|
مشعل كيفك طمني عليك الله يسعدك
|
مشعل وينك
الاثرم الله يسعدك اذا تعرف شلون صحة مشعل بالله طمنا عليه تكفى |
https://b.top4top.net/p_1086u7ovl1.jpg https://c.top4top.net/p_1086wn2s62.jpg https://d.top4top.net/p_1086bo5wm3.jpg https://e.top4top.net/p_1086n3b3s4.jpg https://a.top4top.net/p_1086lbh856.jpg https://b.top4top.net/p_1086zafp97.jpg https://a.top4top.net/p_1086olktj1.jpg https://c.top4top.net/p_1086occoz2.jpg https://d.top4top.net/p_1086kwiy73.jpg https://e.top4top.net/p_1086ejrca1.jpg بسم الله ع روحك مشعل مدري شقول خوفتني عليك وربي امانه طمني عليك لما تقدر ولاتخاف ترى ربك كريم فتره وتعدي لاتفكر فيها كثير.. انا واثقه بربي انم بتكون تمام وبترد لنا بخير وصحه احسن من اول.. اللهم إني اسألك بأسمائك الحسنى وبصفاتك العلا وبرحمتك التي وسعت كلّ شيء أن تمنّ على ( مشعل) بالشفاء العاجل، وألّا تدع فيه جرحاً إلّا داويته ولا ألماً إلا سكنته ولا مرضاً إلا شفيته، وألبسه ثوب الصحة والعافية عاجلاً غير آجلاً و شافِه وعافِه واعف عنه، واشمله بعطفك ومغفرتك وتولّه برحمتك يا أرحم الراحمين. https://e.top4top.net/p_1086qw8lc2.jpg اقتباس:
https://f.top4top.net/p_1086kacww3.jpg https://a.top4top.net/p_1086det3l4.jpg https://d.top4top.net/p_1086dn4nx1.jpg https://c.top4top.net/p_1086yma5z1.jpg |
ههههههههههه الله يسعدك ي رب وعساها سلامه دايمه ي رب.. اشتقنا لك وربي الحمدلله ع سلامتك سولف مشعل وتكلم فقدت حتى حروفك وكلماتك وربي شبعنا صور.. بس عجبتني جسوم طلقني هههههههههههه
طمني على صحتك ولاتقطعنا |
اقتباس:
آمين يارب جميعا وانا اكثر منج اشتقت للسوالف وللسحرة اللي اهنيه اخر مرة سولفت مع الساحر وبعدها ما ترقعت ومن قالج اني بنقطع عن المنتدى ابكيفي صدقيني قصبا عني وماودي اتذكر اللي طاف بس بعطيج موجز عشان مايضيق خلقي وياخذني الشيطان يمين ويسار طحت عليهم شالوني ودخلوني المستشفى والحين الحمدلله زين وماقدر اقعد اجابل المنتدى مثل قبل لازم اريح اشوي وان شاء الله باذكيم كلها جم يوم وترد عافيتي ومشكوره بنت عمي وماقصرتي عالسؤال وحبيت بس اطمنكم علي يعني كلشي انا مهم هههههههههههههههههههه |
بسم الله عليك من كل شر.. قدامك العافيه ولا تنسى اذكارك وسورة البقرة دايم خلها شغاله بحجرتك ولاتكلم حد من هالسحره ومدري شنو انتبه لروحك لاتسوي شي يأذيها ترى مو زين..
يلا لاتقطعنا بكيفك ولاغصب مالي خص احتريك دايم.. |
اقتباس:
|
وعليكم السلام والرحمه
بسم الله عليك وخطاك السوء.. ودام السالفه كذا ارتاح بشكل كامل ولاتتعب روحك خلاص وان شاء الله الايام الجايه تكون افضل وترد للمنتدى زي قبل.. الله يحفظك من كل شر ويقومك بالسلامة |
مشكورة بنت عمي وعساج عالقوة داش بس اسلم ان شاء الله تحتسب لي نقطه هههههههههههه وربي ودي بس شسوي لاني مقيد ولاني مفكوك هههههه انا طيب وبفضل من الله نشوفكم على خير يارب عادي احط صور تراها سهلة لي الطبيب قايلي لك 12 حرف تكتب وبس
|
هههههههههه دوم ي رب بخير وعافيه.. اجل لا انت مقيد ولامفكوك ههههههههههه الله يسعدك ي رب.. ايوه تحسب لك 100نقطه افا عليك.. وخذ راحتك بالصور اهم شي ماتقطعنا وبنفس الوقت ماتتعب روحك
|
السلام عليكم ورحمة الله وبركاته
مشعل وينك طمني عليك |
صباح الخير مشعل وينك ي اخي طمني عليك.. كل شوي اطل ع المنتدى عل وعسى الاقيك كاتب شي لكن للاسف
ولا عليك امر طمني عليك او اذا في احد ممكن يطمنا ع مشعل لايقصر الله يسعده ي رب نشوفك |
السلام عليكم
ومبارك عليكم الشهر مشعل شلونك طمني عليك مالك بينه من كم شهر.. ولاعليك امر اذا ماتقدر تكتب حط لو صور او اي شي بس طمني عليك الله يرضى عليك |
مشعل وينك ..
|
مشعل وينك شهالغيبه ي اخي طمني عليك تكفى ترى كل يوم أشوفك اذا جيت او لا
والله ما ادري شسوي ماعرف كيف اتطمن عليك مافيه الا هالمنتدى وماعاد جيته وينه الاثرم طمني على مشعل الله يسعدك تكفى ي اخي |
السلام عليكم ورحمة الله وبركاته ومساج الله بالخيرات واشلونج بنت عمي عساج ابخير يارب غبت قصبا علي وكل اللي اذكره في طاولة ابغرفتي مثل اللي بالمستشفى كنت عالفراش وبسحبها ابي الكمبيوتر ايام الحادث وبقت تطيح الطاولة باللي فيها ونسيت اني متعور جان امد ايدي بمسكها طحت عالارض وياج الكمبيوتر على راسي ظهري طوله متر خلاه وراح على راسي ابو 10 سم هذي جريمة متعمد التبن وكنت ابروحي بالبيت وتعورت لاني قادر اقوم ولاني قادر اسعف نفسي ومن التعب طحت غشيان وصلت الاسعاف البيت اخذوا الكمبيوتر وخلوني يقولون هذا اخف منه فقت الذاكره وقمت انسى وايد وماعرف احد وصل الخبر لخالي والكلام هذا انا سمتعه بعد شهور بعد ماردت ولله الحمد الذاكرة قعت بالمستشفى وبعدين سفروني اتعالج برا ومنو اللي كان معاي مرافق اليهودي ارحم منه منع عني كلشي وقطع اتصالاتي مع الناس من يوم طحت لليوم هذا كلبوهم الربع عبالهم اني مت وحتى بالديرة ما يدرون اني بالمستشفى وشارط عالمستشفي اي شي اطلبه ما يعطوني الا عن طريقه وطلبت الطلاق منه وتفتيش ذاتي اهو اللي يعطيني الدوا واهو اللي يشربني ويرضعني واهو اللي يغسلني صرت جني ياهل مرات اسوي نفسي مسكين ابي اتصل يقولي والله لو اشوفك تحتضر ماعطيتك تشهد بس هذا خال ويوم رجعت ولله الحمد الديرة عاد انا متفق معاه يحطلي ممرضة تساعدني بالبيت ومزيونة حطلي ممرض اسمر اعوذ بالله منه مايسمع ولا يتحجى ولا يرحم افريقي اول ما بطلت اعيوني من النوم شفته عبالي انا بالبحر اشوف مد وجزر شنو حلمان اخذت الريموت وبطلت الليتات اثاري اهو بطل كمال اجسام ومعظل جسمه شي مرتفع وشي نازل سالت الخال منو هذا قالي هذي الممرضة المزيونة اللي طلبتها مافي داعي تنزل من فراشك اهو يشيلك ويردك وتراه اهو عصبي وتوه طالع من السجن طاق واحد واحكموا عليه عشر سنوات سجن حالتي حالة صارت قمت انسى فلا تلوميني اذا خربطت بالسوالف وقطيت خيط وخيط تراني اب فترة نقاهة وشهر عسل مع هالمعظل ما يرحم عيونه حمر الكمبيوتر لما طاح علي رحمني وخلاني اسافر هذا كلما شالني اتشهد اقول الحين بقطني من الدريشة راعو شعوري ومشكورة حييييييييييييييل عالسؤال |
اهلين والله والحمدلله على سلامتك وخطاك السوء مشعل واخيرا شفناك وربي استانست حيل بشوفتك الله يعطيك الصحة والعافية دوم اما خالك الله يسامحه اللي خلاك تقطعنا لا هو اللي خلاك تطمنا ولا هو اللي طمنا عليك الله يسامحه والله..
مسموح دايم وكل ماقدرت طمنا عليك ولو تقدر دش المنتدى من جوالك اسهل لك من اللابتوب واذا فيه شي تواصل تستخدمه من الجوال خبرنا نتابعك ونتطمن عليك منه.. ومشكووووور حيل حيل لانك طمنتني عليك الله يسعدك وي رب تتعافى بسرعه وترد للمنتدى.. انتبه لروحك |
اللهم جميعا يا رب وما قصرتي بنت عمي وبقولج شغله عبالج الحين انا عندي تلفون مال اوادم قايلج اليهودي ارحم منه عطاني تلفون نوكيا القديم حيييييييييييييييييل ماله يقولي دق على ربعك زين مو حافظ ارقامهم يقول مشكلتك وحطلي ارقام خواتي على ورقة خذيت النوكيا بتصل كسر خاطري ريال عود هههههههههههههه احس وانا اضغط عالارقام وخاصة رقم خمسة اني قاعد اعذبه وذكرني مرة من المرات رحت المقبرة بنصلي على واحد من الاهل الحين تقول وين اللي تقول قمت انسى واييييد يبا في شي انساه وشي اذكره على مزاجي ههههههههه دخلت المسيد ويوم طلعت بلبس الجوتي عاد توني شاريه وغالي واول مرة البسه ومن خوفي عليه خاشه اب مكان محد يشوفه ويوم لبست الجوتي ولا حمام سباحة واحد ماخذه ومتوظي فيه من هالعمال قهرني مشيت ورا الجنازة واصوات تطلع من هالجوتي ما ادري ابجي عالميت ولا ابجي عالجوتي
بنت عمي ابصراحة انا ماينفع معاي غير العنف لو مخليني على كيفي جان مشعلاني ابعالم ثاني عاد نطري متى اصير زين حرمني عشان اصير زين دلع ولعب ماكو احكامه عسكرية مايرحم مشكلته انه يحبني ومرة يعني بكسر خاطره انا نايم وقعت وشفته واهو مايدري قمت اخربط بالكلام جني حلمان ابي امي ابي ابوي ا انقطعت عن العالم محد يكلمني وابي وابي وابجي شوي واسمعه يقول اللي فيك يني وبطلعه قرأ علي وانا امكمل التمثيلية يمه يمه جان يطقني بخيزرانته فاجأني اطلع من هالجسد وانا من الخرعة وما توقعت الطقة طلعت قبل اليني اهرول تعال مو انت اهو يبا انا للحين مستعمرني صبري خناخذ استقلالي وبعدين ان شاء الله اتشوفين سواها قلبي ماغيره انا زين قام يعطيني اللابتوب ويقولي انا اتوقع علاجك معاي يبيله 4 سنوات عاد ننطر |
ها بنت عمي شخبارج عطينا موجز الانباء هالاشهر اللي غبتيها شصار ما صار وشنو اخر اشعارج من زمان عنها الحين تكتبلي كلمتين وتقص علي
على حطة ايدك ماكو شي الشعر من زماااااااااااان عنه |
أخدت شهادة السواقة و ضغطت ع قلب زوجها وبعد نكد عطاها السيارة...🤦♂
وهي راجعة من الشغل 😳اتصل عليها زوجها😳 و قال لها الله يرحم والديك انتبهي على الطريق لأن بالراديو يقولوا في سيارة ماشية عكس السير !!! اخاف تطلع بوجهك وتدعسك قالت👱♀: موبس سيارة وحدة ، الله لا يوفقهم كل السيارات ماشية عكس السير😂😂😂 والله جننوني 🙆♀🙍♀ https://2.top4top.net/p_1314itq101.png |
هههههههههه استغفرالله خالك هذا جبار س يلا عشان صحتك كل شي يهون ويلا محد قالك تسوي روحك فيك جني الحين الجني ماسك راسه بالزاويه من فعايلك ههههههه...
امممم طيب ترا بنتظر يصير وياك جوال واشوف شي اتابعك فيه غير المنتدى ماراح انسى... |
هههههههههههه الصراحه كنت ناويه اكتب نفس الرد بس مايمدي خلاص انت حافظه بلتزم الصمت هالمره ههههههه
|
هذي انا لما اطلع الرخصه ان شاء الله هههههههههههههههههههههه
|
” اللهم لا تخرجنا من يوم عرفة إلا وقد أصلحت حالنا، وقويّت إيماننا، وأسعدت حياتنا، وحققت مافي بالنا، يارب إنك على كل شَيْءٍ قدير
اللهمّ في هذا اليوم المُبارك، ارحم أبي و أموات المسلمين وبرّد على قبورهم، وافتح لهم نافذةً من نوافذ الجنة لا تُغلق أبدا.. اللهم يا من تعيد المريض لصحته و يا من تستجيب دعاء البائس الضعيف اشفي (مشعل) يارب العالمين والبسه ثوب الصحه والعافيه وقر اعيننا بسلامته ي ذا الجلال والاكرام. اللهم لا ترد لنا دعاء في هذا اليوم الفضيل اللهم اشفه و اشفي مرضى المسلمين جميعاً.. |
اللهم امين جميعا ويازج الله خير بنت عمي وعظم الله اجرج واحسن الله عزاج وعساه يا رب بالجنة ويرحمه برحمته ويرحم الاحياء والاموات
|
اقتباس:
هههههههههههههههههههههههه حلوه سالفة اليني قاعد بالزاويه هذا دكتور اهو الوحيد اللي ما اقدر اجذب عليه ابسرعة يسال شيطاني صج اللي قاله هههههههههههههه بنت عمي انا الحين ولله الحمد ابخير واحسن من اول اب وايد لو راده علي جان الحين انا معوق ما اقعد لازم اتحرك واحوس اذكر يوم حاش الاثرم بو صفار يحمد ربه ما حاشته ام اصفار جان اذته بالطلبات ههههههه عطوني قصته هم اهو مثلي ههه قاله الطبيب لا تتحرك ماطول وقام يطلع وانكسر صبعه هههههههههههههههه يالله قعد بالبيت ويحاول يتحرك والعوار ماخلاه يتحرك |
اقتباس:
|
اللهم امين ربي يجزاك الجنه..
|
الحمدلله رب العالمين وشكرا كثير كثير لخالك لانه اعتنى فيك لحد ماتحسنت حالتك وربي يسعده..
ويلا ننتظرك دايم لان المنتدى يحتاجك .. |
كل عام وانتم بخير ومن العايدين الفايزين ي رب ��
|
اقتباس:
ههههههههههه انتي ذكية بس وين بتروحين مني صايدج صايدج والايام بينا وانا العصر كتبت رد اهنيه والشحن خلص وانصك الجهاز وطار الرد عاد اشطول ردي والله فكج منه وربي بتعبين من القراءة بنت عمي يالله عطينا جم بيت شعر تراني اول المعجبين اب اشعارج وانا وربي ناوي اسووي لج مفاجأة بالمنتدى بس بحاول بحاول بحاول اسويها واذا انجحت راح تشوفينها وادري انها بتصير خوش مفاجأة بس يالله عطينا جم بيت عالحساب |
اقتباس:
حسسسافه والله عاد انا احب الرساله لما تطول استانس وانا اقرأ بس يلا عساها خيره ان شاء الله.. بس جد ترا ردي هذا لما كنت اقوله صدق مو سالفه ذكاء او شي.. حماااااااس وربي للمفاجأه احينه شلون بصبر بتلاقيني كل يوم وكل ساعه اطل ع المنتدى ادور للمفاجأه ههههههههههه بس يلا اهم شي تصير ان شاء الله ع خير.. ممممم الابيات والله ماظنتي فيه معجب غيرك فيها ههههههههههه انا ارجع واقول لك من زمان وربي عنها، تقريبا ما اكتب الا لو انت طلبت وابشششر من عيوني م طلبت شي خلني شويات افكر بفكره واكتب كم بيت وارجع انزلها بالمنتدى.. تريونااااااا >خفي علينا ههههههههه |
يلا هذا اللي طلع وياي ان شاء الله ان شاء الله تعجبك ولو انها مو مترابطه حيل بس سريع سريع مااحبك تنتظرها اخاف اطول عليك..
يلا بسم الله، امست بصدري حاجتك مني لبيت .. واحتجت ارتب كل كلي لكلك.. القاف وحروفي ولحني و سميت .. وقربت خط الحبر والدفتر السلك.. لبى حضورك مسيت بي وفيك مسيت .. ي ملهمي بالشعر لك شعري أُهلك .. من غير حلف حروف الاشعار خليت .. خبري بها وياااك وايام وصلك.. عين ونظر حالي معك، انت اوحيت؟! .. ي نور عين اللي رهن عمر لأجلك.. |
اقتباس:
بسم الله وربي توني بطلع اعيوني قامت تنزل ماي مو ادموع من القراءة وسبحان الله نزلت تحت بشوف شغلة جان اشوف اسمج قلت شنو هذي نجد منزلة رد ولا يتراوالي بتاكد ومسحت ادموعي بكلينكس وطالعت المنتدى ما شفت شي حتى الكبميوتر ما اشوفه شسالفة اثاري اعويني لاصقة بالكلينكس هم زين ما قطيت الكلينكس بزيالة جان اردهم ابمكانهم وبعدين تعالي اهم شي انا اللي معجب بشعارج واعتقد هذا كافي انا عن مليار شخص هههههههههه طلعي اللي عندج وانا بقرا والمفاجأة صبري اشوي وانا عارف انها بتعجبج وربي بس خنحاول ويبيلي بروفات يالله انزلها لج |
اقتباس:
|
اقتباس:
ترى رديت بالكلام اللي فوق وصار مخربط مع كلامك ماعرفت شلون اعدله.. |
اقتباس:
يا سلاااااااام ويعطيج الف الف الف عافية وانا اوحيت جان زين اعرف اقول شعر جان سطرت لج الابيات بس اني دايم مزعجج بالمنتدى وكله اطلب منج شعر شسوي وبعدين اذا كان شعرج مو مرتب وزين عيل لو رتبيته شنو بيطلع انا ابصراحة احب الشعر واكره شي عندي بالمدرسة اذا قال المدرس هذي حفظ يبط جبدي شحفظ عشرين بيت بيتنا أجار وين احفظ واقعد اشيل هم هالقصيدة وطيلج سب بالشاعر وربي ما اذكر اني حفظت قصيدة كاملة اول بيت احفظه والباجي اهي تحفظني ههههههههههههه للحين قاعد اذكر اسم قصيدة عشان اكتب لج اسمها وربي ماني مذكرها ويوم قدمت على شغل نادوني بسوون معاي مقابلة سالني واحد شنو عندك من خبرات قلتله احمد شوقي امير الشعراء يقولي خبراتك قلتله هذا اللي خذيته بالمدرسة قام يضحك لا ونحجت بالواسطة ههههههههههه حتى بالمقابلة مو ناجح وين ارووووح دوامت علموني الشغل ما لقيت فيه تضاريس وجبال الهملايا ولا قصايد ولا تعبير ولا تاريخ الدولة العباسية ولا شي من اللي خذيناه بالمدرسة عيل شحقة امدرسنا وواجبات وطق انا اذا اولدت زوجتي ماني مدخله المدرسة الحين خل يطلع من بطنها هذي للحين ما ولدت الظاهر بتولده متعلم وخالص ويطلع متوظف بس ماعليج بنت عمي وربي ابياتج حلوه وسهله وفيها نقزات هههههههههههه بس عاجبتني وداشة مزاجي عاد انتي وضميرج هذي الابيات مستعيلة وعلى قولتج مو مترابطه خنشوف الابيات اللي على راحتج ومترابطه نحن بالانتظار |
اقتباس:
ههههههههههههههههه وربي ماشفتها ويوم قريت كلامج رجعت فوق عبالي بتضحكين معاي لو ساكته جان كلشوي وحان عليج يالله وين الشعر اسف كنت دايخ |
ههههههههههههههههاي المفروض دامك تحب الشعر انك تحفظه من حبك له بس انت غير الناس تحب بس ماتحفظ.. مممممممم اما سالفه الوظيفه انا لومكان اللي سوى لك المقابله احطك مدير ع طول بس بقسم الارشيف عشان تحفظ قصايد ومعاملات وارقام تعذيب لك ههههههههاي،
مممممم ان شاء الله ابشر خلني امخمخ كم يوم واكتب شي عدل واراويك ماطلبت شي مشعلاني.. ايوه بخبرك شفت الرد تبعك اللي كاتب فيه انك بتسوي بروفات للنفاجأه ومدري شنو ترى انا رديت عليه بطريقه الاقتباس بس كلامي صار نصه بين كلامك و نصه صار زي التعليق للاقتباس وانا كتبت لك اني رديت ماكنت اقصد الابيات كنت اقصد كلامك اللي انا علقت عليه،، المهم اذا فهمت شي الحين من شرحي انا اتحداك لاني انا بكبري احس تخربطت.. اذا مافهمت كلامي ولا لقيت ردي اللي خبرتك برجع اكتبها لك برد منفصل.. ايوه بقول لك شي بعد البارح صورت بالليل جزء من البحر وكتبت عليه اهداء لمشعلاني بس ماعرفت انزله واصلا التصوير من جنبه ماعرف اصور كلششش بس كانت بخاطري اعرفك تحب البحر حيل.. |
اقتباس:
اول شي لا تتأسف وثاني شي شف تعليقي اللي اقول فيه والله الحماس عندي الففففف > هذا اقرا الاقتباس اللي فيه انا كاتبه فيه بعد رد ع كلامك بس تخربط وي كلامك اذكر زمان كذا مره صارت هالحركه وانت ماكنت تنتبه لكلامي لانه داخل بكلامك.. ي رب تكون فهمتني |
| الساعة الآن 06:03 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir