتر نت ولا منكر الاهل كلبوهم يقرون قرآن واللي قاعد يصلي واللي يسبح واللي تطبخ واللي اتغسل الهدوم اثاري شياطينهم زايريني واستقامو الاهل وانا لو ادري جان ما قعدت من النوم

وحذرني الحيوان قالي هالمرة خليتك يوم كامل تنام لتفلسف بالمنتدى طلع رئيسهم