بھديك بيتين شعر وانت تستاھل [الأرشيف] - الصفحة 2

سواها قلبي

01-10-2020, 08:49 PM

صليت الفير مع واحد من ربعي وهذا اعز اعز اعز واحد فيهم على قلبي وكل ازغيره وجبيره فيه اعرفها انام عنده بالبيت ايام واكل واشرب واهو نفس الشي ينام عندي ايام وياكل ويشرب طلعنا من الصلاة وقالي انا يوعان مشتهي باجه قلتله انت تننسى قالي يالله خنروح قلت انا فيني النوم بروح اتسبح عشان اطير النومه وبعد ساعة بمرك

وصلت بيتهم واتصلت ما شاله وقلبي ناقزني في شي مو طبيعي ومثل العادة عندي مفتاح بيتهم دشيت وتنحنحت وسيده لغرفته عبالي نايم ومثل العادة اذا دشيت غرفته احط جوتييي برا عشان اهله يعرفون اني عنده

شوي واسمع وحدة تبجي وبطلت الباب ودشت علي واهي تقول اخوي مات مات ابصوت عالي انا طحت على فراشه ولا حاس بالدينا اول مرة يصير فيني جذي يمكن لانها ارعبتني بصارخها وفاجأتني بالخبر ماني عارف شسوي ماني امصدق قعت اطالع الباب وانا نايم على ظهري الحين يدش علي لا لا هذا حلم قعت استغفر واسبح واقرأ قرآن وجان اتذكر التلفون واتصل عليه اكثر من 20 مرة وما يرد شوي وتبطل الباب ولا اهي امه الويه اصفر ماكو دم ودموعها تنزل على خدها وقاعدة اطالعني وساكته اكسرت خاطري جان اقولها بالغلط وخانقتني العبرة اشفيج ( يمه ) العادة اناديها خالتي وما تمالكت نفسها وطاحت عالارض شالها اخوها وبناتها كانوا وراها واقفين خذوها للصالة وانا قعت بالغرفة محتار شسوي

وبعد ما هدت شوي يتني مرة ثانيه قالت يولدي طلبتك لا تردني قلتلها يمه انفذه من هالدقيقة قولي وانا حاضر قالت انت ابروحك بالبيت وابيك تنام عندي تاكل وتشرب مثل قبل وخلك طبيعي واتغشمر معاي انا ان شفتك شفت ولدي وهديت لا تخليني وتروح تكفى تفكى هذا ملحقه محد يمك وهذا تلفونه ودق علي منه ريلي مات وولدي مات وانت الحين كلشي لي اب هالدينا توهقت ووافقت

قمت اتصل عليها واهي ماتخليني هم تتصل ابكل وقت يمه ابي هالطبخة يمه ابي عشاي جذي يمه عندي الربع اليوم يمه ويمه وردت الروح فيها اشوي والحمدلله عندها خدم وطباخة وانا اعرف كلشي عنها رفيجي امعلمني ازغيرة وجبيره عنها حتى اهي عندها دوا تاخذه قبل النوم كله تنساه ويتصل عليها الله يرحمه ويذكرها والحين انا اخذت دوره هم ادق عليها ابنفس الوقت يمه الدوا اخذيه تراني عادهم واذا ما كلتيها انا باكلها وتضحك الله يصبرها وهذي السالفة كلبوها

سواها قلبي

01-11-2020, 04:37 PM

مقابله مصيريه

بنت عمي شصار عالمقابلة بشرينا

نجد2

01-11-2020, 10:59 PM

الله يرحمه ويغفر له ويربط ع قلوبكم.. الفقد موجع واذا صار فجأه اكثر وجع.. وان شاء الله انه من اهل الخير مصلي الفجر مع جماعه ربي يرحمه..

بخصوص امه بعذرها تبي تشوفك لانك تذكرها بولدها بس عاد كموضوع نفسي مااعرف اذا صح او لا..

بس انا لاحظتك تقول انه انت بالبيت لحالك ليش وين امك؟
وهذا صاحبك مااعرفه خبري صاحبك مرزوق القوطي ههههه بس هذا شكلك مو مسولف لي قبل عنه..

نجد2

01-11-2020, 11:01 PM

المقابله ان شاء الله تمام باقي إجراءات ثانيه وفحص طبي وبعدها اذا كل شي تمام بيعطوني العرض الوظيفي بس فيه شغله ممكن تخرب علي فما ابغى اتأمل وانصدم وبنفس الوقت الواسطات مرره قويه فما ابي اتحمس وانصدم.. خليت الامور تمشي سهالات وربك كريم

سواها قلبي

01-14-2020, 12:02 AM

الله يرحمه ويغفر له ويربط ع قلوبكم.. الفقد موجع واذا صار فجأه اكثر وجع.. وان شاء الله انه من اهل الخير مصلي الفجر مع جماعه ربي يرحمه..

آمين يا رب يزاج الله خير

بخصوص امه بعذرها تبي تشوفك لانك تذكرها بولدها بس عاد كموضوع نفسي مااعرف اذا صح او لا..

صح كلامج وانا مو بس اذكرها ابولدها لا اهي معتبرتني ولدها ما تشتري له شي الا انا معاه لازم دبل الساعة ساعتين التلفون جهازين ونفس اللون مستحيل اتفرق بينا

بس انا لاحظتك تقول انه انت بالبيت لحالك ليش وين امك؟

افا نسيتي يوم قلت لج ان امي حاشتها جلطة وطريحة الفراش وقاعده عند اختي ما الومج عالنسيان امصلية قبل الاذان

وهذا صاحبك مااعرفه خبري صاحبك مرزوق القوطي ههههه بس هذا شكلك مو مسولف لي قبل عنه..

مرزوقوه القوطي هههههههههههه شوفي بنت عمي هذا مالها بطولات عشان اقولها لج هذا بس يضحك اما مرزوقوه هذا فله ما اعتقد في واحد مثله ماخذ البطوله

المقابله ان شاء الله تمام باقي إجراءات ثانيه وفحص طبي وبعدها اذا كل شي تمام بيعطوني العرض الوظيفي بس فيه شغله ممكن تخرب علي فما ابغى اتأمل وانصدم وبنفس الوقت الواسطات مرره قويه فما ابي اتحمس وانصدم.. خليت الامور تمشي سهالات وربك كريم

اللي الله كاته لج بصير واهو خير لج والله يوفقج

نجد2

01-14-2020, 12:14 AM

الله يشافيها ويعافيها ي رب ويطول بعمرها والله اني ناسيه اذا انت قلت لي من قبل بس مااذكر والله..

افاااا حتى انت تطقطق علي
هههههههههاي يجي لك يوم ي جووورج

سواها قلبي

01-14-2020, 12:32 AM

هههههههههاي يجي لك يوم ي جووورج

ههههههههههههههههههههههههههههههههههههههههه لا مو قصدي انا قاعد اعذرج واذكرج ابشي سويتيه ههههههههههه وبعدين انتي اللي بديتي ههههههههههههه

اهليييييييين جورج ي مرحبا والله وين غيباتك

بس تدرين بنت عمي جني حبيت اسم جورج جنه ابوئج حلوووووووووو

سواها قلبي

01-14-2020, 12:41 AM

الله يشافيها ويعافيها ي رب ويطول بعمرها

اللهم آمين يا رب ويشفي كل مريض مسلم

نجد2

01-14-2020, 01:05 AM

ي عيااااارر بديت بشنو انا اعترف انك تتطنز لاترقع مايمديك ههههههههههاي بس اصلا عاااااادي متعويداااااا دايمااااااااا

لالا اسمك الحقيقي اجمل واقرب للقلب مشعلاني.. جورج مجرد اسم حبيب بنت الكويت لاتنسى وتنسينااا وياك

سواها قلبي

01-14-2020, 02:09 AM

ي عيااااارر بديت بشنو انا اعترف انك تتطنز لاترقع مايمديك ههههههههههاي بس اصلا عاااااادي متعويداااااا دايمااااااااا

هههههههههه شاهد مشفشي حاجة لا العفو

هلالا اسمك الحقيقي اجمل واقرب للقلب مشعلاني.. جورج مجرد اسم حبيب بنت الكويت لاتنسى وتنسينااا وياك

ههه بنت الكويت حبيبه وترا طلع زوجها لبناني شفته مرة بالقهوة وسلمت عليه وعليها وعرفتني عليه وشفت اعيالها الثلاثة الزغير شيطان طالع عليها هههههههه وزوجها يقولي عم بتكلمني عنك كتير وعن اخلائقك وانا اقول ابقلبي وانت ما تغار كلشي عندك عادي ههههههههه انا لو زوجتي جان ذبحتها يلا الله يوفقها مع ريلها وعيالها الثلاثه وانا للحين زوجتي حامل وبندش السنة السابعة ما خليت ولا دكتور حتى البيطري رحت له كليوهم يقولون حتولد اصبر

نجد2

01-14-2020, 07:47 AM

هههههههههههههاي هالمسرحيه من اجمل المسرحيات ي اخي فيه مسرحيات تضحكك بكل مره تشوفها فن محبوك صح مو زي الحين مسارحنا استعراض..

مممممم ي حظها ع الاقل لبناني يصبحها بقولة حبيبة البي و تعي نطلع و ماتتعبي حالك ومن هالحتسيات الزينه ووجه زين الله يهنيها ماشاءالله عن نحسدها هههههههههه..

انت وحرمتك المفروض يدخلونكم موسوعة غينيس ع هالحمال شكله يبي يطلع ببدلة المدرسه 7سنين ي دافع البلاء والله شكله تخلل ببطنها ههههههههههههههه

سواها قلبي

01-15-2020, 12:25 AM

هههههههههههههاي هالمسرحيه من اجمل المسرحيات ي اخي فيه مسرحيات تضحكك بكل مره تشوفها فن محبوك صح مو زي الحين مسارحنا استعراض..

مسرحية شاهد مشفش حاجة حلوه وكنت ايام زمان اشوفها اما الحين لا اذا اذا اذا بقيت اشوف مسرحية اشوف مسرحيات قديمة انا احب سعد الفرج غانم الصالح الله يرحمه وخالد النفيسي وابراهيم الصلال هذا يشابه الوالد الله يرحمه وعبدالعزيز النمش ومبيريج وبو علوي

من شهرين او اكثر اذا بتغدى احط مسرحية هلو بانكوك بس لقطات الصلال والسريع ومبريج بس والباجي اطوفه وبعد ما مليت منها شغلت مسرحية بيت بوصالح عبدالعزيز النمش وغانم الصالح والنفيسي وبعدين اقعد خمس سنوات ما اشوف شي ابد وبعدين ارجع اشوف

والممثلين بالوقت هذا اللي يضحكوني عبدالناصر درويش وعبدالعزيز المسلم

واكثر المسرحيات هالزمن هذا كله تطنز ومسخرة وقلة ادب الواحد يستحي يشوفها مع اهله ومسرحيات قبل هادفه فيها تطنز بس هالخفيف

يصبحها بقولة حبيبة البي..

خايف تسفره ههههههههههه

انت وحرمتك المفروض يدخلونكم موسوعة غينيس ع هالحمال شكله يبي يطلع ببدلة المدرسه 7سنين ي دافع البلاء والله شكله تخلل ببطنها ههههههههههههههه

هههههههههههههه اي موسوعه غينيس هذي ما تكفينا نبي وحدة اكبر وانا اللي يحز ابنفسي انا متزوج قبلها واهي عندها 3 تبارك الله وانا للحين ماولدت وما اعتقد انه متحلل ابطنها من 3 شهور امسويه عيد ملاده السادس واهو ابطنها هذا يدل على انه مو متحلل للحين لا بعد وانا قاعد يمها happy birthday ونفخت على شمعتين واهي الباجي

نجد2

01-16-2020, 12:28 AM

من جد مسرحيات اول تشاهدها عادي ووياك اهلك كبار وصغار.. ي زينهم كل مابي انبسط اتابع مسرحيه من مسرحياتهم..

مممم ناصر درويش كل مااشوفه تطري علي لانك من قبل قايل لي تحب تتابعه..

ي ليل هالبزر اللي احتفلتوا فيه وهو ببطن امه هههههههههه ماله نيه يطلع شكله عارف الدنيا فيها بلاوي قال بطن امي ارحم ههههههههه..

سواها قلبي

01-16-2020, 02:02 AM

من جد مسرحيات اول تشاهدها عادي ووياك اهلك كبار وصغار.. ي زينهم كل مابي انبسط اتابع مسرحيه من مسرحياتهم..

مممم ناصر درويش كل مااشوفه تطري علي لانك من قبل قايل لي تحب تتابعه..

اي وربي صدقتي مسرحيات قبل يا زينها ويازين اليمعة مع الاهل وانا ما اعرف اكثر هالمسرحيات الا من هالشياب بالقهوة وبرامج تلفزيونة قديمة ادش اليوتوب واشوفها يشوقوني لها واذا قعت معاهم استانس وربي اتعلم منهم كلشي

ومن يومين كانوا يسلوفون عن مواقف محرجة صارت لهم واحد منهم يقول رحت للخفجي ابي الشيخ رشيد اللي يقرا وانا مادل مكانه يقول وصلت الخفجي وسالت واحد قالي بالمكان الفلاني وراح تلفى سيارات وايد يم بيته جان اروح عالوصف ولقيت سيارات ودشيت الدوانية ماكو مكان تقعد فيه يقول انا ابي ماي مقري وزيت بس وبرجع للكويت دشيت الديوانية ولا سلمت وطلعت من الباب الثاني ورحت سيده للصالة يقول شفت نعل حريم وسمع سوالفهم ورجعت اركض للديوانية واهم يطالعوني وسالتهم ابي ماي مقري مو هذا بيت الشيخ رشيد راعي البيت يقوله اقعد الحين تغد والشيخ قاعد يقرا عالحريم يقول قعت معاهم وتغديت ويوم خلصت سالني شنو سالفتك قلتله السالفة جذي جذي وان بيتهم يمه سيارات ودشيت عليكم ابي زيت وماي مقري قاله حجي هذا بيتي ومو بيت الشيخ وتشرفنا بمعرفتك والناس تسمعنا ورح يافلان وده للشيخ يقول من الفشلة قلت خلاص المريض طاب وبرجع للكويت مشكورين وماقصترو

ي ليل هالبزر اللي احتفلتوا فيه وهو ببطن امه هههههههههه ماله نيه يطلع شكله عارف الدنيا فيها بلاوي قال بطن امي ارحم ههههههههه..

هههههههههه ما عليج انا معطيه مهلة لآخر السنة اذا ما طلع باكل امه

نجد2

01-17-2020, 04:08 PM

من جد القعده وياهم ماتنمل ابد تعيش زمنهم وطيبته..

ي الله القصه لو صايره بوقتنا الحيين كان فيها ذبح وقتل وعلوم.. بس اول قلوب سمحه وظن حسسن ببعضهم..

اما تاكلهاااا هههههههههههههاي ثلاثه بواحد بتصيرون ي رباه هههههههههاي

سواها قلبي

01-18-2020, 10:41 PM

اما تاكلهاااا هههههههههههههاي ثلاثه بواحد بتصيرون ي رباه هههههههههاي

ما عليه باخذ غيرها

من جد القعده وياهم ماتنمل ابد تعيش زمنهم وطيبته..

ي الله القصه لو صايره بوقتنا الحيين كان فيها ذبح وقتل وعلوم.. بس اول قلوب سمحه وظن حسسن ببعضهم..

تبين الصج كلامج 100 /100 تعيشين ابعالم ثاني عالم تكانه مو رقله الغشمرة لها وقت والجد له وقت واذا تكلم واحد من هالشياب اكثر المرات يصير النقاش بين اثنين والباجي سماعي ومع السوالف يسولف واعيونه على ساعته يبي يروح للصلاة قبل الاذان وبعدين يتواعدون على زيارة المريض ابيتهم ولا بالمستشفى وانا اروح معاهم سبحان الله يشجعون الواحد يعني مالك عذر وانت شاب يعلومنج الدين عملي

وانا احب الشياب وسوالفهم اول امس بعد ما شفت الوالدة طلعت ولقيت جار اختي شايب توه صافط سيارته سلمت عليه وحبيت راسه و 45 دقيقة سوالف وسيارتي تشتغل واهو قاعد ابسيارته وربي ما نزل وانا اقوله عمي انزل قال لا انا مرتاح جذي وقام يعطيني سوالف من سنة 1952 وافلان وافلان وانا اقوله اعرف اخوانه فلان وفلان ويقولي تكفى سلمني عليه وامس صليت الفير بالمسيد عندهم وقعت للشروق ويوم قمت ناداني ولا اهو قاعد ورا وسوالف 20 دقيقة ويتبسم وانا اراعي شعوره اعرف ان الشباب الله يهديهم مايقعدون مع ابوهم ولا امهم فتلقينه يبي يسولف بس مو لاقي احد

وقبل ثلاث ايام رحت ازور ريل خالتي الله يرحمها شايب سكر وضغط وبالاخير ما قام يشوف ومايقدر يمشي دشيت البيت واهو بالبيت ابروحه وكلمت السواق بالصالة وانا مقصر صوتي سبحان الله عرفني وناداني مشعل دشيت عنده وقعت عندها ساعة ونص يسولف عن الماضي ويضحك ويقول للهندي ساعدني وقعدني وسوالف انا انا مستانس عيل اشلون اهو ابروحه بالبيت

وانا اعرف اشلون اخلي الشايب يسولف وينشرح صدره اساله عن الماضي خلاص حطي كرسي وقعدي ومثلج عارفه انا احب الحريم الكبار من عمر 55 وفوق احب اسولف معاهم

انا جني نسيت نفسي واندمجت وقعت اسلوف جني طولتها مو

نجد2

01-19-2020, 11:36 PM

سواها قلبي

01-20-2020, 01:33 AM

الله يسعدك ويعطيك كل شي تتمناه دنيا واخره.. احب جبرك لخواطر الناس شي حلو حيل..

الله يديم هالطيب وراعيه..

مممممم اندمج وسولف واكتب ماورانا شي خنشوف ونقرا كلامك..

افعالك جبر خاطر للناس.. وكلامك جبر خاطر لي انا..

اللهم جميعا ويسعدج يا رب ويزاج الله خير بنت عمي وماقصرتي وتدرين وقفتي مع جارنا اتعبتني الوقفة وتسند على سيارة اهله ومرات اقعد عالمكينة بس يلا كانت سوالف حلوه

مممممم اندمج وسولف واكتب ماورانا شي خنشوف ونقرا كلامك..

زين عطيتين الضوء الاخضر عيل تحمليني بقولج سالفة (حرض جنابه) ماودي اقول اسمه خو انتي عارفة انه الاثرم وعلى سالفة المواقف بس تكفين مو يطلع الخبر خلي السالفة بينا زين

كنت معزوم على عرس وشفت الخال بالصالة صدفه والسالفة هذي صار لها جذي 5 سنوات قعدنا انسولف وقام بيطلع ها وين ما طولت قالي بروح ازور واحد من الربع تو واصل من السفر صارله سنتين بكندا بسلم عليه يلا فمان الله فمان الله

ومن باجر شفته وسالته ها اشلون افلان قال ما اعرف احد بالاسم هذا امس تقول تو واصل من كندا قالي اقول شنو صار بس ما تقول للاهل قلت لا قول يلا

قالي رحت لبيتهم وطقيت الجرس طلعلي هندي وين بابا قال بالديوانية داخل ناده ولا اسمعه يقول تفضل تفضل دشيت عليهم ولا اهم ثلاثه ما عرف ولا واحد فيهم سلمت واللي يصب القهوة شمري ونعم الرجل كريم سالته وين افلان قال داخل 10 دقايق وبرجع تقهو واكرمني يقول انا عبالي نسيبه وقمت اسولف ودخل علينا رابع وسوالف وضحك عاد حرضت جنابه دمه خفيف حيييييييييييل هذا يقول سالفة وذاك يقول سالفة قعت ساعة ونص معاهم بعدين سالته وينه تاخر قال طالب عشا وكاهو بالطريج 5 دقايق وقال تفضلوا عالعشا تعشينا وقلت له الظاهر اني انا مضيع البيت هههههه قال اهو جاري بيتنا وبيتهم واحد وتراه رجع لكندا صار عنده ظرف قلتله انا زرته من عشر سنوات مرة وهذي الثانية عبالي بيتهم

ومرة كان مندمع بالتلفون والظاهر في سالفة بينه وبين واحد طول يروح جدام ويرجع لي يروح ويرجع ومع السوالف يأشر بيده يمين ويسار ومعاه بطل كولا

https://e.top4top.io/p_14792sutu1.jpg (https://top4top.io/)

خلصت المكالمة وشفت شي يطير بالهوا ودش ادرام الزباله عاد الدرام عود

https://k.top4top.io/p_1479exkdu1.jpg (https://top4top.io/)

ويوم حذفه طلع 88 قطو من الدرام و 341 ونص ذبانة من الخرعة وياني وقالي يلا خنروح بسرعة قلتله انت شنو حذفت قال الكولا قلت وهذا اللي بيدك شنو هههههههههههههههه قال راح التلفون ترجاني اطلعه له قلتله مالك أمل اشتري واحد ولا ادش الدرام قالي كلشي فيه حتى كلمات السر فيه شوي ولا اسمع تلفونه يرن قلتله يمكن اهلك يتصلون فيك قالي تكفى رد عليهم وقولهم خالي نايم قلتله ها بتقص علي

قلتله الحين اشلون قال بنطر سيارة البلدية وبشتري الزباله منهم شسوي بعد ههههههه نص ساعة ومر عليها عامل هندي قاله هذي 20 دينار وهات التلفون من الدرام وانا قلت للهندي هذي 40 دينار خله لا اطلعه وروح بقى يحذفني بالدرام هههههههههه مسيكن تعب لما لقاه ومن ذاك اليوم قاطع المشروبات الغازية

نجد2

01-20-2020, 04:03 PM

ههههههههههههههههههههههاي اهم شي ماتقول للاهل وانت قلتها للعالم كله هههههههههاي عساني مااعلمك شي خاص عني بس خو بشوف الخبر ع الcnn هههههههههاي

اما الجوال راح من الحماس هههههههههاي بس اعجبني انك دفعت اكثر عشان يبقى الجوال مكانه ههههههههاي الحمدلله ماني خالك ولا كان مت من الغبنه امحق ولد اخت هههههههههههههههاي

مت من قصصك وياه ربي يسعدكم

سواها قلبي

01-22-2020, 12:49 AM

ههههههههههههههههههههههاي اهم شي ماتقول للاهل وانت قلتها للعالم كله هههههههههاي عساني مااعلمك شي خاص عني بس خو بشوف الخبر ع الcnn هههههههههاي

ظلمتيني ظلميتني ظلمتيني ظلميتني ظلمتيني ظلمتيني ظلميتني ظلمتيني ظلميتني ظلمتينيظلمتيني ظلميتني ظلمتيني ظلميتني ظلمتينيظلمتيني ظلميتني ظلمتيني ظلميتني ظلمتينيظلمتيني ظلميتني ظلمتيني ظلميتني ظلمتينيظلمتيني ظلميتني ظلمتيني ظلميتني ظلمتينيظلمتيني ظلميتني ظلمتيني ظلميتني ظلمتيني ظلمتيني ظلميتني ظلمتيني ظلميتني

ظلمتيني ودمعتي ساحت على خدي وشلون ... ابوح السر واهو قال لا تعلم أهلي

لا وربي ما قال لا تعلم أحد لكنه ... حدد اكتم السر عن أهله

سنين وانا كاتم السر عن أهله ... بس بيتين وصن وخصلت افلوسي هههههههه يعني شاعر

عساني مااعلمك شي خاص عني بس خو بشوف الخبر ع الcnn هههههههههاي

ههههههههههههه لا لا انتي اهم شي حددي منو عشان ما انشر الخبر

ما الجوال راح من الحماس هههههههههاي بس اعجبني انك دفعت اكثر عشان يبقى الجوال مكانه ههههههههاي الحمدلله ماني خالك ولا كان مت من الغبنه امحق ولد اخت هههههههههههههههاي
مت من قصصك وياه ربي يسعدكم

المشكلة مو اهنيه المشكلة بالمنظر الخال رش عطر بغترته وزاد الجيلة شوي وتلثم عبالي مواعد وحدة بالدرام ما طول دقيقة وقالي هات الكرسي جني دخت وكل ما مرت سيارة اطالعنا وفي شباب نزلوا ومعاهم تلفوناتهم ومشغلين الكاميرا عبالهم في لقيط بالدرام عاد انا اقول للخال انزين وخر شوي عالدرام وخله يدوره وفج هاللثمة قال لا لا اخاف يلقاه ويطمع فيه ويحطه بجوتيه ويقول ابيعه 200 دينار ومابي العشرين وظلمة والدرام متروس حده والهندي مسكين يسال الخال بابا تلفونك اي صوب طاح مل شوي ويطلب الخريطة الخال يقوله حظك التلفون كااااااااااااان فيه 10%

وهذي مشكلة مرات يكون التلفون عالصامت ويضيع منك وتحاول تدق عليه عشان اتعرف وين مكانه اهو بالسيارة ولا بالبيت وانت عندك شغل بتطلع هههههههههههه صج مشكلة

ربي يسعدكم

اللهم جيمعا يا رب

مت من قصصك

صج ولا مجاملة ترا ماحب المجاملات

اليوم مادري شفيني فيني النوم قعت بالمسيد بعد صلاة المغرب وقعت اقرا قران واسبح وناطر صلاة العشاء من كثر مافيني النوم ماني قادر اسبح وراسي كل شوي وينزل تحت شبر شبرين ثلاثة وصل راسي للركبه طالعت الساعة ولا باقي عالاذان ربع ساعة ما قدرت اقاوم جان اطلع مشي ورحت لمسيد ثاني بطير النومة الحمدلله وصلت مع الاذان بالضبط بس لما خطرت الشارع بقيت اندعم هههههههه

نجد2

01-22-2020, 10:54 PM

ههههههههههههههههههههههههههاي صح لسسسسسانك لالا انت الحين اللي ظالمني سنييييييييييين ما طلع منك شعر هالنوب يطلع شعرك لخالك؟! لناااااا الله

لازم لازم شعر خص نص لي ماكو فكه بعد هذا انت كتبت بخالك اكتب فيني ي شاعرناااا مشعلاني..

وصفك لخالك يمووووووت وربي اجل متعطر ومتلثم تقل مواعد بالدرام هههههههههههاي ولا هذيلا اللي فزعوا وياكم يكشفون هههههههههههاي

ترى لما اقول مت من قصصك ترى صججججججج يبااااا وربي مو مجامله قصصك تضحكني تووووونس وربي

حاول تنام كويس واذا مررره غلبك النوم لاتطلع من المكان عشان لايكون تركيزك قليل ويصير لك شي مشعل انتبه لروحك زين ي ابوي..

بسالك شلون تقتبس كذا مره بنفس الرد حاولت وماعرفت..

سواها قلبي

01-23-2020, 12:52 AM

لازم لازم شعر خص نص لي ماكو فكه بعد هذا انت كتبت بخالك اكتب فيني ي شاعرناااا مشعلاني..

ههههههههههه انا شاعر كلها خرابيط خلاص ان شاء الله بكتب لج شعر بس عطيني مهلة لان الشاعر لازم يعيش بحساسه وانا احساسي رايح فيها هههه

حاول تنام كويس واذا مررره غلبك النوم لاتطلع من المكان عشان لايكون تركيزك قليل ويصير لك شي مشعل انتبه لروحك زين ي ابوي..

ان شاء الله بحاول انام زين ويزاج الله خير وماقصرتي بنت عمي

بسالك شلون تقتبس كذا مره بنفس الرد حاولت وماعرفت..

اول مرة ابحياتي اشوف واحد يسالني ويقول علمني وناااااااااااااااااااسة ارتفعت معنواتي الربع يدرون اني ميييح ما كو شي انا من طبعي اذا حبيت شي لازم اتعلمه واركز عليه بس غيره ماحب ادوخ راسي فيه
ما عليه الحين بعلمج يا رب اعرف اشرح

انا انسخ الكلام اللي برد عليه مثال احبج موووووت او موت احبجججججج اهي نفس المعنى بس الناس يبون الاولى هههههههههههههه بعدين في ايقونة فوق جنها دماغ آدمي لونها ازرق الحين بحط لج صورتها

https://b.top4top.io/p_1482jpytr1.png (https://top4top.io/)

يلا الحين بعد ما خلصنا الدرس بعطيج اختبار :

السؤال الاول :

اقتبسي مايلي : مشعل ومشعلاني ومشعولتي وكل اسم ابروحه وبدون زيادة اي كلمة مع الاسم

يلا خنشوف تنجحين ولا لا والجائزة بيت شعر هههه يلا خنشوف ابداعاتج

نجد2

01-23-2020, 03:17 PM

ههههههههههه انا شاعر كلها خرابيط خلاص ان شاء الله بكتب لج شعر بس عطيني مهلة لان الشاعر لازم يعيش بحساسه وانا احساسي رايح فيها هههه
انت تشوفها خرابيط وانا اشوفها شعر.. خذني ع قد عقلي وانتظر شعرك..

اول مرة ابحياتي اشوف واحد يسالني ويقول علمني وناااااااااااااااااااسة هههههههههههههههاي انت استااااز بس محدش بيقدر قيمتك زيي

مثال احبج موووووت او موت احبجججججج اهي نفس المعنى بس الناس يبون الاولى ي اخي الناس بطرانه ماعاد يعجبها شي انا عني قنووووووعه لو يحصل لي واحد منها همت فيها سنتين قدام ههههههههههههاي

مشعل مششششعل

مشعلاني مشششششعلاني

مشعولتي مششششعولتي
مشيعل مششششيعل
جورج جوووووورج

ان شاء الله اكون نجحت وفزت بقصيده منك من ٢٠بيت

سواها قلبي

01-25-2020, 01:42 AM

ان شاء الله اكون نجحت وفزت بقصيده منك من ٢٠بيت

اول شي ما نحجتي بالعكس سقطتي بالمادة انا شنو قلت اقري

قتبسي مايلي : مشعل ومشعلاني ومشعولتي وكل اسم ابروحه

وبدون زيادة اي كلمة مع الاسم

بدون زيادة واملائج غلط

مششششعل

مشششششعلاني

مششششعولتي

مشعل ومشعلاني ومشعولتي وجورج هذا منو ومن وين طلع وابوي الله يرحمه يناديني مشعيل خاصة اذا معصب وبزفني

لا وتبين 20 بيت يبا ابطعيج نص بيت عشان التطبيق صح

ي اخي الناس بطرانه ماعاد يعجبها شي انا عني قنووووووعه لو يحصل لي واحد منها همت فيها سنتين قدام ههههههههههههاي

هههه بقولج سالفة انا اشوفها مو حلوه يمكن انتي او غيرنا يشوفها صح

في واحد من ربعي من كثر ما يحب زوجته ولازق فيها اذا بقى يسولف معاي يقول سمعي فوزية بالغلط مو بس انا حتى الربع واكثر شي انا لانه يسولف معاي وايد ومن كثر ما يقولي فوزية ما اقدر احط عيني بعينه استحي

المهم يوم من الايام قلت له انت مثل واحد من الاهل بالضبط حتى اهو يسميني بدريه اذا قمنا انسولف وانا ابصراحة للحين ماني عارف منو فيهم زوجي ضعت فقلت له بعد عمر طويل لو قدر الله وراحت زوجتك انت ما تقدر تعيش بدونها قالي وربي ما اقدر كلشي ابيه اتسويه لي ومتعلق فيها ومريحتني وصح كلامه لاني انا قاعد اشوف الشي ابعيني ودايم ادعي لهم ومرة كلمتني زوجته تبيه وكان نسايتي تلفونه بالبيت قلت لها شوي ويرجع للدوانية وقلت لها السالفة جذي وجذي وجذي تراه يتكلم عنج وايد بالدوانية ويمدحج سوت وسوت والله لا يفرق بينكم ويزيدكم سعادة فوق سعادتكم بس وصيه لا يسولف لا يصكونكم ابعين وانا نصحته بس ماكو فايده قالت ان شاء الله

الزبده ماحب اللي جذي ليش اعرف اثنين كبار بالسن نفس حالتهم هذا ماتت زوجته والثاني مثله واحد مات من الفهر والثاني حاشته حالة نفسيه

وانا من طبعي من اشوف نفسي متعلق ابشي لازم احارب نفسي لازم كنت ادخن وبطلته لله واحب الحداق لدرجة ما تتصورينه ولما شفت نفسي متعلق حاربتها وليومج هذا مارحت يعني صارلي جذي عشر سنوات يمكن اذكر رحت مرة ويوم الاثنين اللي طاف شفت واحد من ربعي من زمان ماشفته وحن علي الا اطلع معاه البحر رفضت وغيره من الشباب

كلامي هذا يخلتف عنهم بس اقصد الواحد مهما كان ما يلزق ابزوجته لزق واذا ماتت تيتم اهو

يمكن اكون غلطان بس هذا اللي انا مقتنع فيه يارب تنسى سالفة الشعر

نجد2

01-25-2020, 02:14 AM

افتراضي
اقتباس:
ان شاء الله اكون نجحت وفزت بقصيده منك من ٢٠بيت
اول شي ما نحجتي بالعكس سقطتي بالمادة

ي فرحه ماتمت

بدون زيادة واملائج غلط

مششششعل

مشششششعلاني

مششششعولتي
مو املاء غلط هذا يقال اني واثقه اشددد ع الحرف بس يلا كنت اظن وكنت اظن وخاب ظني

لا وتبين 20 بيت يبا ابطعيج نص بيت عشان التطبيق صح
هونت ماعاد ابي شي هههههههه

يمكن اكون غلطان بس هذا اللي انا مقتنع فيه
مو سالفه غلط او صح، انت قصدك مو زين الشخص يتعلق بشخص يحبه كثير بس انت ماتدري ان هالشي مو بيدهم الحب وعمقه أشياء تجي من الله والحياه وطول السنين والمواقف توثقها وتقويها.. وبخصوص تعليقي انا ع سالفه احبج موت او موت احبج اقصد منها البطران بيدقق في ترتيب الكلام في حين فقير الحظ يشوفها نعمه كبيره كيف ماجاته.. ومن ناحيتي تعلمت مااتعلق بشي من اتفه الأشياء الين اكبرهاا.. قبل كنت اعطي اهتمام لأشياء ولاشخاص وكثير اداري واداري ومابه حد يداريني بالمقابل ومع الوقت سبحان الله كل شي تغير صرت اعيش يومي بيومه كيف ماجاء قللت علاقات وكثرت قعده وي روحي لدرجة الاصوات تزعجني.. مدري شدخل كل هالحكي بس المهم عني بعيده كل البعد حالياعن اني اتعلق بشخص اللي له حق علي اعطيه اياه وبس ان زان عسى دنياه تزين له وان شان الله يستر عليه الدنيا عندي سهالات ي ربي لك الحمد

يارب تنسى سالفة الشعر

خلاص مسامح ي الطيب بدنااااش شعر

سواها قلبي

01-27-2020, 01:44 AM

هونت ماعاد ابي شي هههههههه

هههههههههههههههههههههههههههههههههههههههههههههههههه ههههههههههههههههههههههههههههههههههههههههههه لا مو على كيفج بنت عمي الجائزة موجوده شنو ما تبينها هذا حقج وين اودي هالنص بيت محد يبه بطيح ابجبدي لا يبا لا تاخذينه تاخذينه

مو سالفه غلط او صح، انت قصدك مو زين الشخص يتعلق بشخص يحبه كثير بس انت ماتدري ان هالشي مو بيدهم الحب وعمقه أشياء تجي من الله والحياه وطول السنين والمواقف توثقها وتقويها..

ادري وربي وعشان جذي ماحبيت ادش بينهم وانصحه ومو بس الريال مع حرمته لا حتى الام او الاب مع عيالهم

وبخصوص تعليقي انا ع سالفه احبج موت او موت احبج اقصد منها البطران بيدقق في ترتيب الكلام في حين فقير الحظ يشوفها نعمه كبيره كيف ماجاته..

كلامج صح بس قولها

ومن ناحيتي تعلمت مااتعلق بشي من اتفه الأشياء الين اكبرهاا.. قبل كنت اعطي اهتمام لأشياء ولاشخاص وكثير اداري واداري ومابه حد يداريني بالمقابل ومع الوقت سبحان الله كل شي تغير صرت اعيش يومي بيومه كيف ماجاء قللت علاقات وكثرت قعده وي روحي لدرجة الاصوات تزعجني.. مدري شدخل كل هالحكي بس المهم عني بعيده كل البعد حالياعن اني اتعلق بشخص اللي له حق علي اعطيه اياه وبس ان زان عسى دنياه تزين له وان شان الله يستر عليه الدنيا عندي سهالات ي ربي لك الحمد

الحمدلله على كل حال واهم شي الواحد يمشي بما يرضي الله

مدري شدخل كل هالحكي

يه عادي بنت عمي واهو حلاته جذي نسولف وندش ابسالفة ثانية ونرجع للاولى جنا ما ندري هههه

وكثرت قعده وي روحي لدرجة الاصوات تزعجني

بس تعالي صج تنزعجين عيل اكيد نومج خفيف واي حركة تقعدين من النوم هذي مشكلة

نجد2

01-27-2020, 04:34 AM

يبا لا تاخذينه تاخذينه ههههههههههههاي طيب طيب

يه عادي بنت عمي واهو حلاته جذي نسولف وندش ابسالفة ثانية ونرجع للاولى جنا ما ندري ههههايوه بس احس انا اشتت اللي يقرا كلامي ويصير مو مفهوم ههههههه

تعالي صج تنزعجين عيل اكيد نومج خفيف واي حركة تقعدين من النوم هذي مشكلة

تزعجني الاصوات وانا صاحيه مو وانا نايمه.. مثلا وصلت لمرحله لو شغال التلفزيون قدامي اسويه صامت واطالع بس.. ولو اجتمعوا خواتي هذي كارثه بالنسبه لي وبسرعه انرفز من علو الاصوات.. اما نومي يعتبر مو خفيف الا في حاله وراي قومه لشي مهم هنا كل شوي اصحى وارد انام من القلق.. او اذا فيه صوت مو مالوف مرات اصحى عليه

سواها قلبي

01-29-2020, 01:01 AM

ايوه بس احس انا اشتت اللي يقرا كلامي ويصير مو مفهوم ههههههه

جنها نقزه لي يعني الحين انا اللي كلامي وايد مفهوم اشهر واحد بالتشتيتان اهو انا افتح سالفة واقول كلمتين ولا انا ابسالفة ثانية وثالثه ورابعة عادي عندي انا اهم شي اعبر عن شعوري ومالي شغل بالباجي افهموني ولا محد فهمني يبا اخذي راحتج بالسوالف ومالج شغل فهمنا ولا ما فهمنا

تزعجني الاصوات وانا صاحيه مو وانا نايمه.. مثلا وصلت لمرحله لو شغال التلفزيون قدامي اسويه صامت واطالع بس.. ولو اجتمعوا خواتي هذي كارثه بالنسبه لي وبسرعه انرفز من علو الاصوات.. اما نومي يعتبر مو خفيف الا في حاله وراي قومه لشي مهم هنا كل شوي اصحى وارد انام من القلق.. او اذا فيه صوت مو مالوف مرات اصحى عليه

انا والحمدلله عكسج عوت نفسي على كلشي انام ظلمة ولا مو ظلمه عادي عندي حر ولا برد عادي ازعاج ولا هدوء عادي تدرين لما نطلع لجبد اهم ينامون ابغرفة انا ابروحي ابغرفة ليش ازعاجهم لي بالتحذف قواطي يتحذفون واي واحد نايم لازم تحوشه قذيفة وبعدين اهم يشربون زقاير وانا ماحب فانا ابروحي وشهر 6 و 7 و 8 حر والحمدلله انام ومرات اقعد من الحر واروح اتسبح وارد انام لان الغرفة هذي مافيها تكييف وخاصة لبوه وانا مستانس فيها والحمدلله الوالد الله يرحمه امعودني على جذي ويوم كنت ازغير يتعمد يطلعني بعز الظهر روح صلح سيارتي روح جابل العمال روح ييب خبز والدينا برد من صباح الله خير وانا من البرد ودي اساعد الخباز اشغال شاقه وكاني ولله الحمد تعوت اطلع وارجع والربع قاعدين بالغرفة والوالد الله يرحمه لو يبي شي ما يدز السواق يخليني انا اسويه والحين انا تعوت واعتمت على نفسي ما اذكر يوم قلت للسواق روح ود هذا ولا ييب هذا

واهو حلاته الواحد يتعلم من يوم ازغير تدريب عسكري عشان اذا كبر يصير ريال والحين ابوقتنا هذا الناس ضيعو عيالهم دلع وخوف ودلال وعتمادهم على الخدم وخرابيط وولدي هذا خليه بس يطلع من بطن امه واعلمج فيه وانا ودي اسولف بس خايف ازعجج لازم الحين كل شهرين اسلوف مره صرت حساس

نجد2

01-29-2020, 06:43 AM

افتراضي
اقتباس:
ايوه بس احس انا اشتت اللي يقرا كلامي ويصير مو مفهوم ههههههه
جنها نقزه لي يعني الحين انا اللي كلامي وايد مفهوم اشهر واحد بالتشتيتان اهو انا افتح سالفة واقول كلمتين ولا انا ابسالفة ثانية وثالثه ورابعة عادي عندي انا اهم شي اعبر عن شعوري ومالي شغل بالباجي افهموني ولا محد فهمني يبا اخذي راحتج بالسوالف ومالج شغل فهمنا ولا ما فهمنا

هههههههههههههاي لا والله مو نغزه ولاشي انا اتكلم عن روحي مرات احس محد يفهمني او بالاحرى يفهمون ع كيفهم مايتحرون الفهم الصحيح.. وبعدين تقول ماعليج نفهم ولا م نفهم ههههههه لا لازم تفهمني يهمني افهم ويهمني يفهمني الشخص ولو تلاحظ دايم اسالك عشان افهمك زين..

انا والحمدلله عكسج عوت نفسي على كلشي انام ظلمة ولا مو ظلمه عادي عندي حر ولا برد عادي ازعاج ولا هدوء عادي

انا زيك ترى معوده روحي ع كل الظروف بس انا اخبرك عن الأشياء اللي تضايقني او تزعجني كشخص بس مو معناها مثلا ماعاد ارقد لا ارقد وماادري عنهم بعد بس سالفه الصوت اقول لك تضايقني واحاول ابتعد عنها اعتبر الصمت والهدوء عباره عن احلى شي تهديه لروحك متى ماقدرت انك توفرها ههههههههه..

ابوقتنا هذا الناس ضيعو عيالهم دلع وخوف ودلال وعتمادهم على الخدم وخرابيط

صادق وهالشي راح ياذي الاهل والطفل نفسه بالمستقبل..

وولدي هذا خليه بس يطلع من بطن امه واعلمج فيه

هو خله يجي بس ويصير خير هههههههههههههههاي..

وانا ودي اسولف بس خايف ازعجج لازم الحين كل شهرين اسلوف مره صرت حساس

> تطالعه بنص عين

سواها قلبي

01-31-2020, 03:12 AM

هههههههههههههاي لا والله مو نغزه ولاشي انا اتكلم عن روحي مرات احس محد يفهمني او بالاحرى يفهمون ع كيفهم مايتحرون الفهم الصحيح.. وبعدين تقول ماعليج نفهم ولا م نفهم ههههههه لا لازم تفهمني يهمني افهم ويهمني يفهمني الشخص ولو تلاحظ دايم اسالك عشان افهمك زين..

كلامج صح وبقولج شغله ما يجوز اشهد الله سبحانه على جذب ويشهد الله سبحانه علي اني فاهم كلامج وكل سوالفج بس انا اقصد بعض الناس انا ليش احرق اعصابي الا افهمه قصدي يعني انا لما اسولف مع الاهل او الربع او يكون بينا ضيف اعرفه من نقاشه معاي او اسالته اذا كان يتفلسف ويجادل بس جذي هذا ما ارد عليه ولا احاول افهمه بس في ناس لا احبه واحترمه ويحترمني اذا حسيت انه فهمني غلط لا احاول ابين له قصدي

ولو تلاحظ دايم اسالك عشان افهمك زين. .

الله يعينج علي بتعبين معاي يمكن احد داعي عليج وتورطتي وابتلشتي فيني يبيلج عشر محاميين يساعدونج على من كثر ما ادش ابسالفه واطلع منها بسالفة ثانية دوختج بس ارد واقولج صعب تفهميني ههههههه انتي باين عليج صبوره وايد لانج صابره علي كل اللي اسولفهم معاهم بالمنتدى انحاشو لا عضو ولا عضوه كلبوهم انحاشو بس اخاف عبالج في جوائز وصابره عشانها هههههه

هو خله يجي بس ويصير خير هههههههههههههههاي..

لا جذي ما راح يطلع فيها تهديد

انا الحين بجبد وتوني طالع من المطبخ غسلت المواعين ونظفت المظبخ قام يلق وعشانا كباب وعرايس وجميع المشويات شغل الربع مو مطعم وانا احب اللحم اكثر من الدياي وباجر قدانا ما ادري شنو بس اتوقع اتوقع بس لحم لان الطلعة اللي قبل هذي مرزوقوه هالقوطي راح وشرا لحم وقال انا بطبخ لكم مجبوس لحم خلص وحطه وين اللحم هههههههههههههههههه قال وانا مشغول الفت ولا القطوه ماكلة اللحم يقول لحقتها بشربها ماي وملح ابي الحق عاللحم قبل لا ينهضم بس انحاشت فمتوقع انا قدانا بس لحم اعرفه كلب سواها مرة مو سواها قلبي هههه نفس السالفة

سواها قلبي

02-02-2020, 11:56 PM

ينت عمي اشرايج فيها

https://k.top4top.io/m_1493cc8fs1.mp4

نجد2

02-07-2020, 01:50 AM

هههههههههههاي شصار ع الغدا اكلتم لحم ولا هوا..

يسسسسسسعد لي جوها هذي اللي فاهمه الدنيا صح..

سواها قلبي

02-10-2020, 01:39 AM

هههههههههههاي شصار ع الغدا اكلتم لحم ولا هوا..

سواها هالقوطي مثل ما توقعت لحم بدون عيش ما خلى شي ماحطه بالجدر تفاح وبرتقال وبطاط وكوسه وبيض مفيوح وخس وخبز وبسكوت مالح وووووو كل انواع الخضرة اللي بالمظبخ فوق اللحم مابقى الا يحط شوي من الزباله اللي بالمطبخ والحشو حب شمسي مادري عازم كاسكو شمسوي هالقوطي قفل المطبخ وخش المفتاح وحط الجدر جدامنا انزين وين القنجه قال اكلو من هالجدر تدرين جم ارتفاعه يمكن يمكن نص متر وعرضه متر ونص حتى واحد من الربع لبس مايوه ونزل بالجدر بدور لؤلؤ هههه واللحم تحت كلش يقول اللي يبي اللحم ياكل اللي فوقه كله ابي اذا رحت للاهل احلف صج الربع ماخلو شي بالجدرىالجلب البرتقالة حاطها كامله غسلها وقطها بالجدر مو مستخدم السجين ابد حتى الخيارة كامله ومسوي طبقات بالجدر تاكلين الخيار ويخلص يطلع تحته بطاط ناكله يطلع تحت سبال شنو شواذي احنا تعبنا واحنا ناكل ويوم وصلنا للحلم شبعنا جنه يعذبنا انا اعترفت له عن شي سويته وتاسف منه وبالاخير يقول مالكم نصيب باللحم بورح اقطه للقطاوة ماكو طلعة معاه الا يصير شي ماتتوقعينه هالانسان هذا فريد من نوعه هههههههههههه
.

يسسسسسسعد لي جوها هذي اللي فاهمه الدنيا صح..

اصلا تنازل عالحكم ابسببها ههههههههههههه

سواها قلبي

02-11-2020, 11:55 PM

ها بشرينا شصار عالاختبار

نجد2

02-12-2020, 03:08 PM

هههههههههههههههههههاي ي اخي مو صاحي هالمرزوووووق اجل تاكلون من القدر وماوصلتوا اللحم الا وانتم شبعانين هههههههههههههه داهيه وربي

اصلا تنازل عالحكم ابسببها ههههههههههههه

والله شكله هههههههههههههههاي..

المشاركات: 4,371
افتراضي
ها بشرينا عالاختبار

مدري شقول لك المقابله عديتها وكلموني عشان العرض وبروح الاسبوع الجاي والمباشرة الاسبوع اللي بعده بس بضطر اسكن هناك بروحي..

المشكله صار طلب بنفس المستشفى الفرع اللي بمدينتي ورحت المقابله واحس سويت زين بس يطولون ليما يردون بالقبول واخاف اجتاز الإجراءات ولما افكر اخلي هذيلا مااضمن الثانيين.. واخاف اروح للبعيدين واترك هالقريبين احس مشتته.. بس ببالي قلت اروح لهذيلاك واذا صار كل شي تمام مع الثانيين اسحب روحي بالشهور الثلاث الأولى تبع التجربه..

الله يكتب اللي فيه الخيره ي رب..

سواها قلبي

02-15-2020, 01:37 AM

هههههههههههههههههههاي ي اخي مو صاحي هالمرزوووووق اجل تاكلون من القدر وماوصلتوا اللحم الا وانتم شبعانين هههههههههههههه داهيه وربي

تقريبا نفس هالجدر واكبر منه بالف مره

https://c.top4top.io/p_1505vf8d41.jpg (https://top4top.io/)

نشم ريحة لحم بس مانشوفه جنه سراب هبلنا هالتعبان بس الحمدلله شبعنا ضحك

مدري شقول لك المقابله عديتها وكلموني عشان العرض وبروح الاسبوع الجاي والمباشرة الاسبوع اللي بعده بس بضطر اسكن هناك بروحي..

المشكله صار طلب بنفس المستشفى الفرع اللي بمدينتي ورحت المقابله واحس سويت زين بس يطولون ليما يردون بالقبول واخاف اجتاز الإجراءات ولما افكر اخلي هذيلا مااضمن الثانيين.. واخاف اروح للبعيدين واترك هالقريبين احس مشتته.. بس ببالي قلت اروح لهذيلاك واذا صار كل شي تمام مع الثانيين اسحب روحي بالشهور الثلاث الأولى تبع التجربه..

الله يكتب اللي فيه الخيره ي رب..

انا اقول استخيري الله سبحانه وتعالى واللي كاتبه ربي بصير بس جني جني وليس يني جني فهمت غلط يعني اذا ان شاء الله توفقتي برا مدينتج بتروحين وتسكنين طول عمرج اهناك بروحج ولا في حل ثاني

نجد2

02-15-2020, 07:43 AM

ايوه

لا م فيه حل الا بعد 3سنوات مه العلم بالعقد البنات شافو هالنقطه موومحدده بسنوات يعني رسميا ماتقدرين تنقلين لانك موقعه ع وقت مطلق مو محدد زي ماذكر لنا شفهي..

حاليا..

سواها قلبي

02-15-2020, 04:32 PM

بنت عمي ما ادري شقولج بس هم استخيري رب العالمين مرة ومرتين وثلاث وفكري زين عرفتي يعني انتي بتعيشين حياة ثانية برا مدينتج ولازم تدرسين الوضع زين من كل جهة وربي يوفقج عاد خلينا على بالج وعطيني الاخبار شصار معاك

نجد2

02-15-2020, 06:03 PM

سواها قلبي

02-16-2020, 04:51 PM

ايوه ادري وصرفه وسوالف بس شسوي بالله هذا اللي لقيته افضل وحكومي..

ع العموم مبدأيا ولد اختي بيكون وياي اختي قالت بيروح وياي.. ان شاء الله خير..

انت ع البال دوم مشعلاني اهم شي احنا خلنا ع بالك عدل مدل .. ودعواتك..

صح الوظيفة الحكومية هي الاحسن عالاقل الواحد من بعد الله يطمن انه ما يتفاجئ بطرده مثل ما يكون متوظف على عقد عايش على اعصابه مايدري بجددون عقده ولا لا والله يوفقج ابكل شي بس في شي لازم اتحطينه على بالج زين خلج مثلي ودايم اقوله لج وادري انج عارفته بس لازم اقوله اول شي حطيه بين قوسين ( اللي الله قاسمه لي بصير ) ليش لان في ناس تقعد اتحلم واذا ما صار له نصيب انصدم وضاق خلقه وبعض الناس يستمرض فانا اقولج هالكلام واقوله حق كل واحد ليش لاني خايف عليكم وجزاها الله خير اختج وولد اختج وماقصرو والله يوفقج وبعدين تعالي تعالي عبالج الحين انتي مو عالبال اشلون وانا كل يوم تقريبا اسولف معاج بنت الكويت غايبة وصار لها سنه واهي عالبال وشلون المواظبة بالمنتدى كل يوم هههههه خلاص هالسنة هذي تقييمج فوق الممتاز وبالتوفيق ان شاء الله

نجد2

02-16-2020, 10:23 PM

صادق وترى ببالي دايم هالشي وترى للحين ماوقعت لاعرض ولاعقد انتظر اوراق الاخلاء تبعي كل يوم يقولون باجر احس بديت امل من الموضوع بس بستمر لين اشوف اخرهااا.. وبكل الحالات زي ماقلت اللي كاتبه ربي بيصير والحمدلله عليه..

هههههههه ماادري قلت اقلدك بكلامك لما تقولين ع بالج.. ي زينها بنت الكويت ربي يسعدها وين ماكانت ي حبي لهاااا..

شششكرا ع التقيم مالقيته حتى بدوامي زين لقيته بالمنتدى ههههههه الا تعال شرايك توظفني بالمنتدى اخليه لك شغال ٢٤/٧ ع طووووول والراتب مانختلف عليه شرايك فكره حلوه ترا..

سواها قلبي

02-19-2020, 01:12 AM

كل يوم يقولون باجر احس بديت امل من الموضوع

لا لا كلش ولا هالجملة ماكو شي اسمه مليت الصبر يا زينه والله سبحانه وتعالى مو كاتب انج اتخلصين باجر او بعده

هههههههه ماادري قلت اقلدك بكلامك لما تقولين ع بالج.. ي زينها بنت الكويت ربي يسعدها وين ماكانت ي حبي لهاااا..

هههههههههه صارت ام عيال الحين انتهى ايام شبابها الله يذكرها بالخير مادري يابت الرابع ولا للحين عالثلاثة وربي فشلة انا متزوج قبلها بخمس سنوات وماياني ولد واهي بعدي وعندها ثلاث

شششكرا ع التقيم مالقيته حتى بدوامي زين لقيته بالمنتدى ههههههه

ههههه العفو بنت عمي تستاهلين كل خير وحطي بالج زين ترا باقي عشر شهور على انتهاء السنة واحنا الحين بشهر فبراير المفروض التقييم آخر السنة بس عاشن انج نشيطة بالمنتدى

الا تعال شرايك توظفني بالمنتدى اخليه لك شغال ٢٤/٧ ع طووووول والراتب مانختلف عليه شرايك فكره حلوه ترا..

هههههههههههههههههههههههههههههههه فكره حلو بس للاسف ما اقدر التوظيف من اختصاص بنت الكويت هالبنت هذي انا احبها عسى ما يسمعنا ريلها اللبناني ويسويلي سالفة هههههههه فاخاف اتعداها باجر تفصلني وتطردني

نجد2

02-25-2020, 08:31 AM

لا كلش ولا هالجملة ماكو شي اسمه مليت الصبر يا زينه والله سبحانه وتعالى مو كاتب انج اتخلصين باجر او بعده

صادق الحمدلله على كل شيء..

ههههههه صارت ام عيال الحين انتهى ايام شبابها الله يذكرها بالخير مادري يابت الرابع ولا للحين عالثلاثة وربي فشلة انا متزوج قبلها بخمس سنوات وماياني ولد واهي بعدي وعندها ثلاث

ههههههههههههاي استغفرالله عادي ي ابوي غيرك ٨ و ١٠ سنين والحمدلله الامور طيبه واحنا بخير.. اللي ربي كاتبه هو الافضل لناا دائما وربي يغنينا من واسع فضله ويكون السند لنا دنيا واخره..

العفو بنت عمي تستاهلين كل خير وحطي بالج زين ترا باقي عشر شهور على انتهاء السنة واحنا الحين بشهر فبراير المفروض التقييم آخر السنة بس عاشن انج نشيطة بالمنتدى

الله يسلمك هالشهر كله مميزات افراح ترقيات واعياد الكويت وتاريخ ميلادي هالشهر وابشرك اليوم اول يوم لي باشرت بالوظيفه الجديده الله يجعلها فاتحة خير ي رب..

هههههههههههههههههههههههههههههههه فكره حلو بس للاسف ما اقدر التوظيف من اختصاص بنت الكويت هالبنت هذي انا احبها عسى ما يسمعنا ريلها اللبناني ويسويلي سالفة هههههههه فاخاف اتعداها باجر تفصلني وتطردني

افااا كل شي ولا تطردك انت عمووود المنتدى بدونك يضييييييييع وكلنا نضيييع مو بس المنتدى..

سواها قلبي

02-26-2020, 02:55 AM

الله يسلمك هالشهر كله مميزات افراح ترقيات واعياد الكويت وتاريخ ميلادي هالشهر وابشرك اليوم اول يوم لي باشرت بالوظيفه الجديده الله يجعلها فاتحة خير ي رب..

الحمدلله وعسى ايامج كلها افراح والف والف والف والف والف مبروك عالوظيفة اليديده والله يوفقج خوش خبر وربي

افااا كل شي ولا تطردك انت عمووود المنتدى بدونك يضييييييييع وكلنا نضيييع مو بس المنتدى..

ومشكورة وماقصرتي عاد عمود المنتدى مو بس انا ابروحي الاثرم وانتي وبنت الكويت والشباب اللي كانو معانا كلبونا اعمدة

يوم الاربعاء اللي طاف كنا فالدمام واحد من الربع معزوم على عرس اثنين من ربعه ما نعرفهم الاول عرسه يوم الخميس والثاني اليمعة رحنا معاه انا ومرزوقوه اول يوم اربع مخالفات سرعة وثاني يوم 3 مخالفات واليمعة ماكو ولا مخالفة يوم راحة والسبت استفتح ابوحده والاحد ختمها اب ثلاث وترجيناه انا ومرزوفونه تكفى باقي وحده ونوصل الدرزن احنا ابندفعها عنك وربي لا تخاف وفوق هالمصايب ما حضرنا ولا عرس تلفونه ضاع وما يدل بيتهم ولا مكان العرس ولا اهو حافظ ارقامهم واحنا بس نضحك عليه ورجعنا الاثنثن واخذنا عهد انا ومرزوقوه مانروح معاه حتى المسيد

نجد2

02-28-2020, 03:32 PM

يبارك بعمرك يارب الله يسعدك..

الكل فيهم الخير والبركة بس انت غير.. اوك اذا هم اعمدة المنتدى انت روح المنتدى.. > الا تخليك غير عنهم لانك غير من جد..

ههههههههههههههههههههههههههاي ي الله شهالروحه شكلكم ماسميتوا اول ما سافرتوا ههههههههههههه الله يعوضكم خير ع المخالفات وصاحبكم هذا لاعاد احد يعزمه مو مال عزايم واعراس ههههههههههههههههه.. ولو اني اشك ان مرزوقوه هو اللي نكبكم بهالروحه عادي تلاقيه اللي خاش جوال صاحبكم فتشه فتشه وبتلاقيه هههههههههههههاي

الله يسعدكم

سواها قلبي

03-02-2020, 02:02 AM

الا تخليك غير عنهم لانك غير من جد..

ههههههههههههههههههههه يعني قصبا علي شهادة اعتز فيها مشكوره وما قصرتي بنت عمي وعساج عالقوه

ههههههههههههههههههههههههههاي ي الله شهالروحه شكلكم ماسميتوا اول ما سافرتوا ههههههههههههه الله يعوضكم خير ع المخالفات وصاحبكم هذا لاعاد احد يعزمه مو مال عزايم واعراس ههههههههههههههههه..

ههههههههه حلوه ما سمينا اعجبتني وربي والمخالفات على راسه اهو كله جذي يحب السرعة خل ياكلها عشان يتأدب ولو انه ما تأدب 11 مخالفة بس لو مكملها 12 جان تأدب بس انحسب ههههه مو احنا كله نجره بالسيارة وضحك واهو ينسى نفسه ويندمج معانا اكثر من الطريج

ولو اني اشك ان مرزوقوه هو اللي نكبكم بهالروحه عادي تلاقيه اللي خاش جوال صاحبكم فتشه فتشه وبتلاقيه هههههههههههههاي

مرزوقوه له دور جبير بالفلم اهو المنتج والبطل بس هالمرة مو دوره حرامي هههه وصاحبنا يمشي وبس جم مرة ينسى تلفونه ومفتاح سيارته وكلشي يكون اب ايده واحنا انبه حتى بالسفر معانا ينسى جوازه بالفندق يلا بس وناسة باجر نقصها لاحفادنا هههههههههه الحين خل يطلع ولدي وبعدين الاحفاد لاحقين عليها

واشلون الدوام اليديد عساه مثل العسل عاد انتبهي من الكرونا لبسي

https://h.top4top.io/p_1521g0za81.jpg (https://top4top.io/)

فيني النوووووووووووووم اكتب وانا نايم وحاشتني دوخة الساعة 10 ونص وركبت سيارتي وقعدت فيها شوي والحمدلله راحت وانا ادري هالدوخة من قلة النوم مو اول مرة تحوشني هالدوخة بنااااااااااااااام تصبحين على خير

نجد2

03-07-2020, 02:13 PM

سواها قلبي

03-09-2020, 02:45 AM

بسم الله عليك ونام وارتاح دايم لاتتعب روحك.. وتاكد انك تاكل زين

ماشي الحال بالدوام شويات فيه اشياء غير عن اللي متعوده عليه بس احاول اتاقلم.. المشكله باللي وياي متوظفات حقين مشاكل وحكي واخس هالشي توتر نفسي لانهم تقريبا كلنم كذا انا الوحيده اللي مااتكلم وهالشي مضايقهم احس اعتبروني عدوه لهم هههههههه.. بس ماعليه ان شاء الله تعدي سهالات الامور اتوقع كل بيئه عمل فيها هالمشاكل

يلا انتبه لروحك

زين والله يوفقج يارب وشغلج تمام خلج على طريقتج لا ادشين معاهم بالمشاكل وتعورين راسج ا

انا وين ما قطوني اشتغل ولا اتحلطم حتى لو كان شغلي اكثر من شغلهم ومظلوم بالدرجة او التقييم ما احتج ومرات تصير مشكلة والربع يبوني اروح معاهم للمسؤول ولا المدير ما اروح ليش لاني عارف بتصير فوضى هذا بيتكلم وهذا بيرفع صوته حتى لو كان عندي كلام ما اقدر اقوله ابسبة هالفوضى وانا من عادتي اذا صار شي اروح ابروحي اسولف واضحك معاه ان شفت نفسيته حلوه فتحت الموضوع واللي كاتبه ربي بصير وانا ولله الحمد امدلليني وربي اذكر مره وحدة احرجت مدير من المدراء اللي مرو علينا ومثل ما قلتي المشاكل ابكل مكان بالمدراس وبالدزام ووووو المهم عندي واللي انا امشي عليه اذا انظلمت اشتغل شغلي واخلص فيه واحلل راتبي ما اكون مثل الربع اذا زعل كشت فيهم يغيب ويأخر الشغل ولا يحترمهم هذا انا ماحبه وعشان جذي اهم مدلليني دورات ورحلات عمل واذا تاخرت مايحاسبوني واذا احتج علي واحد من الشباب رئيسي يدافع عني هذا جذي وجذي وجذي والحمدلله

نجد2

03-20-2020, 03:37 PM

ماشاءالله عليك اتمنى اصير زيك

ع العموم اموري تمام الشغل كبيئه شوياات ينرفز بس دامها تمشي معاااااك مشها زي مايقولون..

اتمنى تكون بخير وطمني عليك واسفه ع التاخير بالردود

نجد2

03-29-2020, 10:24 AM

مشششششعل وينك شهالغيبه

كل يوم اطل ومالاقيك كتبت شي

طمنا عليك الله يسعدك انتظر ردك

نجد2

04-25-2020, 10:57 AM

مساء الخير
كل عام وانت بخير وصحة وسعادة مشعل والاثرم وكل زوار المنتدى..

مشعل وينك من قريب الشهرين مالك بينه.. طمنا عليك
انا حسيت بتتاثر بتسكير المساجد والحجر وماعاد فيه طلعات وربع بس هذا حال الكل خلك صبور وتحمل وتوكل ع الله..

طمنا عليك باقرب وقت او الاثرم طمنا على مشعل امانه..

سواها قلبي

06-23-2020, 11:26 PM

https://f.top4top.io/p_1635x2z801.jpg (https://top4top.io/)

https://g.top4top.io/p_16353b8kz2.jpg (https://top4top.io/)

سواها قلبي

06-26-2020, 11:45 PM

https://i.top4top.io/p_1638dupls1.jpg (https://top4top.io/)

https://c.top4top.io/p_16388kb8e1.jpg (https://top4top.io/)

https://j.top4top.io/p_1638w3jup2.jpg (https://top4top.io/)

نجد2

06-29-2020, 12:38 AM

هذي تحية سلام؟

ي اهلا وسهلا وحياااك الله تو مانور المنتدى بردتك مشعل..

نجد2

06-29-2020, 12:41 AM

سواها قلبي

07-04-2020, 01:08 AM

هذي تحية سلام؟

ي اهلا وسهلا وحياااك الله تو مانور المنتدى بردتك مشعل..

هلاااااااااااااااا بنت عمي وامنور ابوجودججججججججججج

سواها قلبي

07-04-2020, 01:21 AM

هذي ماعرفت تفسيرها الصراحه

المهم ان شاء الله انك بخير وصحتك تمام.. اخبر هالحالة لما كنت ماتقدر تكتب بسم الله عليك.. بس ان شاء الله انك بحال افضل من قبل..

ومايخالف نتطمن عليك لو بس صور او بس نقطه اهم شي تطمنا عليك الله يسعدك ويحفظك من كل شر..

انا ابخير واشكر واحمد ربي على الصحة والعافية وعلى كلشي وان شاء الله انتي ابخير وسعادة طول حياتج رب

هذي ماعرفت تفسيرها الصراحه

انا دشيت المنتدى بعد ما قبت جم شهر وبقولج شنو اللي صار بس خنفسر لج الصور الصورة الاولى سلمت وانا خايف والصورة الثانية اتعبر عن السلام داش ابحمامة بيضه والثالثة بس مو اتزعلين هذا شعوري الثالثة انتي رفستيني اطلع من راسي بعد الرفسة الصور الرابعة اتسغربت حتى ارقبتي كان طولها 5 سم وبعد الرفسة صارت 53 سم ومع الخرعة انقلب لون الحمامة وصار اسود وطرت للمتسشىفى ههههههههههههه

سواها قلبي

07-04-2020, 02:31 AM

بقولج شنو صار معاي انا كله احاسب نفسي من زمان من يوم كنت ازغير ليمتى وانت جذي ضايع وليش ما تستقيم وراك موت وحساب ونار وكل ما اسوي شي اندم ومرات اخاف واسجد واطول بالسجود واستعفر ربي ومرة من المرات انبت نفسي وايد وايد طول الليل وانا احاسبها قعدت الصبح مالقيتها الحين وين القى نفس مقاسي بطلع وبعدين قررت اروح لبيت اختي وانام عند امي خذيت اغراض ابوي كلبوهم غترته وعقاله وهدومه الداخلية ودشاديشه ومصحفه وساعة امي وفوطتها ومشطها ومصحفها وكلشي لهم واول ماسويت تسبحت ولبست اهدوم الوالد ولاخذيت من اغراضي ولا شي حتى مفتاح سيارتي وتلفوني قطيتهم بالصالة وصكيت باب البيت وحذفت المفتاح عالبلوكنه عشان ما ارجع للبيت وبيتنا فيه كامرات وخواتي وحضرت جانبه يراقبونه لاني كله مع الربع وسواق ام رفيجي الله يرحمه ناطرني عند الباب مابي احد من الربع يعرف انا ويني فيه ام رفيجي اهي اللي تعرف بس ودشيت على امي وخليت الممرضة تروح تنام ابغرفة ثانية وانا مع الوالدة ويئ ارمضان ولا طلعت من البيت لا يمكن ثلاث او اربع مرات بس كله صلاة وقيام الليل وحفظ سور من القرآن حتى الجرايد ماقريت ماعرف عن الدينا شنو صار فيها واي واحد يتكلم عن الكورنا قلت اسكت لا تخلينا انوسوس خلنا نذكر الله ونعيش حياتنا العادية انصلي ونضحك واللي ربي كاتبه بصير بصير وصارت اشياء واشياء بعدين عرفت جم واحد من الربع حاشته الكرونا وجني طولتها هههههههه

سواها قلبي

07-05-2020, 01:43 AM

https://b.top4top.io/p_1646y9hxf1.jpg (https://top4top.io/)

ليش يا بنت الحلال بالثلاث شدعوا وحدة بس تجرح وانا ماقلت الا الصج وربي ما اطلع من البيت الا بالقصب

انا حسيت بتتاثر بتسكير المساجد والحجر وماعاد فيه طلعات وربع بس هذا حال الكل خلك صبور وتحمل وتوكل ع الله..

اي صج تسكير المسايد مليون بالمية تأثترت وايد وضايق خلقي بس شسوي هذا أمر الله وانا راضي فيه وخيره ان شاء الله وبقولج شي سبحان الله هالحظر هذا غير حالي وتعلمت دروس وانتهبت لاشياء كنت غافل عنها حبيت القعدة بالبيت وربي العظيم وكرهت الطلعة كنت ضايع وعبالي اني سعيد ابحياتي ومالقيت السعادة الا لما انجبرت بالقعدة بالبيت قعدت مع امي ابغرفتها ونمت معاها اهتميت فيها وايد حسيت اني ابعالم ثاني وندمت على اللي سويته كله هايت بالشوارع مع الربع وعرفت اني مقصر مع ابحق امي ومافيني خير وربي قمت اسولف معاها واضحك واهي مستانسة كله اتناديني مشعل وانا اقولها لبيج يمه ممرضج بين اديج تقولي ابي قصر واربع سيارات قلتلها لو معاي فلوس لسيارة وحدة ما نمت عدج بالغرفة تضحك يازينها وعمري وحياتي مالقيت ونانسة مثل هالايام لا مناجر مع الربع وصراخ ولا ولا قاعد وكل وقتي صلاة وعبادة

[/FONT][/SIZE]

نجد2

07-05-2020, 08:08 PM

انا ابخير واشكر واحمد ربي على الصحة والعافية وعلى كلشي وان شاء الله انتي ابخير وسعادة طول حياتج رب

انا دشيت المنتدى بعد ما قبت جم شهر وبقولج شنو اللي صار بس خنفسر لج الصور الصورة الاولى سلمت وانا خايف والصورة الثانية اتعبر عن السلام داش ابحمامة بيضه والثالثة بس مو اتزعلين هذا شعوري الثالثة انتي رفستيني اطلع من راسي بعد الرفسة الصور الرابعة اتسغربت حتى ارقبتي كان طولها 5 سم وبعد الرفسة صارت 53 سم ومع الخرعة انقلب لون الحمامة وصار اسود وطرت للمتسشىفى ههههههههههههه

[quote]ههههههههههههههههههههاي الله يسعد روحك كثر مااسعدتني بتفسير الصور ي مشعل [/quote

نجد2

07-05-2020, 08:12 PM

ماشاءالله تبارك الله

طمنتني عليك دام هذي اخبارك وزين مافعلت يوم قضيت وقتك يم امك الله يسعدك ويسعدها ويخليها لك ي رب..

القعده مع الام ماتتعوض استغلها واضحك وياها وقابلها هي بعمر تبي عيالها يمها ويسولفون وياها اكثر من اي وقت قبل..

الله يسعدك ويبارك لك بعمرك مشعل ويسعدك سعادة الدارين..

عاد لاتنساني من دعواتك ولاتنسانا الوالده عاد شلون بتخليها تدعي لي مدري دبر روحك هههههههههه...

الله يسعدك ي رب مررررررا استانست بانك تغيرت بشكل انت حابه وحاسس فيه للافضل..

انتبه لروحك ولاتقطعنا الله يسعدك

سواها قلبي

07-08-2020, 02:32 AM

الله جميعا يا رررررررررررررب ويسعدج يا رررررررررررررب وما قصرتي بنت عمي

عاد لاتنساني من دعواتك ولاتنسانا الوالده عاد شلون بتخليها تدعي لي مدري دبر روحك هههههههههه...

لا وربي مما نسيتج بالدعاء والدليل وربي اني دعيت لام عبدالقادر الساحرة ان الله يهديها وتبطل الشعوذة واشلون ما ادعيلج

امس لما دشيت المنتدى ورديت عليج ابقصة البنقالي وكنت ناوي اكتب اهنيه بس ياني اتصال مع واحد من الربع اللي بالقهوة الشعبية ريال كبير عمره جذي 55 سنة وقعد معاي لصلاة الفير طول معاي وانا ابصراحة مليت من التلفون ماحب اطول عطني الزبده وفمان الله خلاص استحيت منه اخر شي قمت اقط خيط وخيط ههههههه وربي يحاجيني امبوضوع وانا في وادي ثاني يقولي اشفيك قلت من اطول بالسوالف بعدها اضيع ويوم قالي فمان الله استانسسسسسسسسسسست صليت وسيييييييييييييييييدة نمت

صح والقعدة مع الوالدة تسوى الدينا ومافيها والقعدة مع الاهل هم جنة بس بعدين بسولف لج شنو سوويت عاد مو تقولين لحد مع اني مستحي بس بقوله بس يبيلها مزاج رايق ههههههه

سواها قلبي

07-22-2020, 11:40 PM

KqzJjq91sr0

نجد2

10-11-2020, 01:37 AM

بري حاااااااااالي المقطع عوار قلب..

سواها قلبي

10-11-2020, 06:47 AM

بري حاااااااااالي المقطع عوار قلب..

وربي بنت عمي اول ماشفت هالمقطع تاثرت وايد وقمت احاسب نفسي وايد وايد ومن كثر ما احسبها اkحاشت لهلها وقدت يومين بدون نفس وانا بنت عمي ابسرعة اتاثر وربي وفي عندي مقاطع حافظها على جهازي ديما اشغلها عشان ما اضعف واقعد اركز بالكلام شوفي هذا المقظع صارلي اسبوعين وانا سمعه بأثر فيني اتصل عالاهل والربع وربع الوالد ووووووووووووو والوالدة الله يقومها بالعافية وعندي مقاطع دينية ما احذفها من جهازي وخاصة اللي احبه واثق ابعلمه

تدرين بنت عمي قبل لا ادش المنتدى من اشوي قاعد ادورعلى شغلة بالكمبوتر شنو شفت وتذكرج يالله لج ثلاث فرص والشي هذا اللي انا شفته انتي اتعرفينه وسمعتيه واتحداج اتعرفينه عسى ما تقول سبجوه وتكسب الرهان انا مشكلتي كله اخسر المراهنات قعت اسمعه خمس مرات وسرحت ابخيالي ايام السالفة يالله خنشوف اتعرفينه ولا لا يقولون يقولون ان الحريم اكثر ناس تفوز بالمراهنات خشوف الحين صج ولا جذب

سواها قلبي

10-11-2020, 06:49 AM

ركزي بالكلمات وانا اكثر شي احطه تالي الليل الساعة 2 جذي

170ryfCSc2w

نجد2

10-12-2020, 05:10 AM

نجد2

10-12-2020, 05:11 AM

ي الله هالانشوده من اقدم الاناشيد اللي مرت علي ومره لها تاثير بالنفس لما تتأمل كلماتهاااا..

سواها قلبي

10-12-2020, 07:02 AM

ههههههههههههههاي سبجووووه الله يذكرها بالخير يمكن صج هي الحل لما كنت تغني هندي لها او يمكن لما كنت تنشد ي الله ي اللي كل حي يسألك.. هذي اللي جات ببالي مشعلاني.. يلا ان شاء الله اكون كسبت الرهان ههههههههههههاي

ههههههه ذكرتني بسعيد صالح ويونس شلبي الله يرحمهم ابمسرحية العيال كبرت لما تراهم معاه وفاز سعيد فقال يونس ( اهو اللي كسب ) ضحكني عاد انا احب المصريين يازينهم زيناه اقلوبهم نظيفة صح فيهم حرامية ونصابين وهذا في كل دولة وكلبونا بشر سيم سيم وانا لما اشتري شي من مصري يجذبج بسلوبه
تقولين له هذا ما يصير يقولج لئ هذا كده ودئ كده دقيقتين ويسحرني ابكلامه واشتريه ههههههههههه
يعني اخذه منه وانا وربي العظيم ادري انه نصب علي

اذكر مرة خالي الاثرم كان اب اولي ثنوي ترا حتى اهو يحب المصريين وايد كان اللي قاعد يمه بالصف مصري اسمه شريف وكل بين فترة يسولف عنه خايف اقولج تفضحيني بنت عمي تكفين خليه سر زين شريف يحب خالي وخالي هم يحبه بالصف يصيرون مثل الشرايج وبرا الصف اخوان ههههههههههههه شيقوله خالي الحين اخلي المدرس يطرك عاد شريف يقوله لانت ولا عشرة من امسالك هههه اذا قالها حضرة جانه اضحك شوي ولا شريف اطرده المدرس ههههههه خالي يقولي يا شريف ينطرد ابروح او انا معاه ومستحيل انطر انا ابروحي ولما اطلعت النتايح تكفين لا تقولين لحد اخاف يقطع عني المصروف هههه خالي طاح بثمان مواد بس نجح بالرياضة لا وبعد عالحفة يعني نص درجة ويطيح حتى الرسم سقط فيه وشريف طاح ابخمس مواد مسكين شريف وربي من كثر ما يسولف عنه حبيته

الشباب اللي يطالعون النتايح مستغربين ان شريف ساقط مو مصدقين ان مصري طايح ابخمس مواد بس مو مستغربين ان خالي طايح ابثمان الشي عادي عندهم في ناس اكثر منه ههههه متعودين بس مصري شي عجيب متعودين عليه شطار ومن ذاك اليوم اختفى شريف الظاهر اهله سفروه لمصر والسنة اللي بعدها الخال قام يطلع الرابع عالصف ويدرس ربعه وخلص الثانويه ونجح من الدور الثاني وبعدها اشتغل

باجر ان شاء الله بحطلج سبجاوووه وانا اغني عليها اتصدقين للحين تتصل فيني ومن اشيل التلفون اقولها يا سبجاوووه طاحية الميانة معاها عاد اتصدقين عبالي حاذف المقاطع بس بالصدفه شفتهم باجر باجر بطهم اشوي وبحذفهم لحقي عليه ههههههههههههههههههه يعني انا مطرب مشهورررررر

سواها قلبي

12-29-2020, 04:08 PM

السلام عليكم بنت عمي شبخارج وين هالغيبة

كنت بسووي مفاجاة بالمنتدى وعفسته لهم ولما اسلوني انت دشيت لوحة التحكم سوويت نفسي قشيم اي لوحة ماطوول معاي سمعت هالجملة (يصير خير) ومن باجر بديت اصوم الثلاث ايام لاني حالف لهم اني ما ادشها وقبل اذان المغرب اطلعت نتيجة التحليل هههه دزولي التقرير فيديو عالواتس وشفته صج تقدمت التكنلوجيا انا الحين مو شايل هم الا حضرت جنابه خايف يتحلطم عاد شفكني منه دزيت لها انا اسف كنت حلمان بنت ابسرعة بنقص عليها هههه وبعدين اسالتني سؤال صعب ماعرفت اجاوبه اشلون عرفت كلمة السر للادمن قلتلها خطج مو واضح عيدي السؤال ماردت قلت الله يستر ان شاء الله ماتقوله

بالليل دشيت قروب الاهل ولقيت 8 فيديوات امنزلهم حضرت جنابه واحد قبل المغرب والثاني وراه ابنص ساعة والثالث وراه كلبوهم نفس الفيديو اللي دزته لي فضحني بالقروب ياربي شرد عليه كتبت له مكرر مارد علي الله يسترمثل العادة دق علي انزل ابيك ههه قلتله انا مابيك صعد لي فوق وسالني نفس السؤال الصعب اشلون عرفت باسورد الادمن قلت له شيّرتها ودشيت ماعجبه الكلام قام يهددني ابشغلة انا ابيها منه ضروووووووووووووووووووووووررررررررررررررررررررري حلف ما يسوويها عاد انا اهنيه استلمت وقلت ابشرط ما اعلمك انت اعلمها اهي اخاف باجر انت بعد تدش واتعبث وتتهموني

كتب لها انتي لج كلمة سر ثنتين كل بين فترة يجبرج المنتدى اتغيرينها يوم اتحطين هذي والمرة الثانية الثانية وكله جذي وايام زمان قبل لا يخربه حضرة جانبه خيتل التهمه عليه ههههه لما كت ادش بالباسوور بعد مدة يقولي غلط فلما سالتج قلتي حط هذي عاد انا اهنيه عرفت وقلت خندش الادمن وضبطت معاي بس الله يخليج لا يدري حضرت جانبه واحلفج اب ربي العظيم ما تعطيه كلمة السر اخاف باجر يخرب المنتدى هههههههههه بعدين راويته الرسالة من ابعيد ودزيتها لها

وربي حاولت وحاولت اسووي اللي ابالي بس ما اضبطت خل الامور تمشي جم شهر وبدش احاول ههههههههههه

نجد2

01-17-2021, 01:16 PM

هلا والله سواها قلبي

كاني ابخير ونعمه غبنا بسنه وردينا بالسنه اللي بعدها هههههههههه

انت شلونك طمني عليك وعلى صحتك ان شاء الله كل شي تمام..

شمهبب انت بالمنتدى شتحوس في التحكم احنا بدون شي ومو مترقعين هههههههههههه

وشنو هالمفاجاه اللي جبت العيد وماشفناها

انتبه لايطير المنتدى علينا زي قبل ترى كثير اشياء راحت زمان ومالها بديل او نسخ عندنا مانبي نتحسف >تذكرت حسافه دمعتي هلت.. الخ.. ههههههههههههههههه

اي وكنت بسالك اذا فيه مشاركه او رد قديم وابي احذفه شلون؟ او خلاص مو ممكن؟

سواها قلبي

01-18-2021, 02:06 AM

هلا والله سواها قلبي

كاني ابخير ونعمه غبنا بسنه وردينا بالسنه اللي بعدها هههههههههه

انت شلونك طمني عليك وعلى صحتك ان شاء الله كل شي تمام..

هلا بنت عمي اشلونج وشخبارج والقايب عذره وياه وابصراحة صار بالنا معاج الله يستر ليكون فيها شي لا قدر الله كل يوم نقول الحين بدش يالله الحمدلله عالسلامة وياهلااااااااااا ومرحباااااااااااااااااا

وشنو هالمفاجاه اللي جبت العيد وماشفناها

هههههههه ضحكتيني كنت بسوي مفاجأة لكم صارت المفاجأة لي انا بقى يطير المنتدى هههههههههه زفوني زفة بدون زقاريط

تذكرت حسافه دمعتي هلت.. الخ..

هههه تذكرتها ايام المنتدى القديم الله يذكره بالخير كانت ايام حلووووووووووووووه وايد وايد

اي وكنت بسالك اذا فيه مشاركه او رد قديم وابي احذفه شلون؟ او خلاص مو ممكن؟

ممكن بس لو انج يايه قبل لا اعفسه لهم جان اعطيج صلاحيه لان كلمة السر كانت عندي بس الحين العلاقات متوتره يبيلها جم سنة يالله تهدأ بس ما عليج خليها على الله ثم علي بحاول ابشتى الطرق اعرف كلمة السر مرة ثانية وبقولج شغله انا لما عفست له المنتدى داش بالادمن بس اذكر مرة يوم طيرت المنتدى القديم خلوني ادمن رايح فيها يعني ادمن فقير لي جم صلاحية صبر صبر خنشوفها اي الحمدلله لقيتها عطوني سواهاقلبي ادمن مو سواها قلبي شوفي الفرق بين الاسمين بس بحاول اتذكر الباسورد دشيت مرتين يقولي قلط خايف احاول ثالثة تطلعني ام السعف والليف بس ما عليج بحاول وبسوي مفاجأة

انت شلونك طمني عليك وعلى صحتك ان شاء الله كل شي تمام..

انا الحمدلله ابخير ونعمة من الله صج صارت ظورف بس الحمدلله وما اطلع كله قاعد بالبيت الربع يدقون تعال ما اطلع قعت من اول ما يت كورنا الى اول نوفمبر مادري اشلون طلعت دق علي واحد من الربع قالي تعال افلان عندي مادري اسحرتني ام عبدالقادر رحت وسلمت وخذوني بالاحضان وقعدت ثلاث ساعات ورجعت للبيت بعد يومين دق علي روح افحص ليش يبه حامل اقولك روح افحص شالسالفة يقولي قبل لا تيوني بيومين ياني واحد وقالي انا مريض زكام وحرارة ومعاي احتقان بس مو كورونا قعد معاي بالديوانية بينا مسافة مع السوالف يوم بقى يطلع انا نسيت انه مريض لصقت فيه قمت اسولف معاه ربع ساعة عن الباب وراح ودق علي امس يقولي روح افحص معاي كورونا وانا الحين قلت لكم وانتو ابكيفكم

انا فتحت مزار بالبيت ورفيجي فتح مزاد وباع كل اثاثهم واغراضهم انا شريت منه ثلاجة 6 قدم وكل يوم ادز له مسج عالواتس ها انت حي هههههه يقولي الحمدلله حي والمجرم حي يرزق اللي اهو راعي الديوانية عاد انا شقوله تراه يبينا احنا الاثين يا نعيش مع بعض او نموت مع بعض ولا ليش داق علينا 10 شهور ولا مرة قال تعالو شمعنى الحين

وبقولج شغلة انا فرحان وايد وايد منها بالاول ماكنت انام زين يعني اليوم انام ساعة وباجر ساعتين وثالث يوم اربع ساعات متقطعة مالي خلق تعبان حيل بعدين الحمدلله تعدلت النومه وعرفت ليش والشي اللي فرحني اني احلم اني بالمسيد مرة حلمت اني ابصلاة اليمعة ومرة ابمحاضرة بالمسيد ومرة قاعد اذن ومرة انا الامام وحلمت اني حاج لابس الاحرام وقعت مستانس وااااااااااايد ما عليه اذيتج بالسوالف يالله تحمليني تراني خوش ولد هههههههههههه مداح نفسه يبيله ................

نجد2

01-18-2021, 02:30 AM

الله يسعدك ي رب ولاتحاتيني عمر الشقي بقي ع قولة اهل مصر..

ههههههههههههههههههههههه استغفرالله العظيم

اهم المزاد اللي سويتوه والثلاجة تخيلت اشكالكم

وعساها دوم هالراحه والوناسه لك ومداح نفسه يبي له مدحه لانه يستاهل >هالمثل حرفنا فيه بس عشانك هههههههههه

لاتتعب روحك ولاتحوس اكثر بالمنتدى خل الامور تترقع ولكل حادث حديث..

سواها قلبي

01-20-2021, 12:37 AM

الله يسعدك ي رب ولاتحاتيني عمر الشقي بقي ع قولة اهل مصر..

آمين يا رب جميعا

ومداح نفسه يبي له مدحه لانه يستاهل >هالمثل حرفنا فيه بس عشانك هههههههههه

ههههههههه لا تمام هالتحريف يفيديني مع التجار وكبار الشخصيات اذا قالها بقوله بالعكس مداح نفسه يبيله مدحه هههه واما مرزوقوه وغيره لا يبيله ست رفسات

لاتتعب روحك ولاتحوس اكثر بالمنتدى خل الامور تترقع ولكل حادث حديث..

لا لا انا بحاول مارح ايأس انا اليوم دزيت لها رسالة عالواتساب شديدة اللهجة سووتلي حظرهددتها ترا بهد المنتدى جنها تقول بالطقاق وربي ودي اهد المنتدى وبشوف شنو بتسووي انا اتسويلي بلوك ليش يا بعد حيي يعني شخصيتها قوية عاد علي انا بدز لها رسالة عالايميل وبشوف شنو بتقول وبعدين اعلمها منو انا بس بتأكد صج احظرتني ولا انا قلطان يقولون العجلة من الشيطان خنتريث شوي ومن يعطوني صلاحيات بسوي مفاجأة بالمنتدى بس مو اتعلمين بنت عمي تكفين عاد هالمره صارت عندي خبرة

نجد2

01-20-2021, 05:27 AM

تهد المنتدى وين تروح؟

ووين بنلاقيك؟

شالسالفه مشعل كأنك ناويها قطاعه؟!

خبرنا خنروح وياك ليا عزمت لاتسحب علينا
الا اذا تبي الفكه هذا شي ثاني ههههههههههه

سواها قلبي

01-21-2021, 01:24 AM

تهد المنتدى وين تروح؟

ووين بنلاقيك؟

شالسالفه مشعل كأنك ناويها قطاعه؟!

خبرنا خنروح وياك ليا عزمت لاتسحب علينا
الا اذا تبي الفكه هذا شي ثاني ههههههههههه

لا بنت عمي لا ابي الفكه ولا شي ثاني حتى لو بروح مكان ثاني لازم اخاذج وياي عيل اخليج تتوحد فيج ام عبدالقادر وربعها هالسحرة لا وشفتي الخبر اللي نزلته عندهم تو مساع هههههههههه ضحكني استقفر الله جلب الحبيب نصابين وربي كله سحر

لا بس انا ماحب جذي ماسويت شي بالمنتدى عشان اتعاقبني واتسويلي ابلوك بس ابشرج دزيت لها رسالة عالايميل وردت علي وقلت لها انسي الكلام وليش حاظرتني قالت ماحظرتك وسامحتها بس بجرب وبدش بسواهاقلبي وبشوف هالمفاجأة تصير ولا ماتصير الا بالآدمن عاد هالمرة اذا عفسته بقول نجد اهي اللي ............. انا مالي شغل باجر بحاول ولازم انجح ان شاء الله

نجد2

01-21-2021, 09:44 PM

تمام طمنتني

ههههههههههههههههههاي استغفر الله العظيم ربي يكفينا شرهم

كويس الحمدلله انها الامور بينكم عدت ع خير وان شاء الله تضبط وياك هالمفاجاه اللي تبي تسويها واذا ضبطت وياك بسوي انا بعد مفاجأة > مافي بالها شي بس تبي تقلدك هههههههههههههاي..

سواها قلبي

01-23-2021, 12:19 AM

واذا ضبطت وياك بسوي انا بعد مفاجأة > مافي بالها شي بس تبي تقلدك هههههههههههههاي..

هههههههههههههه ليش لا يمكن كلشي جايز انا المفاجأة باذن الله بسويها بس للحين ما عطتني خنصبر عليها شوي لاني دشيت وطلعلي مسج ماكو صلاحية

ها اشلون الجو عندكم برد انا الحين عند اختي بسعد العبدالله بررررررررررررررررررد ماخليت شي ما لبسته حتى نسيبي لبسته عاد انا ماحب البرد اقعد مثل القطو من كثر ما اهو بردان يمر عليه فار بس يطالعه الله يكون ابعون هالناس اللي بالبر

امس بقيت ادش المنتدى بس خفت ادش تطير النومه وقلت خننام احسن وقعت الحمدلله قبل اذان الفير بشوي بس انا مستغرب من شي حلمت ابواحد من الربع متوفي الله يرحمه كان ابصفي بالابتدائي انا شفت ويه بالحلم وسلمت عليه وحبيت راسه وقلتله اشلونك افلان سميته باسم مو اسمه واهو بعدين حب راسي ويوم قعت من النوم ويه ما راح عمبالي وتذكرته وربي على طول قلت هذا حمد الله يرحمه نفس الويه سبحان ربي العظيم مافكرت فيه عشان يطلعلي مرات الواحد ينشغل ابشي ويطلعه بالحلم من كثر ما يفكر فيه سبحان ربي العظيم عاد حمد كان يتراهم مع واحد من 100 فليس هههههههه يفشل المبلغ وحمد كله ينقيني والعب معاه ونفوز واهو اللي يدفع وشقولي يقول اذا خسرنا تحط معاي هههههههههه اذا فاز كش فيننا الله يرحمه ويقفر له

نجد2

01-23-2021, 09:05 PM

سواها قلبي

01-24-2021, 02:12 AM

يلا ان شاء الله تعطيك الصلاحية عشان نشوف مفاجأتك المنتظره هههههه

اي والله برد حيل عندنا انتبه لروحك..

الله يرحمه ويغفرله شي عجيب لما ماتكون مفكر بشخص ويجيك بالحلم خصوصا اذا زي كذا شخص عهدك فيه من الطفوله..

بس ي رب يكون خير وتصدق عنه اذا تقدر يمكن بحاجه للصدقه وربي يكتب لك الاجر

اللهم امين وصح كلامج ان شاء الله بتصدق له وانا ابكل صلاة دعيت له ابسمه وكل ما رفعت ايدي ابغير الصلاة ادعيله الله يرحمه ويرحم اموات المسلمين يارب

عاد دفي نفسج ترا البرد مايرحم اذا دش العظام وبحطلج مقطع اذا حسيتي بالبرد طالعيه تدفين على طول

iqg7Z0fvwNA

نجد2

01-24-2021, 08:59 PM

الله يجزاك خير

ههههههههههههههههههههههههاي حسبي الله اجل المقطع يدفي
رحمتهم والله مساكين العيال

سواها قلبي

01-25-2021, 01:59 AM

الله يجزاك خير

ههههههههههههههههههههههههاي حسبي الله اجل المقطع يدفي
رحمتهم والله مساكين العيال

هههه عندي بنت خالة خالي سمعت من الاهل عيالها اتغسلهم ابماي بارد ابهالبرد وبيني وبينج اهو عالتعود في ناس من يدش البرد لزق ابهذي

https://h.top4top.io/p_1850edxmx1.jpg (https://top4top.io/)

والطريقة هذي مرض ويقعد طول عمره ما يتحمل البرد واذا سافر اكلها انا الحمدلله ماحبها بس مالخيت شي بالكتب ما لبسته لو الكبت مقاسي جان هم لبسته اول مرة يصير معاي جذي بررررد عاد انا الدلاقات نادر ما البسها بالبرد ماحبهم واصير نشيط بالبرد اطلع اروح للسوق واي واحد من الربع بالديوانية يبي شغلة من الجمعية او اي مكان انا اشجعه قوم خنروح انا اوصلك ابسيارتي ونطلع وبالصيف لا مرات اتعييز شوي بس احمد ربي واشكره ثم اشكر الوالد الله يرحمه اللي علمني من يوم ازغير الطلعة معاه ابعز بالحربالصيف والحين تعوت اطلع ومايهمني الحر وهذا مثل ما قلت لج عالتعود والحين ابوقتنا هذا رب البيت وربة البيت زايد حنانهم ع عيالهم مساكين قعدو وكل الشغل عالسواق والخدم واهما اللي خربوهم وباجر اذا اكبرو ماكو حتى بر للوالدين انتي او انت اتربي اعيالك على طريقة تحمل اذا انقلبو عليك لا تقول زمن اجدادنا كانو وكانو واحنا كنا بارين والشغل كلبوه علينا رب اعيالك مثل ما ربوك اهلك

انا ولد اختي اكثر طلعاتي معاه الساعة وحدة ونص او ثنتين الظهر اروح للشويخ نحوس بالكراجات ولا السكراب ولا نقعد عالبحر والحين من يطرشونه مايقول لا يطلع لانه ياخذ سيارة امه ههههههههههههه مستانس المدلقم مرة ضحكني طحت عالارض دقيت على اختي وين اعبيد قالت راح الجميعة ابسيارتي ويوم شفته ولا اهو كاشخ بغترة واعقال يعني ريال النجدة ماتصيده سالته سؤال واذا وحاشك تفتيش وقالك عطني دفتر السيارة والاجازة قال اعطيه قلت له مو الاجازة والدفتر بسم امك مو ابوك ههههههههههه صورة امك يقولي وربي راحت عمبالي قلت له المرة الثانية تحجب ههههههههههههههههه عاد اهو يشابه امه ونرجع ونقول ماما زمنها قية ههههههه ياني النووووووووووووووووووووووووووم فمان الله

سواها قلبي

07-10-2021, 12:53 AM

قوه بنت عمي اشلونج وشخبارج انا قبت كل هالمدة وربي العظيم كله عبادة حفظ وقراءة قرآن ووووو وياني شي عبالي كورونا ضيق تنفس وعوار بالصدر وجفاف شوي بالبلعوم ورحت سيده لبيتنا وقلت لختي العوده عصبت وقالت تعال عندي بالملحق منو يطبخلك قلتلها بنام واقعد بالصالة وراقبوني بالكامرات صارت الصالة مسيد وغرفة نوم ومطبخ وديوانية وكلشي بعدين حاشني عوار بنص الصدر وقام يطور شوي شوي وقام يقعدني من النوم طاحت الميانية ههههه ومرة ياني مثل الصاعقة بالصدر وصل الالم لبلعومي احس مثل النار وطحت عالطوفه انصحوني روح للمستشفي كشت فيهم مالي خلق وبعد شهرين جذي تعبت ورحت للمستشفي تحاليل وفحوصات قالو معاك اهم شريان بالقلب مسكر اكثر من 80% تعال باجر عشان تخاذ اشعة وكشت فيهم ومارحت عطوني ثلاث انواع من الادوية واحد للدهون والثاني لعظلة القلب والثالث ينظم دقات القلب وبعد اسبوعين جذي قام يعورني قلبي جان احذف الدوا الاول والثاني بس منظم القلب قمت اخذه وبعدين تعبت وخذوني للمستشفي ودخلوني غرفة العلميات وسوولي قسطرة ويوم طلعت من المستشفي ياني خبر وفاة امي الله يرحمها حشاتها كورونا خاشين عني خبر وفاتها لاني بالمستشفي كل اللي اعرفه انها منومة بالمستشفي وللي علمني منو ولد اختي اللي مغير اسمه لمشعل اعبيد اول مرة اشوف اسلوبه حلو ماقالي سيده امك متوفيه لا قص علي بالاخبار وانا صدقته وبالاخير قالي خالي انت انسان مؤمن بقضاء الله وقدره وانت وانت بعدين قالي ترا العوده توفت ودفناها قلت له امي انا ماتت امي امي قال ايه نزلت وسجدت لربي وقمت ادعي لها طولت عبالهم اني مت وانا ساجد كلومني وحركت ايدي وكملت دعائي وشكرت ربي اني ماشفتها ولا رحت المقبرة لان ربي قدر هذا الشيء من صالحي انا يمكن لو شفتها انهار طلبت صورة قبرها ودزه لي ولد اختي شفته دمعت عيني ومسكت نفسي وقمت ادعي لها وادعي لبوي الله يرحمهم ويرحم اموات المسلمين