|
انا ابخير ولله الحمد وقاعد بالبيت ما اتحرك على رقابة مشددة تقولين ارهابي وهالافريقي ما يبيع برد بس ينفذ الاوامر من حضرة جنابه والحين انا ولله الحمد احسن من اول يمكن ان شاء الله بعد جم يوم بحبي وبعدها بمشي ان شاء الله القعدة بالبيت اضيق الخلق ودي اروح اشوف حريمي الاربعة واشوف اولدي ضناي حته مني مشتاق له وانا خايف انه خاس ابطن امه سالتي تكفين الحرمة الفلبينية نفس العرب تسع اشهر وتولد ولا تسع سنوات نفسي اسمع كلمة بابا ويرجع لبطن امه
انا مو متعود عالقعدة بالبيت فتشوفيني كله ضايق خلقي واحسن ابشي قاعد على صدري واحاول اشغل نفسي ابشي احبه عشان انسى والربع يقعدون عندي كل يوم وما يقصرون صج ميانين بس تحتسب لهم نقظة وانا مليت من البيت ابي اطلع بغير جو وبعدها تتعدل النفسية ان شاء الله حتى شياب القهوة يزوروني ومايقصرون بس لازم اطلع ابي اغير جو بس حضرة جنابه حاط رقم سري لباب الصالة عشان ما اطلع يعرف اني راح احاول اطلع فهذي حالتي وان شاء الله تتعدل الامور واصير احسن واحسن وانتي شخبارج |
هههههههاي م عليه هالرقابه لصالحك ودام ربعك يجونك هالشي حلو يعني مو بروحك فلاتتضايق..
اما سالفة ضناك الظاهر لي والعلم عند الله ان ولدك تخلل يعني بيطلع مامنه فايده بس محفوظ من التعفن تقدر تحطه بعلبه عندك بالصاله استغفرالله ههههههههه.. الا تعال بسالك انت الحين شوضعك الصحي؟ م تمشي خير شر؟ رقبتك وظهرك سليمين؟؟ فيك كسور؟ ترى م قد خبرتني عن وضعك بشكل واضح.. |
م تمشي خير شر؟
انا الحين بسالج سؤال ليش ما كان سؤالج جذي ما تمشي ليش م تمشي انا قريتها وضحكت وربي العظيم انتي جاوبتي على نفسج الحين انا مشغول عندي اضيوف بعدين بقولج وبقولج شغلة المنتدى فيه يني انا داش الصبح وطلعت ويوم دشيت الحين ولا القى اسمي موجود العادة من اخلي صفحة المنتدى مفتوحة بس مدة قصيرة يطلعني هذي ثاني مرة ما يطلعني مادري يمكن سؤالج أثر فيه ورحمني قال هذا محرول انا بحاول اكتب لج بس من اقطع كلامي اعرفي خلاص بكمل بعدين شوفي انا الحين الحمدلله احسن من اول وايد وايد وايد احاول امشي ابروحي طبعا محد يدري فيني غرفتي فيها خمس كامرات حاطهم حضرت جنابه احاول امشي بالحمام اهو طويل شوي وقاعد احاول وقالي مرزوقوه حطلك مدرس قلتله لا بعتمد على نفسي والربع حيوانات يدزولي فيديو طفل توه يحاول يمشي ولا قاعد يحبي ولا يرضع هههههههههه كلاب وربي وبانسبة لسؤالج خبرني عن وضعك اخاف اقولج باجر ما القاج بالمنتدى واقعد مثل قبل ابروحي انوووووح انا امسكر يمكن مرتين اسووي حادث وطحت من الكرفاية صاروا ثلاث حوادث تقولين هواية هههه وما اتشوفيني ادش المنتدى وايد ههههههههههه مصائب قوم عن قوم فوائد فيه الام بس الحندلله متحمل بعدين بكمل دخل علينا الاستاد هههههههههه قاعد بالصف |
اقتباس:
هههههههههههههههههه هذا امحنط هههه خليه يطلع بس انا راضي ههه ذكرتيني اب مقطع شايفه وبدور عليه وبحطه بالمنتدى شي غريب وحدة امسوين لها عملية وشاقين بطنها وولدها يطل عليهم من بطنها هههههههه والممرضة اتستولف معاه بس راسه طالع من بطنها يا زين شكله وهذي حامل صارلها اربع سنوات وليومج هذا ما ولدت باي قانون هذا المشكلة انا رايح معاها للطبيب ومسوين لها سنوار وانا شايفه لو مو شايفه جان قلت جذابة بس شايفه تعالي اخاف انا اللي امسوين لي سونار اخاف انا الحامل اربع فلبينات يننوني المرة الثانية بطلقهم وباخذ من نيجريا اربع |
ي قلبي الله يقومك بالسلامه ويرد لك عافيتك واكثر بعد.. ولاتتعب روحك بالمحاولات وان شاء الله بتكون بخير لاتحاتي..
|
اقتباس:
|
شدعوه مو زعلانه ولو بزعل ازعل من الكل بس م ازعل منك مشعل..
بس م اوصيك ع روحك لاتتعب روحك امانه وانا انتظرك ترى تتحسن وتصير مثل اول واحسن ان شاء الله |
اقتباس:
عندنا وحدة من الاهل اهي متخصصة بالسيرلاك اهي اللي تعطي اخوها الزغير افطموه وقام ياكل مثلنا واهي مازالت تاكله واذا راحت للجمعية لازم تشتريه واهي بالثانوية ودوها لطبيب نفساني اول جلسة قعد معاها ساعة و عشر دقايق ابيدرس حالتها وعطاهم موعد بعد اسبوع راحوله العيادة واسألو الممرضة وين الطبيب قالت موجود توه متريق هذا ريوقه ولا اهو صحن سيركلاك يمكن تذكر ايام طفولته لما اشرحوله الحالة كلشي جايز |
ها بنت عمي وينج عسى ما شر للحين زعلانة ميصير شسالفة اتمنى من كل قلبي انج ابخير اهم شي لا تشيلين ابقلبج شي عني وربي علنياتي انا اخاف بعد قلت كلمة وانا مو امثمنها ما ادري انا اشلون عرفت من شهر انج زعلانة الحين بقولج اشلون
انا عندي ازهيوي مربيه من يوم ما ذبحت امه واذا بقرا اي رد لازم يكون قاعد يمي واراقبه اهو له قرنين استشعار مو استشوار انتبهي وبحط صورته بعد ما انتهي من كلامي شوفي سولفت معاج سنوات من ايام المنتدى القديم اللي طار عمري ما حسيت انج زعلانة الا من شهر مادري بعد هالزهيوي ابنتقم لامه وقاص علي بعد بهذا شي ثاني بس طلب لو سمحتي اذا اذا نويتي تدشين وتردين علي اذا زعلانة كتبي 100 واذا مو زعلانة كتبي 11 وانا افهم تراني ذكي وطيب وعلى نياتي عرفتي مابي اكلف عليج بس كتبي 100 11 بس شفتي اشلون الامتحان سهل https://5.top4top.net/p_13798ft281.jpg |
ههههههههههههاي لحالها ماتت استغفرالله..
11 11 11 11 مو زعلانه وربي وقلت لك قبل بس انت تصدق الزهيوي وماتصدقني الشكوى لله شنسوي بعد.. وبعدين انت عمرك زعلت مني؟ وحتى لو زعلت شوي وترضى.. انا اصلا ماشفت شي يزعل منك والحمدلله على السلامة وي رب تصير احسن واحسن مشعلاني |
اقتباس:
11 11 11 11 وايد هههههههههه والحمدلله طلعتي مو زعلانة وانا ولله الحمد احسن ابواااااايد من اول الحين قمت امشي ومحد يمسكني وطلعت الشارع ومن فرحتي مشيت ودشيت ابيت جيرانا بالغلط وبقيت انطق شفتي الياهل اذا يابله ابوه سيارة وركبها واهو فرحان ورايح على طول للباب ويدعمه انا مثله هههههه ومشكورة بنت عمي عالدعاء وماقصرتي وشدعوا يبا ازعل منج وبعدين انا ليش شكيت انج زعلانة لاني اسولف وايد واكيد بتفهمين كلمة من سوالفي غلط مع اني على نياتي وربي ما اقصد شي وانا كنت شاك ابجملة قلتها اهي اللي فهمتيها غلط وعشان جذي عبالي زعلتي وانتي سوالفج معاي كلها كلمتين ومع السلامة ماشية عالمثل اللي يقول خير الكلام ما قل ودل هالمثل هذا مايمشي معاي بس اهم شي مازعلتي لا يقص عليج ابليس حطي بالج تراه يبي الفتنة |
الحمدلله ي رب وعقبال ما تركض ركض ان شاء الله..
تدري عاد الحين خليتني افكر شنو الجمله اللي شاك فيها.. يعني اذا بتقولها لي بتختصر علي البحث واذا ماتقولها الله يعيني ادور عليها واسالك اذا هي او لا... |
اقتباس:
اقتباس:
اهو حلاتها ما اقولها عشان انسولف هههههههههه واخاف اقولها تنتهي الحلقة صبر اشوي وخنشوف ونفكر انا بجرب لج عاد انتي وشطارتج بعطيج فرصة اهو مثل ما اقدر اوضح اكثر من جذي واكيد واكيد بتعرفينه بس اعتمدي على الله ثم ذاكرتج يعني لا تقرين الردود |
افااااا اجل اعتمد ع ذاكرتي هاه.. الصراحه ذاكرتي خانتني ف يلا قول الجمله خنشوفها وماراح تنتهي السوالف شدعوه..
|
عفيه مشعل وينك شهالغيبه كل يوم اطل ع المنتدى واقول اليوم يرد بس للاسف ماكو رد خير شر.. ليش الغيبات هي مشعل.. انت وصلت للحلقه الاخيره ماعاد سولفت ابد..
طمني عليك اذا قدرت باسرع وقت |
السلام عليكم ورحمة الله وبركاته
اشلونج بنت عمي وعساج ابخير يا رب ومادري شقولج بس الوقت اقصير وبكتب كلمتين وبقيب ثلاث ايام توني واصل الديرة من رحلة علاج بعدين اقولج عذري ويارب اتقبلينه وتعطيني علامة كاملة ههههه فمان الله صج |
وعليكم السلام ورحمة الله وبركاته
انا زينه انت شلونك والحمدلله على السلامة مشعل مسموح بس طمني عليك امانه |
اقتباس:
الربع متواعدين بيروحون لجبد وهذي منطقة فيها جواخير وبعض الناس كاتب لافته استراحة افلان ههههههه مستحتي وان دشيتي عنده فاحت ريحة الغنم واذا مو عنده بتفوح من جيرانه ماكو فايدة حتى في واحد انعرفه مرينا على جاخوره وشفنا كاتب استراحة افلان رحنا لخطاط وقلنا له اكتب جاخور افلان وخذينا اللافته مالته وحطينا لافتتنا وبعد جم يوم شال اللافته وكتب استراحة افلان وهم غيرناها لجاخور افلان واهو مايدري منو اللي يغيرها وقعدنا على الحالة 8 شهور مل الريال شنو سووا حط اللافته استراحة افلان وربط الجلب ابعمود اللافته عاد جلبه اقشر احنا انراقبه من ابعيد كل يوم وبكل وقت ومرة من المرات فكه ابيعطيه اكله وبغسله ويوم طلع بربطه ولا مكتوب جاخور افلان هههههههههههههه بعدها اب جم يوم غير اللافته وربط الجلب وقام يغسله ويعطيه اكله تحتها ومرت الايام مرينا على جاخوره ومعانا جلبه نثيه انثول الجلب ماله لما شافها نزل واحد من الربع واخذ الجلب وربط ابمكانه حمار وغير اللافته وكتب عالحمار كنت جلب ادري اني طلعت عن السالفة بس هذي مقدمة عشان اذا قلت لج عذري بقوله بدون شرح ههههه يالله عاد صبري هذي الحلقة الاولى |
خنقولج السالفة كنت بفاجئهم وبروح قبلهم لجبد قلت للسواق روح خذ السيارة وفولها بانزين ويوم طلعت لقيت التاي امبنجر قلت للسواق حط السبير خنروح ويصير خير بعدين ورحت فوق بعد نص ساعة نزلت والسيارة اوكي ركبت واول مرة اسوق بعد الحادث حاشتني نفاظة وقمت ارجف وخايف جني اول مرة اسوق ريلي اليمين وصلت للسكان وبعدين زادت الرجفة وصلت ريلي للمنظرة اللي يشوف فيها السايق وعلى طول صكيت الدريشة وقفلت السيارة خفت انها تطلع برا واقعد بالسيارة بدون ريل انا عبالي مستانسة وقامت اتناقز وبيني وبين نفسي اشغل لها اغنية اخيلها تستانس لا حرام الاغاني قمت اهديها واقولها يابنت الحلال خلاص انتي اول مرة اتروحين لجبد خلينا نسوق المهم قمت افر بالمنطقة هههههههه لما راح الخوف مني ومسكت الخط وقلبي قام يرقع خط سريع قمت اشجع نفسي وصار الشي طبيعي وانا بالطريج اسمع صوت كلشوي يزيد ولما زاد حيل هديت السرعة ورحت على طول لبنجرجي قلت الصوت اهنه وصار معاي بنجر وغيره السواق تمقل بالتاير3 دقايق انا قلت الحين بقطله الرقم جان يلتف علي وقالي احمد ربك ما انقلبت قلتله ليش شسالفة قال كل البراغي مفتوحه الا واحد بس اهو اللي مضبوط شوف هالبرغي فره بصابعه والثاني والثالث والرابع قلت الحمدلله ومسكت البرغي بيدي حتى الياهل اللي توه مولود عمره شهر يقدر يفكه بيده لا هذا ما يقدر يغير حفاظته اشلون يفكه لا عمره ست سنوات يقدر يفكه بعدين حركت ورحت لبجد ودشيت الجاخور وقلت للربع تراني بالجاخور لحد يمرني البيت
هذي الحلقة الثانية هههههههه ترا الحين بروح لجبد وبقيب يمكن الاحد ان شاء الله برد دعواتكم لي وليس علي هههههه |
لا اله الا الله
شهالسالفه مشعل انت شفيك ماتبي تترقع اصبر لين تتعافى بشكل كامل تالي روح وتعال.. الحمدلله انها عدت ع خير وانتبه لروحك ووين خالك غريبه عديت من يدينه هالمره اهو والافريقي اللي تقول دايم.. |
اقتباس:
اقتباس:
اقتباس:
المهم خنكملج السالفة سالفة العذر كان عندي موعد مراجعة وانا عبالي السفرة بعد اسبوع نسيت وكنت ناوي اكتبلج تراني بسافر يعني قبلها ابيوم وكنت نايم ابجبد ودق علي حضرة جنابه ها جاهز قلتله شالسالفة قالي بنروح المطار سفرتنا اليوم قلت من صجك انت عاد انا عندي صورة التذكرة شفتها وانصدمت عاد انا الزين فيني كله اجهز اغراضي قبل السفرة ابشهر قلتله اغراضي جاهزة وجوازي بالجنطة هاتهم معاك للمطار وانا ابجبد بركب تكسي وسيده للمطار والحمدلله معاي جنطة وفيها كلشي تسبحت وتعطرت وكشخت والربع نايمين اتصلت على التكسي وياني وطرت للمطار وما قدرت ادش المنتدى وصلنا ولله الحمد ولقيت الدكتورة سبجاووووو والنتايج كلبوها ولله الحمد زينة وهذا عذري ويارب مقبول وتعيدين لي الامتحان مقدم العذر مشعلاني |
والله لون حمل صبري فوقـك..ان تبرك
والله ولو تعتذر منـت بعلـى خــــــــبـري الحمدلله على سلامتك وعساها عافيه دايمه |
اقتباس:
اللهم جميعا ومشكورة بنت عمي وعساج عالقوة والله يسهل دربج ويسعدج فالدينا والآخرة واهم شي عندي مابي اكون امضايقج ابشيئ |
امين وياك بس شفيك كانك تودعني..
ومو مضايقني بشي لاتخاف |
اقتباس:
ضحكتني بنت عمي اي وربي العظيم ترا مو ابتسامة لا واللي خلقج ضحكت وكان ضايق خلقي اشوي وبعد ما ضحكت انشرح صدري وراحت الغلقة وبحلف عشان اتصدقيني وربي راحت الغلقة اعجبتني جملتج شفيك كانك تودعني تخيلت نفسي قاعد احتضر انزين انا وين بروح قاعد بالمنتدى ودعيت لج بالخير لاني وانا اقرا كلامج تخيلت شي ومالقيت الا الدعاء لج واصلا انا استانس لما اسولف معاج بنت عمي بقولج سالفة انا سوويت ذنب صج ضحكنا بس بعدها ندمت اقولها ولا ما اقولها !!!! |
سمعي هالمقطع ابصراحة اول ما سمعته عبالي القصة عن بر الوالدين لانه يتكلم عن امه راح المستشفى وووووو
https://2.top4top.net/m_1421f6g6o1.mp4 |
دوم الضحكه وسلامتك من كل غلقه وضيقة صدر..
شنو تخيلت ودعيت لي بسببه خنتخيل وياك.. اي قل اسمعك |
ي حليله بس حسيت امه حاسه وترقع له..
|
اقتباس:
هههههههههههههههههه لا تلومنها انا ضحكني اسلوبه جروني الاجاويد |
اقتباس:
يوم قريت كلامج حسيت انج شايلة هم وان فيه شي ابخاطرج ودج تقولينه بس في شي مانعج فتذكرت سوالفي هاليومين اللي طافو وعرفت اني ما عندي سالفة وابصراحة قلت بوقف مابي اسولف واهي عندها هم ولاني من الاول كان عندي احساس 100% انج متغيرة يعني فيج شي وكنت اقول بيي وبين نفسي معذورة وافكر اقول اشفيها عارفة متى حسيت انج في شي من يوم سالتني هالسؤال مشعل انت داش بالادمن وحلفت لج مو انا مع اني قايلج من زمان مخليني ادش بالادمن بس شايل عني بعض الصلاحيات ليش لاني خربت عليهم لوحة التحكم وعفستهم يمكن مرتين او ثلاث اللي خريت عليهم قلت يمكن يمكن كلمتج بالادمن بالغلط علبالي داش اب سواها قلبي ويوم سالتيني قلتلج مو انا قلتي فظنيتي اني اجذب وربي كانت في مشكلة لما انزل اكثر من رابط من اليوتوب على صفحة وحدة ما يطلع الا مقطع بس وكنت احن عليه من زمان بس لابسني وانا كريه اذا صار عندي احساس ما اعرف اسولف اي وربي العظيم مو بس بالمنتدى حتى مع الربع والاهل عاد من حلات سوالفي الحين وترا انا قايلج بعد الحادث قمت انسى وفي اشياء ما انساها وهذا مو اول حادث لي مرة مع الاثرم انقلبنا والله ستر ومرة اب روحي وهذي الثالثة مو اقول سالفة وباجر اضيع واغير بالكلام اعذريني |
يووووه ي مشعلاني والله انا شكلي اللي صاير لي الحادث مررره مااتذكر سالفه الادمن ورجعت ادور بالصفحات ماشفتها بعد..
المهم اسفه اذا تشوفني متغيره بس م اعرف الصراحه يمكن عقلت هههههه امزح امزح بس ماادري اذا متغيره او لا يمكن مجرد احساس عندك.. وانت اذا سالفه الادمن هي الذنب ي زين ذنوبك كيوت مرره هههههههه وبعدين مشعلاني انا ما اذكر زعلت منك واصلا مستحيل ازعل منك احد يزعل من نفسه؟؟ الله يهداك بس.. وسوالفك هي المتنفس الوحيد لي لاتقول تذكرت سوالفي ومالها داعي ومن هالحكي لانك تستهين بشي يفرحني ويغير لي جويي.. وارجع اقول سسسسسسولف للصبح ترى ماجيت للمنتدى ادور شي جيت عشانك انت اذا بتسكت وين تبيني اروح؟؟ احس كلامي خثاريدز ع قولة مدري منهم بس يعني احس خرابيط مو مفهوم بس ان شاء الله يكون مفهوم.. مممممم مدري شقول بعد بس طمني عليك كيف امور العلاج وشنو خطتك الحين وصرت تمشي تمام وكل شي؟ وسبجاااااو شخبارها، ماحسدت حد كثرها.. |
اقتباس:
والحمدلله انا ابخير ونعمة من الله سبحانه وتعالى تغلبت عالخوف وصرت اطلع الحين واهيم بالشوارع ابروحي واذا صارت طلعة شاليه او لجبد ما اخليهم يمروني ولا امر على واحد ابي اطلع ابروحي وجذي الساعة تسع وشوي كان برق وسمعت الرعد وطلعت اتمشى وطق مطر ولله الحمد ومريت البانزين والحمدلله والشكرلله خلاص رجع مشعل مثل ماكان امشي ولا جني فيني شي وهالايام كله طايحين ابجبد وناسة سوالف واذا يت الساعة 11 نروح للمزاد نقعد بالخيمة وتصير مواقف ونضحك بس اشوي بنزلج مقظع انا امصوره وجزء من جسمي طالع عاد من حلات الجسم هههههه استغفر الله بس نطنز اليوم لما بقيت اطلع يوم طق المطر مديت ايدي باخذ الغترة والعقال تذكرت موقف بالمزاد وماقدرت اسكت من الضحك ادري بطول بالسالفة بس تحمليني لما ينزل جهاز او اي شي يقعد يغرينا ابمواصفاته وفي واحد شايب يضحكنا اذا خلص من الشرح قال جم فتح الباب محد رفع ايده فيقعد يكرر جم فتح الباب جم فتح الباب وبعدين بقول يا ناس ساعدوني عاد انا شقول حق واحد من الربع اقوله تخيل واحد سكران وحاط غترته على جتفه والزقارة على جنب ويقوله ويسمعه يقول يا ناس ساعدوني ويقول ب 50 دينار الشايب بيستانس ويكرر 50 50 50 ويرد عليه السكران 80 هههههه طلعنا من الخيمة من كثر ما نضحك وفشلة اكثر الشباب يطالعون فهذا اللي تذكرته اليوم وقعت اضحك الحين بدور المقطع وبنزله |
هههههههههاي بهذي صادق شششوكرياااا ششششوكريااا سبجاوووووو الحلوه لانك سبب بسعادتي وبسلامة مشعلاني..
والله يبشرك بكل خير ع هالاخبار الحلوه وعساك بعافيه دووووم ي رب ويزيدك من فضله.. ب50 50 اجل هههههههههههاي ي اخي من جد ابي وياك بهالسوالف اللي تقولونها جوكم رايق شلون الاقي ناس زيكم ونيسين ماشاءالله.. يلا يلا الحماااااس الف رغم التعب البوم كان عندي اختبار والحمدلله هه هه نشوف الدرجات ليا طلعت ان شاء الله.. بس الحمااااس الف للمقطع تبعك يلا ترى احتريه لاتبطي علي مشعلاني |
ههههههههههههههههههه
بحطج المقطع بس تراه جزء ازغيرررررررررررر اللي طلع وبعدين تعالي الاختبار هذا شنو انتي بالجامعة ادرسين ولا شنو هالاختبار وان شاء الله يارب اتنجحين واذا ما نحجتي لا قدر الله بعد هذا اللي الله كاتبه لا يضيق خليج الحين انا عندي واحد من الربع بنام عندي وبحط المقظع وبعدين بكمل |
|
هههههههههههههههاي صغير ولاكبير خنشوفه
لا وين الجامعه مخلصينها من زمااااان هذا تبع الكفايات الخاص بقياس المعلمين اختبرته مرتين ونفس الدرجه 76والحين بعد اختبرته ع امل ارفع الدرجات.. مممممم زين يعطيه العافيه صاحبك وننتظر التكمله.. |
ههههههههههههههههههاي لو اشوفك ضربتك حسبالي بتبان انت ولا جزء من وجهك شي شيات اخر شي دشداشتك لا ونص الفيديو طرف دشداشه وزوليه سدو ههههههههههه لالا انا اطالب بتعويض حالا بالا من الضرر النفسي اللي لحقني من هالفيديو ههههههههههههاي
|
اقتباس:
انزين ما علينا الحين انتي مدرسة ولا شنو واذا اطلعت النتايج بشريني زين والله ويفقج يا رب اقتباس:
انتي هم عندج ربع وكاني انا معاج من زمممممان بالمنتدى هههههههههههههههه انا والربع والحمدلله متفاهمين ماكو حقد ولا حسد ولا زعل اقلوبنا بيضه وكلبونا ايد وحده و 99.99 بالمية مانطلع الا لما العدد يكتمل ولما اتسمعين عن ربع مستانسين وكله ضحك لازم اتعرفين ان من بينهم واحد دمه خفيف احم احم وواحد معاهم امصرقع والحمدلله كلبوهم اهل صلاة ولازم الصلاة بالمسيد ولا ما اطلع معاهم اكثر المواقف المضحكة اتصير صدفة وبعضها لا نتفق عليها وكل طلعة تكون احلى من اللي طافت اليوم دق علي واحد من الربع وقالي خنروح للسوق بشتري بخور رحت معاه للمحل اللي اهومتعود يشتري منهم وانا احب المصريين بس شوفي اشلون ابينصب علينا قاله عطني هذا قال حاضر دي علبة والعلبة التنية مجانا قاله ابجم قال المصري 24 دينار انا ضحكت وقلتله اشلون يعني بتقص علينا معقولة قاله رفيجي انا كله اشتريها ب 12 دينار عرف انه صدناه قال المصري لا دا كان عرض على طول عطاج الجواب ههههههههههههههه قلتله اخوي لا تضحك علينا انت بتبعنا العلبتين مع بعض وبتنصب علينا عطنا وحده ويلا فمان الله عاد اخذناها ب 12 دينار عباله احنا مانفهم وبنفرح بالهدية |
هههههههههاي اجل مابشوف حتى طارف اظفرك ي ابوي هههههههه انا اذا وصلت 80يعتبر انجاز لي هالاختبار اسمه قياس تعجيزي مررره والسبعين ترى مررررا متفوقه اعتبر غيري سنين للحين مااجتازوه والاجتياز 50٪..
وبعدين شكو وجهك عوره ترى ماعرفنا لك هههههههه اخاف تطلع تتحجب بعد وانا ماادري.. مممم لا انا مو مدرسه بس احاول الاقي تعيين بالتدريس وحاليا اشتغل بالقطاع الصحي بس دوامهم مرره مخربط وشفتات وقلق هالشي احس مااشوف اهلي ابد ولا اقدر اروح اي مكان لان الدوام 9 ساعات وكرررررف حيل ومااصدق ارجع انام وليا صحيت ارد للدوام وهكذا حياه بائسه بس الحمدلله انا قلت بتمسك بهذي لغاية مايجي لي نصيب بالتعليم والتعليم يعتمد ع قياس ودرجته عان كذا كل سنه تقريبا اعيده بس سنتين مرت نفس الدرجه هالمره بنشوف.. ممممم انت تقريبا كل ربعي ترى ربعي اغلبهم زملا عمل يعني ماالاقي اللي كيفي وجوري والاغلب مرره تفكيرهم سطحي وانا مااحب اللي كذا تلاقي كل سوالفها وهمها شنطه ولا جزمه الله لايبلانا مرات احس مخي جنب مخهم مخ عجوز بس مدري عجزت اتقبل اجلس مع ناس كذا.. .. يعني مالي ربع اضحك من قلب وياهم ويتفقدوني واتفقدهم.. فيه انت ووحده قطعت عني فجاه وحاولت اتواصل بكل اللي اعرفه عنها وماقدرت طبعا سبحان الله هي بعد كويتيه وراعية ضحك ووناسه وقلبها ابييييض .. الله يسعدها ويسعدك دنيا واخره... يعني انت ربعي كلهم.. المهم انتبه لروحك مشعلاني |
اقتباس:
ان شاء الله تتفوقين وحاولي وحاولي ولا تياسين خلج مثلي انا كنت كله اخذ صفر بالاملاء بالابتدائي وكل ما يعطينا املاء اخذ صفر وما ياست ابد وحاولت وحاولت لما اخذت مرة من المرات 3 تحت الصفر دخلت موسوعة غينيس وقالي ناد ابوك وعلتك كلبوهم انا يئست منك انا عاوز اروح مصر ومن باجر الوالد الله يرحمه وعمامي ثمانية ولد عمي ابوي وولد خالته ونسيبنا عند الناظر انا مكلم كل واحد ابروحه وترجيته ان مدرسينا افلان يبيك باجر الساعة 8 الصبح الناظر نادى المدرس ودخلت انا معاه عالناظر والناظر مايدري شالسالفة ههههههههههههههه جيش قاعد عنده المدرس يسالني فين ابوك قلت هذا ابوي وهذولا عمي افلان وهذا عمي افلان ووووووو وهذا نسيبنا وهذا ولد خالة الوالد يقولي المدرس انا ألتك جيب ابوك قلت لا استاد انت قلت ناد ابوك وعلتك كاهم جدامك المدرس من داخله وده يزنطني عاد قالهم اني اضعيف بالاملاء ولازم تشدو عليه وراواهم اخر امتحان وقال انا عاوز مصلحته باجر ابيكبر وبصير وزير وميعرفش يكتب والناس بتضحك عليه عاد اهو حاط بالامتحان صور حيوانات كل زوجين مع بعض يبنا نكتب اسمائهم ومن بين الصور هذي https://1.top4top.net/p_1434gpryw1.jpg انا كتب ديج ودياية عصب علي هاد التلاميذ كلبوهم وواقف على راسي اي دئ قام وحط خط عالدياية والديج وقالي اكتب ديك ودجاجة قالها بالمصري يعني بقششني وانا على طول كتب ديك ودgاgه خنكتبها لج بالانجليزي عشان تفهمينها dgaga الناظر يضحك والوالد وعمامي يضحكون على كلامي وانا اقول اهو بكحلها عماها انا كاتب دياية صح واهو يقولي لا اكتب ودgاgه اقولهم ابوي وامي امعلميني انها دياية وانت علمتني غلط والتفت عالوالد واقوله مو صح دياية قالي الله يرحمه روح للصف روح لا اتبرأ منك هههههههه اقتباس:
اقتباس:
وربي الله يعينج عالدوام تسع ساعات شدعو وعاد ياشين هاشفتات الواحد يتخربط نظام نومه وما يقدر حتى يطلع ما عليه تحملي وهذا رزقج اقتباس:
اقتباس:
|
| الساعة الآن 08:20 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir